Read NT LS 2005 – Инжил ЛС (2005 Jeremiya 22 Bible Online

Jeremiya 22 - NT LS 2005 – Инжил ЛС (2005 bible

Jeremiya 22

¹Teŋir mınday dedi: «Jüyüt padışasının üyünö tüşüp, mına bul sözdü ayt:

²Mınday dep ayt: “Dööttün tagında oturgan Jüyüt padışası, Teŋirdin sözünö kulak sal, bul darbazadan kirgen sen da, kızmatçılarıŋ da, eliŋ da – baarıŋar Teŋirdin sözün ukkula.

³Teŋir mınday deyt: "Adilettik jana akıykattık kılgıla, ıza körgöndü ezüüçünün kolunan kutkargıla, kelgindi, jetimdi jana jesirdi taarıntpagıla, kısımga albagıla, bul jerde jazıksız kan tökpögülö.

⁴Egerde siler bul sözdördü atkara turgan bolsoŋor, anda bul üydün darbazası arkıluu Dööttün ordunda, anın tagında oturgan padışalar, arabaga tüşüp jürgöndör, atka minip jürgöndör – özdörü da, kızmatçıları da, eli da kiret.

⁵Egerde siler bul sözdördü ukpay turgan bolsoŋor, anda Özüm menen ant berem, – deyt Teŋir, – bul üy een kalat".

⁶Antkeni Jüyüt padışasının üyünö Teŋir mınday deyt: Menin Gilatım, sen Lebanondun çokususuŋ, birok Men seni çölgö, el jaşabagan şaarga aylantam.

⁷Saga karşı ar birinin kolunda öz kuralı bar kıyratuuçulardı dayardaym, alar senin eŋ jakşı kedrleriŋdi kıyıp, otko ırgıtışat.

⁸Oşondo bul şaar arkıluu köptögön elder ötüşöt jana biri-birinen: "Emne üçün Teŋir bul uluu şaardı uşunday kıldı?" – dep suraşat.

⁹Oşondo mınday joop aytışat: "Antkeni alar öz Kuday-Teŋirinin kelişimin taştap koyuştu, başka kudaylarga tabınıştı, oşolorgo kızmat kılıştı"”».

¹⁰Ölgön kişini joktop ıylabagıla, anı ayabagıla, birok tutkunga ketip bara jatkan adam üçün katuu ıylagıla, antkeni emi al kayrılıp kelbeyt, özünün tuulgan ölkösün körböyt.

¹¹Antkeni öz atası Joşiyadan kiyin padışaçılık kılgan Jüyüt padışası – uşul jerden tutkunga ketken Joşiya uulu Şalum jönündö Teŋir mınday deyt: «Emi al bul jerge kayrılıp kelbeyt.

¹²Al tutkundalıp ketken jerinde ölöt, mından kiyin bul jerdi körböyt».

¹³Öz üyün adiletsizdik menen kurgan, özünün jatkan bölmölörün mıyzamsızdık menen kurgan, öz jakının akısız iştöögö majbur kılgan, anın emgek akısın tölöp berbegen adamga kaygı!

¹⁴Al: «Özümö zaŋgıragan üy, kenen bölmölördü kuram», – dep, özünö tereze çıgarıp, kedr taktayları menen kaptap, kızıl boёk menen boёyt.

¹⁵Sen özüŋö bardıgın kedr jıgaçı menen kurup algandıgıŋ üçün, padışa bolom dep oyloysuŋbu? Senin ataŋ jedi, içti, birok akıykattık jana adilettik kılıp turdu, oşonduktan aga jakşı bolgon.

¹⁶Al jakır adamdın jana muktaj adamdın işin teriştirip turgan, oşonduktan aga jakşı bolgon. «Bul Meni bilgendikti bildirbeyt beken?» – deyt Teŋir.

¹⁷Birok senin közdörüŋ menen jürögüŋ öz kızıkçılıgıŋa, jazıksız kan tögüügö, kısımçılık, zorduk-zombuluk kıluuga gana burulgan.

¹⁸Oşonduktan Teŋir Jüyüt padışası – Joşiya uulu Jayakim tuuraluu mınday deyt: «Anı joktop: “Attiŋ ay, bir boorum! Attiŋ, karındaşım!” – dep ıylaşpayt. Anı joktop: “Attiŋ ay, padışa! Attiŋ, uluu urmattuum!” – dep ıylaşpayt.

¹⁹Anı eşekti kömgöndöy kömüşöt: anı sırtka süyröp çıgıp, İerusalim darbazasının sırtına, alıs ırgıtışat».

²⁰«Lebanongo çıgıp kıykır, Başanga çıgıp ünüŋdü jaŋırt, Abarımdan kıykır, antkeni senin bardık şerikteriŋ kıyradı.

²¹Men saga sen tınçtık mezgilde jaşap jatkanda süylögöm, birok sen: “Ukpaym”, – dep koygonsuŋ. Senin jürüş-turuşuŋ jaş çagıŋda ele uşunday bolçu, sen Menin ünümö kulak salçu emessiŋ.

²²Senin bardık koyçularıŋdı şamal uçurup ketet, dostoruŋ tutkunga ketet, oşondo sen özüŋdün bardık kıyanattıgıŋ üçün uyatka kalasıŋ, maskara bolosuŋ.

²³Kedr daragında uyalagan Lebanondun turgunu! Saga töröp jatkan ayaldıkınday tolgoo, kıynoo kelgende, sen uşunçalık ayanıçtuu bolosuŋ!»

²⁴«Men tirüümün, – dedi Teŋir. – Egerde Jüyüt padışası Jayakim uulu Jayahin Menin oŋ kolumdagı şakek bolso da, Men seni oşol jerden da suurup alam.

²⁵Anan seni özüŋdü öltürgüsü kelgenderdin koluna, özüŋ korkkondordun koluna, Babıl padışası Nebuhadanasardın koluna, kazdimderdin koluna berem.

²⁶Seni da, seni törögön eneŋdi da özüŋör törölbögön çooçun ölkögö ırgıtıp jiberem, oşol jerde ölösüŋör.

²⁷Birok alar özdörünün janı kaytıp kelüünü kaalagan jerge kayrılıp kelişpeyt».

²⁸Çın ele, Jayahin jek köründü, katardan çıkkan adambı? Je al kerekten çıkkan idişpi? Al jana anın tukumu emne üçün özdörü bilbegen ölkögö ırgıtıldı?

²⁹Oo jer, jer, jer! Teŋirdin sözünö kulak sal!

³⁰Teŋir mınday deyt: «Bul adamdı baldarınan ajıragan, öz ömüründö jolu bolbogon adam dep jazıp koygula, antkeni emi anın tukumunan eç kim Dööttün tagına oturbayt, Jüyüt aymagında biylik jürgüzböyt».