Read NT LS 2005 – Инжил ЛС (2005 Jeremiya 17 Bible Online

Jeremiya 17 - NT LS 2005 – Инжил ЛС (2005 bible

Jeremiya 17

¹Jüyüttün künöösü temir keskiç menen, almazdın mizi menen alardın jürök looktoruna jana alardın kurmandık çalınuuçu jaylarının müyüzdörünö jazıldı.

²Alar öz uuldarın estegendey, özdörünün kurmandık çalınuuçu jayları tuuraluu, biyik döbölördögü, jaşıl daraktardın tübündögü Aşeyra mamıları tuuraluu esteşet.

³Talaadagı Özümdün toomdu, senin mal-mülküŋdü, senin bardık asıl buyumdarıŋdı talap-tonoogo berem, senin bardık butkanalarıŋdı bardık aymaktarıŋdagı künöölörüŋ üçün talap-tonoogo berem.

⁴Men bergen murastan ajıraganga sen özüŋ sebepker bolosuŋ, anan seni özüŋ bilbegen jerdegi duşmandarıŋa kulçulukka berem, antkeni siler Menin kaarımdın otun jalındattıŋar, al tübölükkö küyö beret».

⁵Teŋir mınday deyt: «Adamdan ümüttöngön, öz denesin tirek kılgan, jürögü Teŋirden alıstagan adamga kargış!

⁶Al adam çöldögü badalday bolot, al ırayımdın kelgenin körböyt, çöldögü ısık jerlerge, tüşüm berbegen, eç kim jaşabagan jerge oturuktaşat.

⁷Teŋirden ümüttöngön, Teŋirge tayangan adam bataluu.

⁸Antkeni al adam suu boyuna tigilgen, tamırın suu tübünö jaygan daraktay bolot. Al aptaptı sezbeyt. Anın jalbıraktarı jaşıl boydon turat, al kurgakçılık ubagında da korkpoyt, mömö berüüsün toktotpoyt.

⁹Adamdın jürögü ötö antkor, ötö buzulgan, anı kim bile alat?

¹⁰Men, Teŋir, ar bir adamga özünün joluna jana kılgan işterinin jemişine jaraşa tieşesin berüü üçün, jürökkö çeyin kirip, içki düynönü sınap turam.

¹¹Baylıktı jalgan jol menen tapkan adam özü tuubagan jumurtkalardı basıp oturgan kekiliktey: al baylıktı ömürünün jartısında kaltırat, ömürünün ayagında akılsız boydon kalat».

¹²Bizdin ıyıktala turgan jayıbız – başınan ele jogoru kötörülgön daŋk tagında.

¹³Sen, Teŋir, Israyıldın ümütüsüŋ. Seni taştagan adamdardın baarı maskara boluşat. «Menden çettegenderdin bardıgı jerge jazılat, antkeni ömür suusunun bulagı bolgon Teŋirdi taştap koyuştu».

¹⁴Meni ayıktır, Teŋir, oşondo men ayıgam. Meni kutkar, oşondo men kutkarılam. Antkeni menin maktanıçım Sensiŋ.

¹⁵Alar maga: «Teŋirdin sözü kayda? Al kelsin!» – deşet.

¹⁶Men Senin koyçuŋ boluuga şaşılgan jokmun jana kaygı künün kaalagan emesmin, munu Sen bilesiŋ. Menin oozumdan çıkkan nerse Senin aldıŋda açık.

¹⁷Men üçün korkunuçtuu bolbo, kaygı künü menin tayanıçım Sensiŋ.

¹⁸Meni kuugandar uyatka kalışsın, birok men uyatka kalbayın. Alar kaltıraşsın, birok men kaltırabayın. Alarga kaygı kündü kaptat, alardı özgöçö kıyroo menen kıyrat.

¹⁹Teŋir maga mınday dedi: «Bar, Jüyüt padışaları kire turgan jana çıga turgan, eldin uuldarının darbazalarının aldında tur, İerusalimdin bardık darbazalarının aldında tur.

²⁰Anan alarga mınday de: “Jüyüt padışaları, bardık Jüyüt eli jana uşul darbazalar menen kirgen İerusalimdin bardık turgundarı, Teŋirdin sözün ukkula.

²¹Teŋir mınday deyt: "Öz janıŋardı saktagıla, işembi künü jük kötörbögülö, İerusalimdin darbazaları arkıluu jük kötörüp kirbegile.

²²İşembi künü üyüŋördön jük kötörüp çıkpagıla, eç kanday jumuş kılbagıla, birok işembi kündü Men silerdin ata-babalarıŋarga kanday buyrusam, oşondoy kılıp ıyık tutkula.

²³Birok alar ukpay koyuşkan, kulak töşöböy koyuşkan, akıl-nasaattı ukpaş üçün, anı kabıl albaş üçün, toŋ moyun bolup kalışkan.

²⁴Egerde siler Menin tilimdi alıp, – deyt Teŋir, – işembi künü bul şaardın darbazaları arkıluu jük kötörüp kirbeseŋer, bul künü eç kanday jumuş jasabay, anı ıyık tutsaŋar,

²⁵anda bul şaardın darbazaları arkıluu Dööttün tagında oturgan padışalar menen törölör, araba menen jürgöndör, atka minip jürgöndör kirişet. Alar jana alardın mırzaları, jüyüttör jana İerusalimdin turgundarı kirişet, oşentip, bul şaar tübölükkö el jaşagan şaar bolot.

²⁶Oşondo Jüyüt şaarlarınan da, İerusalimdin aylanasınan da, Benjemin jerinen da, tüzdüktördön da, toolordon da, tüştüktön da kelişet, Teŋir üyünö bütündöy örttölüüçü kurmandıktardı jana başka kurmandıktardı, nan kurmandıktarın, jıpar jıttuu zattardı jana ıraazıçılık kurmandıktarın alıp kelişet.

²⁷Egerde Menin tilimdi albay, işembi künün ıyık tutpay, işembi künü İerusalimdin darbazası arkıluu jük kötörüp kirseŋer, anda anın darbazasına ot koёm, al İerusalimdin çepterin jalmayt, öçpöyt"”».