Read NT LS 2005 – Инжил ЛС (2005 Jeremiya 26 Bible Online

Jeremiya 26 - NT LS 2005 – Инжил ЛС (2005 bible

Jeremiya 26

¹Jüyüt padışası Joşiya uulu Jayakimdin padışaçılıgının baştalışında Teŋirden mınday söz boldu:

²«Teŋir mınday deyt: “Teŋir üyünün koroosunda turup alıp, Jüyüt aymagının şaarlarınan Teŋir üyündö taazim kıluuga kelgenderdin bardıgına ayt dep, Men saga buyrugan bayagı sözdördün baarın ayt, bir da sözdü kemitpe.

³Balkim, alar uguşar, ar biri özünün jaman jolunan burular, oşondo Men alardın jaman işteri üçün alaamat kaptatam degen oyumdan kaytam.

⁴Oşon üçün alarga ayt: Teŋir mınday deyt: "Egerde siler Men bergen mıyzam boyunça jürgüŋör kelbese, Menin tilimdi albay turgan bolsoŋor,

⁵Men silerge taŋ zaardan jibergen Menin kuldarımdın – paygambarlarımdın sözdörünö kulak salbay turgan bolsoŋor (alardı siler ukpay jatasıŋar),

⁶anda Men Şilonu kanday kılsam, bul üydü oşondoy kılam, bul şaardı bolso jerdegi bardık elderge maskara kıldıram"”».

⁷Jeremiya bul sözdördü Teŋir üyündö aytıp jatkanda, ıyık kızmat kıluuçular, paygambarlar jana büt el ugup turuştu.

⁸Jeremiya Teŋirdin aga büt elge ayt dep buyrugan sözdörünün bardıgın aytıp bütköndö, ıyık kızmat kıluuçular, paygambarlar jana büt el anı karmap alıp: «Sen ölüşüŋ kerek.

⁹Emne üçün sen Teŋirdin atınan paygambarçılık kılıp: “Bul üy Şilodoy bolot, bul şaar kıyrap, een kalat”, – dep aytıp jatasıŋ?» – deşti. Büt el Jeremiyaga karşı Teŋir üyünö çoguldu.

¹⁰Bul tuuraluu Jüyüt törölörü uguşkanda, alar padışa üyünön çıgıp, Teŋir üyünö kelip, Teŋir üyünün jaŋı darbazasının aldına oturuştu.

¹¹Oşondo ıyık kızmat kıluuçular menen paygambarlar törölörgö jana büt elge: «Bul adam ölüm jazasına tartılsın, antkeni anın bul şaarga karşı paygambarçılık kılganın öz kulagıŋar menen uktuŋar!» – deşti.

¹²Oşondo Jeremiya büt törölörgö jana büt elge mınday dedi: «Bul üy jönündö jana bul şaar jönündö siler ukkan sözdördü paygambarçılık kılıp ayt dep, meni Teŋir jiberdi.

¹³Oşonduktan öz joluŋardı jana kılgan işteriŋerdi oŋdogula, Kuday-Teŋiriŋerdin ünün ukkula, oşondo Teŋir silerge aytkan alaamatın toktotot.

¹⁴Men bolso, mına, silerdin koluŋardamın. Közüŋörgö emne jakşı, emne adilettüü körünsö, maga oşonu kılgıla.

¹⁵Birok bilip koygula: egerde siler meni öltürsöŋör, anda jazıksız kandı özüŋördün moynuŋarga jana bul şaardın, anın turgundarının moynuna jüktöp alasıŋar, antkeni uşul sözdördün bardıgın silerdin kulagıŋarga aytış üçün, çındıgında, meni Teŋir jiberdi».

¹⁶Oşondo törölör jana büt el ıyık kızmat kıluuçular menen paygambarlarga: «Bul adamdı ölüm jazasına tartkanga bolboyt, antkeni al bizge Kuday-Teŋiribizdin atınan süylödü», – deşti.

¹⁷Oşondoy ele bul jerdin aksakaldarının kee biröölörü ordunan turup, jıynalgan büt elge kayrılıp, mınday deşti:

¹⁸«Jüyüt padışası Hiskiyanın tuşunda moreyşilik Mihey paygambarçılık kılıp, büt jüyüt eline: “Sebayot Teŋir mınday deyt: "Sion talaa aydalganday aydalat, İerusalim üyülgön urandıga aylanat, bul üy turgan too tokoyluu döŋsöögö aylanat"”, – degen.

¹⁹Oşon üçün anı Jüyüt padışası Hiskiya menen büt jüyüt eli öltürdü bele? Hiskiya Teŋirden korkkon jok bele, Teŋirge jalıngan jok bele? Oşondo Teŋir alarga aytkan alaamatın toktotkon. Biz bolso öz janıbızga zor kıyanattık kılganı jatabız.

²⁰Oşondoy ele kiriyat-jarimdik Şemayanın uulu Uriy degen adam da Teŋirdin atınan paygambarçılık kılgan, al bul şaarga jana bul jerge karşı paygambarçılık kılıp, tak ele Jeremiya aytkan sözdördü aytkan.

²¹Anın sözdörün Jayakim padışa törölörü, mırzaları menen ukkanda, al anı öltürgüsü kelgen. Bul kabardı ukkan Uriy korkup, Misirge kaçıp ketken.

²²Birok Jayakim padışa Misirge da kişilerin jibergen: Akbar uulu Elnatandı jana aga koşup başka kişilerdi jibergen.

²³Alar Uriydi Misirden alıp çıgıp, Jayakim padışaga alıp kelişken, al anı kılıçtap öltürüp, anın söögün karapayım eldin körüstönünö ırgıtıp jibergen».

²⁴Birok Sapan uulu Akikamdın kolu Jeremiya tarapta bolup, anı eldin koluna öltürgöngö bergen jok.