Read NT LS 2005 – Инжил ЛС (2005 Jeremiya 31 Bible Online

Jeremiya 31 - NT LS 2005 – Инжил ЛС (2005 bible

Jeremiya 31

¹«Oşol mezgilde, – deyt Teŋir, – Men Israyıldın bardık uruularının Kudayı bolom, alar bolso Menin elim boluşat».

²Teŋir mınday deyt: «Kılıçtan aman kalgan el çöldö ırayım taptı. Israyıldı soorotuuga bara jatam».

³Teŋir maga alıstan kelip, mınday dedi: «Men seni tübölüktüü süyüü menen süyöm, oşonduktan saga ırayımduu kolumdu sundum.

⁴Men seni kayradan jaygaştıram, sen jaygaşasıŋ, Israyıl kızı, sen kayradan özüŋdün daptarıŋ menen jasalgalanıp, şattangan ırçı-biyçiler tobu menen çıgasıŋ.

⁵Kayradan Samariya tooloruna jüzümdük östürösüŋ. Jüzümçülör özdörü oturguzgan jüzümdüktördün tüşümün özdörü paydalanışat.

⁶Antkeni Eprayım toosundagı sakçılar: “Turgula, Sion toosuna çıgıp, Kuday-Teŋiribizge baralı”, – dep jar salgan kün kelet».

⁷Antkeni Teŋir mınday deyt: «Jakıp tuuraluu kubanıçtuu ırdagıla, el başçılarının aldında daŋazalagıla: “Teŋir, Öz eliŋdi, Israyıldın kaldıgın kutkar!” – dep aytkıla, jar salgıla, daŋktagıla.

⁸Mına, Men alardı tündük jerinen alıp kelem, alardı jer kıyırınan çogultam. Alardın arasında sokuru da, aksagı da, koş boyluusu da, jaŋı ele törögönü da bolot. Bul jerge kalıŋ el kaytıp kelet.

⁹Alar ıylap ketişken, Men bolso alardı soorotup alıp kelem. Men alardı suunun boyu menen, müdürülböy turgan tüz jol menen alıp kelem, antkeni Men Israyıldın atasımın, Eprayım Menin tunum.

¹⁰Teŋirdin sözün ukkula, elder, alıskı araldarga mınday dep kabarlagıla: “Israyıldı Kim çaçıratıp jiberse, anı Oşol Özü çogultat, anı koyçu öz koylorun kaytarganday kaytarat”.

¹¹Antkeni Teŋir Jakıptı kun tölöp kayrıp alat, anı andan küçtüünün kolunan kutkarat.

¹²Alar kelip, Siondun biyik jerlerinde kubanıp ırdaşat. Alar Teŋirdin ırayımına, buudayına, şarabına, mayına, kozularına jana ögüzünö agılıp kelişet. Alardın janı sugarılgan baktay bolot, alar mından arı çarçaşpayt.

¹³Oşondo kız top ırçının arasında kubanıp ırdayt, jaş ulandar menen karılar birge ırdaşat, alardın kaygısın kubanıçka aylantam, alardı soorotom, kaygıdan kiyin kubantam.

¹⁴Iyık kızmat kıluuçulardı kurmandık mayına toyguzam, Menin elim Menin berekeme toёt», – deyt Teŋir.

¹⁵Teŋir mınday deyt: «Rama şaarınan zar kakşap, bozdop ıylagandın ünü ugulat. Bul – özünün baldarın joktop ıylagan Rahel. Al soorongusu kelbey jatat, antkeni alar emi jok».

¹⁶Teŋir mınday deyt: «Iylaganıŋdı jana köz jaşıŋdı tökkönüŋdü toktot, antkeni senin işiŋ üçün sıylık bar, – deyt Teŋir, – alar duşman jerinen kaytıp kelişet.

¹⁷Senin keleçegiŋ üçün ümüt bar, – deyt Teŋir, – senin uuldarıŋ öz jerine kaytıp kelişet.

¹⁸Eprayımdın ıylagan ünün ugup jatam: “Sen meni jazaladıŋ, men üyrötülgüs bukaçarday jazalandım, meni bur, oşondo men burulam, antkeni Sen menin Kuday-Teŋirimsiŋ.

¹⁹Sen meni burgandan kiyin, ökündüm, Sen meni esime keltirgenden kiyin, başımdı koyguladım. Men uyatka kaldım, maskara boldum, antkeni öz jaştıgımdın jamanattısın kötördüm”.

²⁰Eprayım Menin kımbat uulum emespi? Süygön balam emespi? Antkeni al jönündö süylögöndö, anı dayıma süyüü menen eskerem. Al üçün menin içki düynöm sızdayt, aga ırayım körsötöm, – deyt Teŋir.

²¹Özüŋö jol belgilerin koyup al, özüŋö mamılardı koyup al, jürögüŋdü özüŋ jürgön jolgo bur. Kayrılıp kel, Israyıl kızı, özüŋdün uşul şaarlarıŋa kaytıp kel.

²²Sen kaçankıga çeyin tentip jürö beresiŋ, işenimsiz kız? Antkeni Teŋir jer üstünö kandaydır bir jaŋı nerse jaratat: ayalı küyöösün kutkarat».

²³Israyıldın Kudayı, Sebayot Teŋir, mınday deyt: «Mından arı, Men alardın tutkundarın kayra alıp kelgende, Jüyüt jerinde jana anın şaarlarında: “Akıykattın turagı, ıyık too, saga Teŋir batasın bersin!” – degen sözdü aytışat.

²⁴Oşondo al jerge Jüyüt köçüp kelip, bardık şaarları menen, dıykandarı menen, maldın artınan jürgöndörü menen oturuktaşat.

²⁵Antkeni Men çarçagan janga suu içirem, kaygırgan ar bir jandı toyguzam».

²⁶Munu körüp, men oygonup kettim, bul tüş maga jagımduu boldu.

²⁷«Mına, kündör kele jatat, – deyt Teŋir, – oşol kündörü Men Israyıl menen Jüyütkö adam tukumun jana mal tukumun sebem.

²⁸Men alardı jok kılıp jatkanda, kıyratıp jatkanda, talkalap jatkanda, kırıp jatkanda, alaamat kaptatıp jatkanda, kanday baykap tursam, turguzup jatkanda da, oturguzup jatkanda da oşondoy baykap turam, – deyt Teŋir.

²⁹Oşol kündörü: “Ata-babaları kıçkıl jüzüm jeşti, al emi baldarının tişi kamaldı”, – dep aytpay kalışat.

³⁰Birok ar kim özünün mıyzamsızdıgı üçün ölöt. Kim bışa elek jüzüm jese, anın tişi kamalat.

³¹Mına, kündör kele jatat, – deyt Teŋir, – oşol kündörü Men Israyıl jana Jüyüt menen jaŋı kelişim tüzöm.

³²Birok bul kelişim alardın ata-babaları menen tüzgön kelişimimdey emes. Men al kelişimdi alardın ata-babaların Misir jerinen alıp çıgış üçün, alardı koldorunan algan künü tüzgöm. Men alar menen tüzgön kelişimimdi buzbasam da, alar Menin oşol kelişimimdi buzuştu, – deyt Teŋir.

³³Birok oşol kündördön kiyin Men Israyıl menen mınday kelişim tüzöm, – deyt Teŋir, – Men Özümdün mıyzamımdı alardın içine salam, anı alardın jüröktörünö jazam, alardın Kudayı bolom, alar bolso Menin elim bolot.

³⁴Oşondon kiyin alar biri-birin, bir tuugan bir tuuganın: “Teŋirdi taanıp bilgile”, – dep üyrötpöy kalışat, antkeni bardıgı: kiçinesinen çoŋuna çeyin Meni özdörü taanıp bilişet, – deyt Teŋir. – Antkeni Men alardın mıyzamsızdıktarın keçirem, oşondon kiyin alardın kılgan künöölörün estebeym».

³⁵Kündüz jarık kıluu üçün kündü bergen, tün içinde jarık kıluu üçün ay menen jıldızdarga mıyzam bergen, deŋizdi tolkundatıp, tolkundardı kürkürötkön Teŋir uşunday deyt. Anın ısımı – Sebayot Teŋir.

³⁶«Bul mıyzamdar Menin aldımda jok bolup ketpegendey ele, – deyt Teŋir, – Israyıl tukumu da Menin aldımda dayıma el bolup turat».

³⁷Teŋir mınday deyt: «Egerde jogorudagı asman çenelse, tömöndögü jerdin negizderi izildense, anda Men Israyıldın büt tukumun kılgan bardık işteri üçün çetke kagam», – deyt Teŋir.

³⁸«Mına, kündör kele jatat, – deyt Teŋir, – oşol kündörü şaar Teŋirdin daŋkına, Kananel munarasınan tartıp burçtagı darbazaga çeyin kayra turguzulat.

³⁹Jer çenööçü arkan andan arı tüz ele Garep adırına jetip, Goyanı aylanıp ötöt.

⁴⁰Ölüktör menen kül jatkan öröön büt boydon, Kidron özönünö çeyinki talaa büt boydon, çıgıştagı at darbazasının burçuna çeyinki jerlerdin baarı Teŋirdin ıyık jeri bolot. Al tübölükkö kıyrabayt jana talkalanbayt».