Read NT LS 2005 – Инжил ЛС (2005 Jeremiya 23 Bible Online

Jeremiya 23 - NT LS 2005 – Инжил ЛС (2005 bible

Jeremiya 23

¹«Menin koroomdun koylorun kırgan jana tuş-tuşka kuup jibergen koyçularga kaygı!» – deyt Teŋir.

²Oşonduktan Israyıldın Kuday-Teŋiri Menin elimdi kaytarıp jürgön koyçularga mınday deyt: «Siler Menin koylorumdu çaçıratıp jiberdiŋer, tuş-tuşka kuup jiberdiŋer, alardı karabay koyduŋar. Mına, Men silerdi kıyanat işteriŋer üçün jazalaym, – deyt Teŋir.

³Men koylorumdun kaldıgın, alardı kaysı ölkölörgö kuup jibersem, oşol ölkölördön çogultup, öz korooloruna alıp kelem, oşondo alar ukumdap-tukumdap köböyüşöt.

⁴Alardın üstünön alardı kaytara turgan koyçulardı koёm, oşondon kiyin alar korkuşpayt, çoçuşpayt, jogoluşpayt, – deyt Teŋir.

⁵Mına, kündör kele jatat, – deyt Teŋir, – oşol kündörü Döötkö adilettüü Butak östürüp çıgaram, Padışa takka oturat, akılmandık menen iş kılat, jer üstündö akıykattık jana adilettik kılat.

⁶Anın ubagında Jüyüt kutkarılat, Israyıl koopsuz jaşayt. Mına, anı mınday at menen ataşat: “Teŋir bizdin adilettigibiz!”

⁷Oşonduktan mına, kündör kele jatat, – deyt Teŋir, – oşol kündörü: “Israyıl uuldarın Misir jerinen alıp çıkkan Teŋir tirüü!” – dep aytpay kalışat.

⁸Birok: “Israyıldın uruuların Özü kuup jibergen tündük jerinen jana başka jerlerden kayra alıp çıgıp, öz jerlerine alıp kelgen Teŋir tirüü”, – dep aytışat. Israyıl öz jerinde jaşayt».

⁹Paygambarlar jönündö. İçimde jürögüm tilinip jatat, sööktörümdün baarı titirep jatat. Men Teŋirim üçün, Anın ıyık sözdörü üçün şarapka jeŋilgen mas kişige okşop turam.

¹⁰Antkeni jer oynoştuk kılgandarga toldu, antkeni jer kargıştan ulam bozdop turat. Çöldögü jayıttar kuurap kaldı, alardın maksatı – jamandık, alardın küç-kubatı – antkorluk.

¹¹Antkeni paygambar da, ıyık kızmat kıluuçu da eki jüzdüü, atügül, «Men Öz üyümdö da alardın mıyzamsızdıgın taptım, – deyt Teŋir.

¹²Oşon üçün alarga özdörünün joldoru karaŋgıdagı taygalak jerdey bolot. Alardı türtüp ketişet, oşondo alar oşol jerge jıgılışat, antkeni Men alardı jazalay turgan jılı alardın başına müşkül tüşüröm, – deyt Teŋir.

¹³Men Samariyanın paygambarlarınan da akılsızdıktı kördüm. Alar Baaldın atınan paygambarçılık kılıp, Menin elim Israyıldı adaştırıştı.

¹⁴İerusalimdin paygambarlarınan da ötö jaman nerselerdi kördüm, alar buzuktuk kılıp, jalgançılık menen jürüşöt, eç kim özünün mıyzamsızdıgınan burulbasın dep, kılmışkerlerdi koldop jatışat. Alardın bardıgı Menin aldımda Sodom sıyaktuu, anın turgundarı Amor sıyaktuu».

¹⁵Oşonduktan Sebayot Teŋir paygambarlar jönündö mınday deyt: «Men alarga ermen jedirem, öt koşulgan suu içirem, antkeni eki jüzdüülük büt jer jüzünö İerusalimdin paygambarlarınan taradı».

¹⁶Sebayot Teŋir mınday deyt: «Silerge paygambarçılık kılgan paygambarlardın sözdörünö kulak salbagıla: alar silerdi aldap jatışat, alar Teŋirdin oozunan çıkkan sözdü emes, öz jürögünün kıyaldarın aytıp jatışat.

¹⁷Alar Maga akarat keltirgenderge dayıma: “Teŋir ayttı, Silerde tınçtık bolot”, – dep jatışat. Öz jürögünün öjörlügü menen jürgön ar bir kişige: “Silerge kaygı kelbeyt”, – dep aytıp jatışat.

¹⁸Antkeni kim Teŋirdin keŋeşmesinde turdu? Anın sözün kim körüp, kim uktu? Anın sözün kim ugup, kim tüşündü?

¹⁹Mına, Teŋirden kataal boroon kele jatat, kaarduu boroon kele jatat, al ıymansızdardın başına tüşöt.

²⁰Teŋir Öz jürögünün nietin atkarmayınça, anı jüzögö aşırmayınça, Anın kaarı kaytpayt. Kele jatkan kündördö siler munu açık tüşünösüŋör.

²¹Men bul paygambarlardı jibergen emesmin, alar özdörü jügürüp ketişti. Men alarga süylögön emesmin, alar özdörü paygambarçılık kılıştı.

²²Egerde alar Menin keŋeşmemde turuşsa, anda Menin elime Menin sözümdü jarıya kılışmak, alardı jaman joldorunan jana jaman işterinen burup ketişmek.

²³Men jakın turganda ele Kuday, alıs turganda Kuday emes bekem? – deyt Teŋir.

²⁴Adam Men körböy turgan jaşıruun jerge jaşınıp kala alabı? – deyt Teŋir. Asman menen jerdi tolturup turgan Men emes bekem? – deyt Teŋir.

²⁵Menin ısımım menen jalgan paygambarçılık kılgan paygambarlardın emne dep jatkandarın Men uktum. Alar: “Tüşümö kirdi, tüşümö kirdi”, – deşet.

²⁶Bul kaçankıga çeyin jalgandı paygambarçılık kılgan, özdörünün jürögündögü kuru kıyaldı paygambarçılık kılgan paygambarlardın jürögündö jürö beret?

²⁷Alardın ata-babaları Baaldın ayınan Menin ısımımdı unutup koyuşkanday, alar biri-birine aytıp bergen tüştörü arkıluu Menin elimdi Menin atımdı unutkanga çeyin jetkirüünü oylop jatışabı?

²⁸Tüş körgön paygambar tüşün tüş katarı aytıp bersin. Al emi kimde Menin sözüm bar bolso, al Menin sözümdü tuura aytsın. Topon menen taza dandın kanday jalpılıgı bar? – deyt Teŋir.

²⁹Menin sözüm ot sıyaktuu emespi? – deyt Teŋir. – Menin sözüm askanı talkalagan barskanday emespi?

³⁰Oşonduktan mına, Men Menin sözümdü biri-birinen uurdagan paygambarlarga karşımın, – deyt Teŋir.

³¹Mına, Men: “Teŋir ayttı”, – dep koyup, özdörünün tili menen iş kılgan paygambarlarga karşımın, – deyt Teŋir.

³²Mına, Men jalgan tüş körgön paygambarlarga karşımın, – deyt Teŋir. Men alardı jiberbesem da, alarga buyruk berbesem da, özdörünün tüştörün aytıp berip, Menin elimdi özdörünün kuru kıyalı menen, azgırıgı menen teskeri jolgo salıp jatışat, – deyt Teŋir. Alar bul elge eç kanday payda alıp kelişpeyt», – deyt Teŋir.

³³«Egerde uşul el, je paygambar, je ıyık kızmat kıluuçu senden: “Teŋirden kanday oorduk bolot?” – dep surasa, anda alarga ayt: “Kanday oorduk? "Men silerdi taştap ketem", – deyt Teŋir”.

³⁴Egerde paygambar, je ıyık kızmat kıluuçu, je el: “Teŋirden oorduk kelet”, – dese, Men al adamdı da, anın üyün da jazalaym.

³⁵Biri-biriŋerden, bir tuugan bir tuugandan: “Teŋir emne dep joop berdi?” je bolboso: “Teŋir emne dep ayttı?” – dep surasın.

³⁶Al emi “Teŋirden oorduk bolot” degen sözdü mından arı koldonbogula, antkeni anı aytkan adamga öz sözü özünö oorduk bolot. Antkeni siler Kudayıbız Sebayot Teŋirdin, tirüü Kudayıbızdın, sözdörün burmalap jatasıŋar.

³⁷Paygambarga: “Saga Teŋir emne dep joop berdi?” je bolboso: “Teŋir emne dep ayttı?” – de.

³⁸Egerde siler: “Teŋirden oorduk keldi”, – dep dagı ayta turgan bolsoŋor, anda Teŋir mınday deyt: “Teŋirden oorduk keldi”, – dep aytpagıla dep ayttırıp jibergenime karabastan, “Teŋirden oorduk keldi” degen sözdü aytkanıŋar üçün,

³⁹mına, Men silerdi taptakır esimden çıgarıp koёm, silerdi taştap koёm, silerge jana silerdin ata-babalarıŋarga bergen bul şaardı Özümdün jüzümdön çetke kagam.

⁴⁰Silerdi tübölükkö unutulgus şıldıŋ jana maskara kılam».