Read NT LS 2005 – Инжил ЛС (2005 Jeremiya 35 Bible Online

Jeremiya 35 - NT LS 2005 – Инжил ЛС (2005 bible

Jeremiya 35

¹Jüyüt padışası Joşiya uulu Jayakimdin tuşunda Jeremiyaga Teŋirden bolgon söz:

²«Reyhap tukumuna bar, alar menen süylöş, alardı Teŋir üyünö, bölmölördün birine alıp kel, anan alarga şarap ber».

³Oşondo men Habatsiniyanın uulu bolgon Jeremiyanın uulu Jazaniyanı jana anın bir tuugandarın, uuldarın jana büt Reyhap tukumun alıp çıgıp,

⁴alardı Teŋir üyünö, Kudaydın kişisi, İgdaliya uulu Hanandın uuldarının bölmösünö alıp keldim. Al bölmö eşiktin aldında turgan sakçı – Şalum uulu Maaseydin bölmösünün üstündögü törölördün bölmösünün janında ele.

⁵Anan Reyhap tukumunun aldına şarapka tolgon çöyçöktör menen keselerdi koyup, alarga: «Şarap içkile», – dedim.

⁶Birok alar: «Biz şarap içpeybiz, antkeni bizdin atabız Reyhaptın uulu Jonadap bizge mınday buyruk bergen: “Siler da, baldarıŋar da kılımdar boyu şarap içpegile.

⁷Iy kurbagıla, ürön seppegile, jüzümzar oturguzbagıla, silerde jüzümzarlar bolbosun, birok jer kezip jürgön jerde uzak ubakıt jaşaş üçün, ömür boyu çatırlarda jaşagıla”.

⁸Biz atabız Reyhaptın uulu Jonadap emneni buyruk kılsa, oşonun baarın atkarıp jatabız. Al bizge: “Ömürüŋör ötkönçö şarap içpegile, ayaldarıŋar da, uuldarıŋar da, kızdarıŋar da içpesin,

⁹jaşaganga üy kurbagıla”, – degen. Oşon üçün bizdin jüzümzarıbız da, talaabız da, aydoo jeribiz da jok.

¹⁰Çatırlarda jaşap, atabız Jonadap bizge emne buyrusa, oşonun bardıgına til alıp, atkarıp jatabız.

¹¹Babıl padışası Nebuhadanasar bul jerge kirip kelgende, biz: “Jürgülö, kazdimderdin askerlerinen jana arameylikterdin askerlerinen kaçalı, İerusalimge baralı”, – dedik, oşonduktan mına, biz İerusalimde jaşap jatabız», – deşti.

¹²Oşondo Jeremiyaga Teŋirden söz boldu:

¹³Israyıldın Kudayı, Sebayot Teŋir, mınday deyt: «Bar, Jüyüt erkekteri menen İerusalim turgundarına ayt: “Kantip ele siler uşundan Menin sözümö til alış üçün, özüŋörgö akıl-nasaat algan joksuŋar?” – deyt Teŋir.

¹⁴Reyhap uulu Jonadaptın öz uuldarına şarap içpegile dep buyruk kılıp aytkan sözü atkarılıp jatat. Alar uşul küngö çeyin şarap içişpeyt, antkeni öz atasının buyruguna til alışat. Men bolso silerge tınımsız aytıp kele jatam, Men silerge taŋ zaardan aytıp kele jatam, birok siler Meni ukpay koyduŋar.

¹⁵Men silerge Özümdün büt kuldarımdı – paygambarlarımdı jiberip turdum, Men alardı taŋ zaardan jiberip turdum. Alardı jiberip: “Ar biriŋer özüŋördün jaman joluŋardan burulgula, jürüm-turumuŋardı oŋdogula, başka kudaylardın artınan tüşpögülö, alarga kızmat kılbagıla, oşondo Men silerge jana silerdin ata-babalarıŋarga bergen uşul jerde jaşaysıŋar”, – dep aytkam, birok siler kulak salbay koyduŋar, Menin tilimdi albay koyduŋar.

¹⁶Reyhaptın uulu Jonadaptın uuldarı atasının bergen buyrugun atkarıp jatışat, bul el bolso Meni ukpay jatat.

¹⁷Oşonduktan Israyıldın Kudayı, Sebayot Teŋir, mınday deyt: Mına, Men Jüyüt aymagına jana İerusalimdin büt turgundarına karşı Özüm aytkan bardık alaamattı kaptatam, antkeni Men alarga ayttım, birok alar ukpay koyuştu, alardı çakırdım, birok alar joop berbey koyuştu».

¹⁸Al emi Reyhap tukumuna Jeremiya mınday dedi: «Israyıldın Kudayı, Sebayot Teŋir, mınday deyt: “Ataŋar Jonadaptın buyruguna til alganıŋar üçün, anın bardık osuyattarın saktap, bardıgın al aytkanday atkarıp jatkanıŋar üçün

¹⁹Israyıldın Kudayı, Sebayot Teŋir, mınday deyt: Reyhaptın uulu Jonadaptın tukumunan Menin aldımda turgan adam üzülböyt”».