Read NT LS 2005 – Инжил ЛС (2005 Jeremiya 28 Bible Online

Jeremiya 28 - NT LS 2005 – Инжил ЛС (2005 bible

Jeremiya 28

¹Oşol ele jılı, Jüyüt padışası Sitkiyanın padışaçılıgının algaçkı jıldarında, padışaçılıgının törtünçü jılının beşinçi ayında Gibondon çıkkan paygambar – Azur uulu Hananiya maga Teŋir üyündö, ıyık kızmat kıluuçulardın jana büt eldin köz aldında mınday dedi:

²«Israyıldın Kudayı, Sebayot Teŋir mınday deyt: “Babıl padışasının moyunturugun kıyratam.

³Eki jıldan kiyin Men bul jerge Babıl padışası Nebuhadanasar bul jerden Babılga alıp ketken Teŋir üyünün idişterinin baarın kayra alıp kelem.

⁴Jüyüt padışası Jayakim uulu Jayahindi jana Babılga tutkundalıp ketken büt jüyüt elin bul jerge kayra alıp kelem, – deyt Teŋir. – Antkeni Babıl padışasının moyunturugun kıyratam”».

⁵Oşondo Jeremiya paygambar Teŋir üyündö turgan ıyık kızmat kıluuçulardın köz aldında jana büt eldin köz aldında Hananiya paygambarga ayttı:

⁶Jeremiya paygambar mınday dedi: «Oomiyin, Teŋir munu oşondoy kılsın! Teŋir üyünün idişteri menen büt tutkundardın Babıldan bul jerge kayra kelişi tuuraluu paygambarçılık kılıp aytkan senin sözdörüŋdü Teŋir iş jüzünö aşırsın!

⁷Birok bul sözdü ugup al, men anı saga jana büt elge uguza aytam:

⁸Menden murunku jana senden murunku paygambarlar köp jerlerge jana uluu padışaçılıktarga soguş, alaamat, juguştuu ooru bolorun aldın ala aytıp kelişken.

⁹Egerde kaysı bir paygambar tınçtık bolorun aldın ala aytkan bolso, anda oşol paygambardın aytkan sözü orundalganda gana anı çını menen Teŋir jibergen paygambar dep esepteşken».

¹⁰Oşondo Hananiya paygambar Jeremiya paygambardın moynunan moyunturuktu çeçip alıp, talkalap saldı.

¹¹Hananiya büt eldin köz aldında mına bul sözdördü ayttı: «Teŋir mınday deyt: “Eki jıldan kiyin büt elderdin moynunan Babıl padışası Nebuhadanasar salgan moyunturuktu çeçip alıp, tak uşunday kılıp talkalaym”». Anan Jeremiya öz jolu menen ketti.

¹²Hananiya paygambar Jeremiya paygambardın moynundagı moyunturuktu talkalap salgandan kiyin, Jeremiyaga Teŋirden mınday söz boldu:

¹³«Bar, Hananiyaga ayt: Teŋir mınday deyt de: “Sen jıgaç moyunturuktu talkalap saldıŋ, emi anın orduna temir moyunturuk jasaysıŋ”.

¹⁴Antkeni Israyıldın Kudayı, Sebayot Teŋir, mınday deyt: “Babıl padışası Nebuhadanasarga kızmat kıldırış üçün, uşul elderdin baarının moynuna temir moyunturuk salam, oşondo alar aga kızmat kılışat, atügül, Men aga talaa jırtkıçtarın da berdim”».

¹⁵Oşondo Jeremiya paygambar Hananiya paygambarga mınday dedi: «Kulak sal, Hananiya. Seni Teŋir jibergen emes, sen bolso bul eldi jalgan ümüttöndürüp jatasıŋ.

¹⁶Oşonduktan Teŋir mınday deyt: “Mına, Men seni jer betinen jok kılam. Sen uşul ele jılı ölösüŋ, antkeni sen Teŋirge karşı süylödüŋ”».

¹⁷Hananiya paygambar oşol ele jılı, jetinçi ayda öldü.