Read NT LS 2005 – Инжил ЛС (2005 Jeremiya 36 Bible Online

Jeremiya 36 - NT LS 2005 – Инжил ЛС (2005 bible

Jeremiya 36

¹Jüyüt padışası Joşiya uulu Jayakimdin padışaçılıgının törtünçü jılında Jeremiyaga Teŋirden mınday söz boldu:

²«Özüŋö türmök kitep al, aga Men saga süylöy baştagan kündön tartıp, Joşiyanın kündörünön tartıp bügünkü küngö çeyin Menin Israyıl jönündögü, Jüyüt jönündögü, bardık elder jönündögü aytkan sözdörümdün bardıgın jaz.

³Balkim, Jüyüt Menin alarga jasaym dep oylogon bardık alaamattarım jönündö ugup, özünün jaman jolunan burular. Oşondo Men alardın ayıbı menen künöösün keçirem».

⁴Oşondo Jeremiya Neyriyanın uulu Baruhtu çakırdı, Baruh Teŋirdin Jeremiyaga aytkan sözdörünün bardıgın Jeremiyanın öz oozunan türmök kitepke jazdı.

⁵Anan Jeremiya Baruhka mınday dep buyruk berdi: «Men kamaktamın, Teŋir üyünö bara albaym.

⁶Oşonduktan sen barıp, türmök kitepke menin oozumdan jazıp algan Teŋirdin sözdörün orozo künü, Teŋir üyündö elge uguza okup ber. Oşondoy ele anı öz şaarlarınan kelgen büt jüyüt eline uguza okup ber.

⁷Balkim, alar Teŋirdin aldında moyun sunuu menen sıyınıp, özdörünün jaman jolunan buruluşar, antkeni Teŋirdin bul elge karşı jar salıp aytkan kaarı menen jaalı ötö katuu».

⁸Neyriya uulu Baruh türmök kitepte jazılgan Teŋirdin sözdörün Teŋir üyündö okup berip, Jeremiya aga emne buyruk kılsa, oşonun baarın atkardı.

⁹Jüyüt padışası Joşiya uulu Jayakimdin padışaçılıgının beşinçi jılının toguzunçu ayında İerusalimdegi büt elge jana Jüyüt şaarlarınan İerusalimge kelgen bardık elge Teŋirdin aldında orozo jarıyalaştı.

¹⁰Oşondo Baruh türmök kitepte jazılgan Jeremiyanın sözdörün Teŋir üyündö, katçı Sapan uulu Gemariyanın bölmösündö, Teŋir üyünün jaŋı darbazasının kire berişinde, üstünkü koroodo büt elge uguza okup berdi.

¹¹Sapan uulu, Gemariya uulu Mihey türmök kitepte jazılgan Teŋirdin sözdörünün baarın uktu.

¹²Anan al padışanın üyünö, padışa katçısının bölmösünö tüşüp keldi, al jerde bardık törölör oturuşkan: padışanın katçısı Elişama, Şemaya uulu Delaya, Akbar uulu Elnatan, Sapan uulu Gemariya, Hananiya uulu Sitkiya jana bardık törölör.

¹³Mihey alarga Baruh türmök kitepti elge uguza okup jatkanda ukkan sözdörünün baarın aytıp berdi.

¹⁴Oşondo törölördün baarı Baruhka Kuşinin uulu, Şelemiyanın uulu, Nataniydin uulu Jeyudini: «Sen elge uguza okup bergen türmök kitepti koluŋa alıp, bizge kel», – dep ayttırganı jiberişti. Oşondo Neyriyanın uulu Baruh türmök kitebin koluna alıp, alarga keldi.

¹⁵Alar aga: «Otur, bizge uguza okup ber», – deşti. Oşondo Baruh alarga uguza okup berdi.

¹⁶Alar büt sözdördü ugup bütköndön kiyin, üröylörü uçup biri-birin karaştı jana Baruhka: «Biz bul sözdördün baarın padışaga sözsüz aytıp berebiz», – deşti.

¹⁷Anan Baruhtan: «Bizge aytçı degi, sen bul sözdördün bardıgın anın oozunan kantip jazıp aldıŋ?» – dep suraştı.

¹⁸Baruh alarga: «Al bul sözdördün baarın maga öz oozu menen ayttı, men bolso alardı sıya menen bul türmök kitepke jazdım», – dep joop berdi.

¹⁹Oşondo törölör Baruhka: «Bargın, silerdin kayda ekeniŋerdi eç kim bilbeş üçün, Jeremiya da, sen da jaşıngıla», – deşti.

²⁰Anan alar ak saraydagı padışaga jönöştü, türmök kitepti bolso padışanın katçısı Elişamanın bölmösünö kaltırıştı. Alar bul sözdördün baarın padışaga uguza aytıp berişti.

²¹Padışa türmök kitepti alıp kelüügö Jeyudini jiberdi. Jeyudi anı padışanın katçısı Elişamanın bölmösünön alıp, padışaga jana anın janında turgan bardık törölörgö uguza okup berdi.

²²Padışa oşol uçurda, toguzunçu ayda özünün kışkı üyündö oturgan ele, anın aldında meş küyüp turgan.

²³Jeyudi üç-tört tilke okugandan kiyin, padışa alardı kagaz kesken maki menen kesip alıp, otko taştay berdi. Türmök kitep büt boydon meştegi otto küyüp bütküçö oşentti.

²⁴Bul sözdördün baarın ukkan padışa da, anın büt kızmatçıları da korkuşkan jok, kiyimderin ayrışkan jok.

²⁵Elnatan, Delaya jana Gemariya padışadan kitepti örttöböönü ötünüştü, birok padışa alardın tilin algan jok.

²⁶Padışa padışanın uulu Jerehmeyelge, Azrieldin uulu Serayaga jana Abdeyeldin uulu Şelemiyaga Baruh katçını jana Jeremiya paygambardı kamakka aluunu buyruk kıldı. Birok Teŋir alardı jaşırıp koydu.

²⁷Jeremiyanın oozunan Baruh jazıp algan türmök kitepti padışa örttöp salgandan kiyin, Jeremiyaga Teŋirden söz bolup, aga mınday dep aytıldı:

²⁸«Özüŋö kayra başka türmök kitep al, aga Jüyüt padışası Jayakim örttögön birinçi kitepte jazılgan murunku sözdördün baarın jaz.

²⁹Jüyüt padışası Jayakimge bolso mınday dep ayt: Teŋir mınday deyt de: “Sen bul türmök kitepti: "Babıl padışası sözsüz kelet, bul jerdi talkalayt, andagı adamdar menen maldardı kırıp jok kılat" degen sözdördü bul kitepke emne üçün jazdıŋ? – dep, örttöp jiberdiŋ.

³⁰Oşon üçün Jüyüt padışası Jayakim tuuraluu Teŋir mınday deyt: Anın tukumunan Dööttün tagına oturgan adam bolboyt, anın ölügü kündüzgü aptapka, tünkü suukka ırgıtılıp taştalat.

³¹Men anı da, anın tukumun da, anın kızmatçıların da kılgan jaman işteri üçün jazalaym, Men alarga, İerusalimdin turgundarına jana Jüyüttün adamdarına Özüm aytkan, birok alar ukpay koygon alaamattardın baarın kaptatam”».

³²Oşondo Jeremiya başka türmök kitepti alıp, Neyriya uulu Baruh katçıga berdi. Baruh aga Jeremiyanın oozunan Jüyüt padışası Jayakim örttöp jibergen kiteptegi sözdördün baarın jazıp aldı. Al sözdörgö murunku sözdörgö okşogon sözdör dagı koşumçalandı.