Read NT LS 2005 – Инжил ЛС (2005 Jeremiya 37 Bible Online

Jeremiya 37 - NT LS 2005 – Инжил ЛС (2005 bible

Jeremiya 37

¹Jayakim uulu Jayahindin orduna Joşiya uulu Sitkiya padışaçılık kılıp turgan, anı Babıl padışası Nebuhadanasar Jüyüt jerine padışa kılıp koygon.

²Teŋirdin Jeremiya paygambar arkıluu aytkan sözün al da, anın kızmatçıları da, ölkönün eli da ukkan emes.

³Sitkiya padışa Şelemiyanın uulu Jeyuhaldı, ıyık kızmat kıluuçu Maasey uulu Sepaniyanı Jeremiya paygambarga: «Biz üçün Kuday-Teŋiribizge sıyın», – dep ayttırış üçün jiberdi.

⁴Jeremiya oşol uçurda eldin arasına erkin kirip, erkin çıgıp jürgön, antkeni anı zındanga kamaşa elek bolçu.

⁵Oşol arada paraondun askerleri Misirden çıgıştı, İerusalimdi kurçap turgan kazdimder al jönündö kabar uguşup, İerusalimden artka çeginip ketişti.

⁶Oşondo Jeremiya paygambarga Teŋirden söz boldu:

⁷Israyıldın Kuday-Teŋiri mınday deyt: «Menin erkimdi suraş üçün jibergen Jüyüt padışasına mınday dep aytkıla: “Silerge jardamga kele jatkan paraondun askerleri öz jerine, Misirge, kaytışat.

⁸Kazdimder bolso kayradan kelip, bul şaarga soguş açıp, anı karatıp alıp, örttöp jiberişet”».

⁹Teŋir mınday deyt: «“Kazdimder bizden sözsüz artka ketet”, – dep, özüŋördü özüŋör aldabagıla, antkeni alar artka ketişpeyt.

¹⁰Özüŋör menen soguşup jatkan kazdimderdin büt askerlerin talkalap salsaŋar da, alardın jaradarları ele öz çatırlarınan turup kelip, şaardı örttöp jiberişmek».

¹¹Kazdimderdin askerleri İerusalimden paraondun askerlerinen ulam artka çegingen uçurda,

¹²Jeremiya Benjemin jerine barıp, eldin arasınan özünün ülüşün alış üçün, İerusalimden çıktı.

¹³Birok al Benjemin darbazasına kelgende, al jerde turgan sakçılardın başçısı Hananiyanın uulu, Şelemiyanın uulu İriya degen kişi Jeremiya paygambardı karmap alıp: «Sen kazdimderge ötüp ketkiŋ kelip jatabı?» – dedi.

¹⁴Jeremiya aga: «Bul – jalgan, men kazdimderge ötüp ketkim kelbeyt», – dep joop berdi. Birok İriya anı ukpay koydu. Oşentip, İriya Jeremiyanı karmap alıp, törölörgö alıp keldi.

¹⁵Törölör Jeremiyaga açuulanışıp, anı urup, Jonatan katçının üyündögü zındanga kamap salıştı, antkeni anın üyün zından kılıp alışkan ele.

¹⁶Jeremiya zındanda, jer tölödö oturganda, al jerde oturganına köp kün bolgondo,

¹⁷Sitkiya padışa kişi jiberip, anı aldırdı. Padışa öz üyündö andan jaşıruun suradı: «Teŋirden söz barbı?» Jeremiya: «Bar», – dedi. Anan al: «Sen Babıl padışasının koluna salınıp berilesiŋ», – dedi.

¹⁸Anan Jeremiya Sitkiya padışaga mınday dedi: «Siler meni zındanda oturguzguday, senin aldıŋda, senin kızmatçılarıŋdın aldında jana bul eldin aldında emne künöö kıldım?

¹⁹“Babıl padışası silerge karşı jana bul jerge karşı barbayt”, – dep paygambarçılık kılgan paygambarlarıŋar kayda?

²⁰Emi mırzam padışa, meni uk, menin ötünüçümdü kabıl al, meni kayra Jonatan katçının üyünö jönötpö, bolboso men al jerde ölüp kalam».

²¹Oşondo Sitkiya padışa «Jeremiya küzötçülördün koroosuna kamalsın, şaardagı büt nan tügönüp bütkönçö, aga naabayçılardın köçösünön kününö bir kesim nan berilsin» degen buyruk berdi. Oşentip, Jeremiya küzötçülördün koroosunda kaldı.