Read NT LS 2005 – Инжил ЛС (2005 Jeremiya 19 Bible Online

Jeremiya 19 - NT LS 2005 – Инжил ЛС (2005 bible

Jeremiya 19

¹Teŋir mınday dedi: «Bar, karapaçıdan çopo kumura satıp al. Özüŋ menen koşo el aksakaldarın jana ıyık kızmat kıluuçulardın başçıların al.

²Anan Harsit darbazasının aldındagı İnom uuldarının öröönünö çık, oşol jerde Men saga ayta turgan sözdördü jarıya kıl.

³Oşondo mınday de: “Jüyüt padışaları jana İerusalim turgundarı, Teŋirdin sözünö kulak salgıla! Israyıldın Kudayı, Sebayot Teŋir mınday deyt: "Mına, bul jerge Men kaygı kaptatam, al tuuraluu ukkan adamdın kulagı tunat.

⁴Antkeni alar Meni taştap ketişti, bul jerdi Maga jat jer kılıştı, bul jerde özdörü da, ata-babaları da, Jüyüt padışaları da bilbegen başka kudaylarga jıpar jıttuu zat tütötüştü, bul jerdi ayıpsız kanga tolturuştu.

⁵Baalga butkanalardı kuruştu, öz uuldarın Baalga arnap bütündöy örttölüüçü kurmandıkka örttöştü, Men anı buyruk kılgan emesmin, aytkan emesmin, al Menin oyuma da kelgen emes.

⁶Oşon üçün, mına, kündör kele jatat, – deyt Teŋir, – oşol kündördön kiyin bul jer Topet je İnom uuldarının öröönü emes, Öltürüü öröönü dep atalıp kalat.

⁷Bul jerde Jüyüttün da, İerusalimdin da keŋeşin jok kılam, alardı öz duşmandarının köz aldında kılıç menen, alardı öltürgüsü kelgenderdin kolu menen öltüröm, alardın ölüktörün asman kanattuularına jana jerdegi jırtkıçtarga azık kılam.

⁸Bul şaardı körgön eldin üröyün uçurguday kılam, külkügö aylantam. Bul şaar arkıluu ötkön ar bir adam taŋ kalat, anın bardık jaraatın körüp ışkırat.

⁹Alarga öz uuldarının jana öz kızdarının etin jedirem. Alardı öltürgüsü kelgen duşmandarı kısımga alganda, kurçoodo, ezüüdö jatıp, ar kimisi öz jakınının etin jeyt"”.

¹⁰Anan seni menen kelgen kişilerdin köz aldında kumuranı talkala.

¹¹Alarga mınday dep ayt: Sebayot Teŋir mınday deyt: “Men bul eldi jana bul şaardı karapaçının talkalangan, kalıbına kelbey turgan idişindey kılıp talkalaym. Kömüügö jer jetişsiz bolgonduktan, alardı Topette kömüşöt.

¹²Bul jerdi, – deyt Teŋir, – jana bul jerde jaşagandardı tak uşunday kılam, bul şaardı Topettey kılam.

¹³İerusalimdin üylörü da, Jüyüt padışalarının üylörü da Topet jerindey taza emes jer bolot, antkeni bardık üylördün töbösündö bardık asman koşuundarına jıpar jıttuu zat tütötüşöt, bötön kudaylarga kuyuluuçu kurmandıktarın kuyuşat”».

¹⁴Jeremiya Teŋir paygambarçılık kıluuga jibergen Topetten kelip, Teŋir üyünün koroosunda turup alıp, büt elge mınday dep ayttı:

¹⁵«Israyıldın Kudayı, Sebayot Teŋir, mınday deyt: “Mına, Men bul şaarga jana Jüyüttün bardık şaarlarına, aga karşı aytkan büt kaygını kaptatam, antkeni alar – toŋ moyun el, Menin sözdörümdü uguşpayt”».