Read NT LS 2005 – Инжил ЛС (2005 Jeremiya 30 Bible Online

Jeremiya 30 - NT LS 2005 – Инжил ЛС (2005 bible

Jeremiya 30

¹Teŋirden Jeremiyaga bolgon söz:

²Teŋir, Israyıldın Kudayı, mınday deyt: «Men saga aytkan sözdördün baarın özüŋö, kitepke jazıp al.

³Antkeni mına, kündör kele jatat, – deyt Teŋir, – oşol kündörü Men Öz elim Israyıldı jana Jüyüttü tutkundan kayra alıp kelem, – deyt Teŋir. – Alardı ata-babalarına bergen jerge kayradan alıp kelem, alar oşol jerge ee boluşat».

⁴Mına, Israyıl menen Jüyüt tuuraluu Teŋir aytkan sözdör bul:

⁵Teŋir mınday dedi: «Biz tınçtıktın emes, dürbölöŋ menen korkunuçtun ünün ugup jatabız.

⁶Suragıla, oylongula: Erkek kişi töröybü? Anda emne üçün Men ar bir erkektin töröy turgan ayalday bolup, koldoru menen kursagın karmap alganın, baarının öŋdörü kumsarıp turganın körüp turam?

⁷Oo, kanday kaygı! Al kün kanday uluu, anday kün bolgon emes. Al – Jakıp üçün baktısızdık mezgil, birok al andan kutkarılat.

⁸Oşol künü, – deyt Sebayot Teŋir, – anın senin moynuŋa salgan moyunturugun talkalaym, kişenderiŋdi üzöm. Oşondon kiyin alar bötön jerlikterge kızmat kılbay kalışat.

⁹Birok alar özdörünün Kuday-Teŋirine kızmat kılışat, Men alarga kayra koygon öz padışası Döötkö kızmat kılışat.

¹⁰Sen, Menin kulum Jakıp, korkpo, – deyt Teŋir, – Israyıl, üröyüŋ uçpasın, antkeni mına, Men seni alıskı ölködön kutkaram, senin tukumuŋdu tutkundalıp ketken jerinen kutkaram. Jakıp kayrılıp kelip, koopsuz, tınç jaşayt, anı eç kim korkutpayt.

¹¹Antkeni seni kutkarış üçün, Men seni menenmin, – deyt Teŋir, – Men seni kaysı elderdin arasına çaçıp jibersem, oşol elderdin bardıgın taptakır jok kılam, birok seni jok kılbaym. Men seni çegi menen jazalaym, birok seni jazasız kaltırbaym».

¹²Antkeni Teŋir mınday deyt: «Senin jaraŋ ayıkkıs, senin ooruŋ katuu.

¹³Senin jaraŋdı sakaytış üçün, senin işiŋ jönündö eç kim kam körböyt. Dartıŋa daba jok.

¹⁴Seni dostoruŋdun baarı unutup koyuştu, seni izdeşpeyt, antkeni Men seni köp mıyzamsız işteriŋ üçün duşmandarıŋdın sokkusu menen urdum, katuu jazaga tarttım, sebebi senin künöölörüŋ köböyüp ketti.

¹⁵Sen emne üçün özüŋdün jaraattarıŋ tuuraluu, katuu ooruŋ tuuraluu ökürüp jatasıŋ? Men saga munu köp mıyzamsızdıgıŋ üçün kıldım, antkeni senin künöölörüŋ köböyüp ketti.

¹⁶Birok seni jegenderdin bardıgı jelet, duşmandarıŋdın bardıgı özdörü tutkun boluşat, seni çapkandardın bardıgı çabılat, seni talap-tonogondordun bardıgın talap-tonoogo salıp berem.

¹⁷Seni bolso sakaytam, jaraatıŋdan ayıktıram, – deyt Teŋir. – “Eç kim surabagan Sion uşul”, – deşip, seni çetke kagılgan dep ataşkan.

¹⁸Teŋir mınday deyt: “Tutkunga tüşkön Jakıptın çatırların kayra alıp kelip, anın ayıl-kıştaktarına ırayım kılam. Şaar kayradan özü turgan döŋsöögö kurulat, iybadatkana murunkuday bolup turguzulat.

¹⁹Alardın daŋktoo ırları, kubangan ündörü ugulat. Men alardı köböytöm, alar kemibeyt, alardı daŋazalaym, alar kemsintilbeyt.

²⁰Anın uuldarı murdagıday bolot, anın top eli Menin aldımda turat, anı ezgenderdin baarın jazalaym.

²¹Oşondo anın jol başçısı özünön bolot, anın başçısı öz içinen çıgat. Men anı Özümö jakındatam, al Maga jakın kelet, antkeni Maga jakındaganga kim özü batına alat? – deyt Teŋir.

²²Oşondo siler Menin elim bolosuŋar, Men silerdin Kudayıŋar bolom”».

²³Mına, Teŋirden kataal boroon kele jatat, kaarduu boroon kele jatat, al mıyzamsızdardın başına tüşöt.

²⁴Öz jürögünün nietin işke aşırmayınça, anı atkarmayınça, Teŋirdin jalındagan kaarı toktoboyt. Munu akırkı kündördö tüşünösüŋör.