Read NT LS 2005 – Инжил ЛС (2005 Jeremiya 24 Bible Online

Jeremiya 24 - NT LS 2005 – Инжил ЛС (2005 bible

Jeremiya 24

¹Teŋir maga Teŋirdin iybadatkanasının aldına koyulgan anjır salıngan eki sebetti körsöttü. Bul Babıl padışası Nebuhadanasar Jüyüt padışası Jayakim uulu Jayahindi jana jıgaç ustaları, temir ustaları menen Jüyüt törölörün tutkundap, İerusalimden Babılga alıp kelgenden kiyin boldu.

²Bir sebette ötö jakşı, erte bışuuçu anjır mömölörü, ekinçi sebette jaraksız bolgonduktan jegenge bolboy turgan, ötö jaman anjır mömölörü bar eken.

³Oşondo Teŋir menden: «Sen emneni körüp turasıŋ, Jeremiya?» – dep suradı. Men: «Jakşı anjırlar ötö jakşı eken, al emi jaman anjırlar ötö jaman eken, oşon üçün alardı jegenge bolboyt, antkeni alar eŋ jaman», – dedim.

⁴Oşondo Teŋirden maga söz boldu:

⁵Israyıldın Kuday-Teŋiri mınday deyt: «Mına bul jakşı anjırlarga okşoşturup, Men Özüm bul jerden kazdimderdin jerine jibergen jüyüt tutkundarın jakşı dep esepteym.

⁶Alarga jakşı bolsun dep, Men alarga nazar salam, alardı bul jerge kayra alıp kelem. Men alardı turguzam, alardı bülündürböym, Men alardı oturguzam, alardın tamırın kıybaym.

⁷Men alarga Menin Teŋir ekenimdi bile turgan jürök berem, oşondo alar Menin elim boluşat, Men bolso alardın Kudayı bolom. Antkeni alar Maga çın jüröktön kayrılışat».

⁸Al emi jaraksız bolgonduktan jegenge bolboy turgan jaman anjırlar tuuraluu Teŋir mınday deyt: «Men Jüyüt padışası Sitkiyanı jana anın törölörün, bul jerde kalgan jana Misir jerinde jaşagan İerusalim turgundarın uşunday kılam.

⁹Men kuup jibergen bardık jerlerde alardan çetteşet, alarga jamandık kılışat, alar lakap boluşat, kargışka kalışat.

¹⁰Men alardı özdörünö jana ata-babalarına bergen jerden jok kılmayınça, alarga karşı kılıç, açarçılık, juguştuu ooru jiberem».