Read NT LS 2005 – Инжил ЛС (2005 Jeremiya 34 Bible Online

Jeremiya 34 - NT LS 2005 – Инжил ЛС (2005 bible

Jeremiya 34

¹Babıl padışası Nebuhadanasar, anın büt askerleri jana jer üstündö anın kol astında turgan bardık padışaçılıktar, bardık elder İerusalimdin jana Jüyüttün bardık şaarlarınının turgundarı menen soguşup jatkanda, Jeremiyaga Teŋirden bolgon söz:

²Israyıldın Kuday-Teŋiri mınday deyt: «Bar, Jüyüt padışası Sitkiyaga mınday dep ayt: Teŋir mınday deyt: “Mına, Men bul şaardı Babıl padışasının koluna salıp berip jatam, al anı örttöp jiberet.

³Sen anın kolunan kutulbaysıŋ, sözsüz kolgo tüşösüŋ, anın koluna salınıp berilesiŋ, sen Babıl padışasın öz közüŋ menen körösüŋ, anı menen oozmo-ooz süylöşösüŋ, anan Babılga ketesiŋ”.

⁴Oşondoy bolso da, Jüyüt padışası Sitkiya, Teŋirdin sözün uk! Sen tuuraluu Teŋir mınday deyt: “Sen kılıçtan ölböysüŋ.

⁵Sen tınçtıkta ölösüŋ, saga çeyin padışaçılık kılgan murunku padışalar – senin ata-babalarıŋ üçün jıpar jıttuu zat tütötüşköndöy ele, sen üçün da jıpar jıttuu zat tütötüp, seni: "Oo, kayran padışam", – dep joktop ıylaşat, antkeni bul sözdü Men aytıp jatam“», – deyt Teŋir.

⁶Jeremiya paygambar bul sözdördün baarın Jüyüt padışası Sitkiyaga İerusalimde aytıp berdi.

⁷Bul arada Babıl padışasının askerleri İerusalimdin jana Jüyüttün kalgan bardık şaarlarının turgundarı menen, Lakiş jana Azeykanın turgundarı menen soguşup jattı. Antkeni Jüyüt şaarlarının içinen, çeptüü şaarlar katarı, uşul şaarlar gana kalgan ele.

⁸Sitkiya padışa İerusalimde jaşagan büt el menen kelişim tüzgöndön kiyin, Jeremiyaga Teŋirden söz boldu. Al kelişim mınday ele: Erkindik jarıyalansın,

⁹ar bir adam özünün eberey kulun, özünün eberey küŋün erkindikke çıgarsın, alardın eç kimisi öz bir tuuganın – jüyüttü kuldukta karmabasın.

¹⁰Oşondo kelişimge kirgen bardık törölör menen bardık el ar bir kuldu jana ar bir küŋdü erkindikke çıgarganga, mından arı alardı kuldukta karmabaganga makul boluştu. Oşentip, alar makul boluşup, alardı koё berişti.

¹¹Birok oşondon kiyin alar oyun özgörtüşüp, erkindikke çıgargan kuldarı menen küŋdörün kayra alışıp, alardı kayradan kul jana küŋ boluuga majbur kılıştı.

¹²Oşondo Jeremiyaga Teŋirden söz boldu:

¹³Israyıldın Kuday-Teŋiri mınday deyt: «Men silerdin ata-babalarıŋardı Misir jerinen, kulçuluktun üyünön alıp çıkkanda, alar menen mınday dep kelişim tüzgöm:

¹⁴“Jetinçi jıldın ayagında saga özün özü satkan eberey bir tuuganıŋdı boştondukka çıgar. Al saga altı jıl kızmat kılsın, anan anı erkindikke çıgar”. Birok silerdin ata-babalarıŋar Menin tilimdi alışkan jok, Maga kulak töşöşkön jok.

¹⁵Azır siler kayrılıp, Menin köz aldımda adilettik kıldıŋar, ar biriŋer öz jakınıŋarga azattık jarıyaladıŋar, Menin ısımım menen atalgan üydö, Menin aldımda kelişim tüzdüŋör.

¹⁶Birok andan kiyin siler oyuŋardı özgörtüp, Menin ısımımdı bulgadıŋar, kayda baruunu kaalasa, oşol jakka barsın dep, azattıkka çıgargan kuldarıŋardı, küŋdörüŋördü kayra alıp kelip, alardı kul boluuga jana küŋ boluuga majburlap jatasıŋar».

¹⁷Oşonduktan Teŋir mınday deyt: «Siler Menin ar bir adam öz bir tuuganına jana öz jakınına azattık jarıyalasın degen sözümdü ukpay koyduŋar. Mına oşon üçün Men, – deyt Teŋir, – silerge karşı kılıçka, juguştuu ooruga, açarçılıkka erkindik jarıyalaym. Silerdi jer jüzünün bardık padışaçılıktarının üröyün uçurgan korkunuçka aylandıram.

¹⁸Bir bukaçardı ekige bölüp, oşonun ortosunan ötüp, Menin aldımda özdörü tüzgön Menin kelişimimdin sözdörün atkarbay, Menin kelişimimdi buzgan

¹⁹Jüyüt törölörü menen İerusalim törölörün, ebnuhtardı, ıyık kızmat kıluuçulardı jana ekige bölüngön bukaçardın ortosunan ötkön bul jerdin büt elin

²⁰özdörünün duşmandarının koluna, alardı öltürgüsü kelgenderdin koluna salıp berem. Oşondo alardın ölüktörü asman kanattuuları menen jerde jaşagan jırtkıçtarga azık bolot.

²¹Jüyüt padışası Sitkiyanı jana anın törölörün özdörünün duşmandarının koluna, alardı öltürgüsü kelgenderdin koluna jana silerden çegingen Babıl padışasının askerlerinin koluna salıp berem.

²²Mına, Men buyruk berem, – deyt Teŋir, – alardı bul şaarga kayra alıp kelem, oşondo alar bul şaarga kol salıp, anı karatıp alıp, örttöp jiberişet. Oşentip, Men Jüyüt aymagının şaarların el jaşabagan çölgö aylantam».