Read NT LS 2005 – Инжил ЛС (2005 Jeremiya 39 Bible Online

Jeremiya 39 - NT LS 2005 – Инжил ЛС (2005 bible

Jeremiya 39

¹Jüyüt padışası Sitkiyanın padışaçılıgının toguzunçu jılının onunçu ayında Babıl padışası Nebuhadanasar özünün büt askeri menen İerusalimge kelip, anı kurçap aldı.

²Al emi Sitkiyanın padışaçılıgının on birinçi jılının törtünçü ayında, aydın toguzunçu künü şaar karatılıp alındı.

³Oşondo Babıl padışasının bardık törölörü şaarga kirip, ortoŋku darbazanın aldına jaylanışıştı. Alar: Neyirgal-Saretser, Samgar-Nebo, ebnuhtardın başçısı Sarsehim, sıykırçılardın başçısı Neyirgal-Saretser jana başka Babıl padışasının bardık törölörü.

⁴Jüyüt padışası Sitkiya jana bardık asker adamdarı alardı körgöndö kaçıp jönöştü. Alar tün içinde padışanın bagın aralap, eki dubaldın ortosundagı darbaza menen şaardan çıgıp, tüzdükkö ketken jol menen jönöştü.

⁵Birok kazdimderdin askerleri alardın artınan kuup jönöştü, Sitkiyanı Jeriho tüzdügündö kuup jetişti. Anı kolgo tüşürüp, Babıl padışası Nebuhadanasarga, Hamat jerindegi Riblaga alıp kelişti. Padışa alarga oşol jerde öküm çıgardı.

⁶Babıl padışası Sitkiyanın uuldarın Riblada Sitkiyanın köz aldında sayıp öltürdü. Al Jüyüttün büt törölörün da sayıp öltürdü.

⁷Al emi Sitkiyanın eki közün oyup, anı Babılga alıp ketiş üçün, kişen salıp koydu.

⁸Padışanın üyün jana eldin üylörün kazdimder örttöp jiberişti, İerusalimdin dubaldarın kıyratıştı.

⁹Al emi şaarda kalgan eldin kaldıgın, aga ötüp ketkenderdi jana kalgan başka eldi sakçılardın başçısı Nebuzaradan Babılga tutkundap ketti.

¹⁰El arasındagı eç nersesi jok jardılardı bolso sakçılardın başçısı Nebuzaradan Jüyüt jerinde kaltırdı, alarga oşol ele künü jüzümdüktör menen aydoo jerlerdi berdi.

¹¹Al emi Jeremiya tuuraluu Babıl padışası Nebuhadanasar sakçılardın başçısı Nebuzaradanga mınday buyruk berdi:

¹²«Anı koluŋa alıp, aga köz salıp jür, aga eç kanday jamandık kılba, al saga kanday aytsa, sen aga oşondoy kıl».

¹³Oşondo sakçılardın başçısı Nebuzaradan, ebnuhtardın başçısı Nebuşazban, sıykırçılardın başçısı Neyirgal-Saretser jana Babıl padışasının bardık törölörü kişi jiberip,

¹⁴Jeremiyanı küzötçülördün koroosunan çıgarıp alıştı. Anan anı Sapan uulu, Akikam uulu Gedaliyanın koluna tapşırıp, üyünö jetkirüünü buyruştu. Oşentip, al el arasında jaşap kaldı.

¹⁵Jeremiya sakçılardın koroosundagı zındanda jatkanda, Teŋirden aga söz bolgon:

¹⁶«Bar, etiopiyalık Ebet-Melekke mınday dep ayt: Israyıldın Kudayı, Sebayot Teŋir, mınday deyt: “Mına, Men bul şaar tuuraluu jakşılıkka emes, jamandıkka aytkan Özümdün sözümdü atkaram, alar oşol künü senin köz aldıŋda jüzögö aşırılat.

¹⁷Birok Men seni oşol künü kutkaram, – deyt Teŋir, – sen özüŋ korkkon adamdardın koluna salınıp berilbeysiŋ.

¹⁸Men seni kutkaram, sen kılıçtan ölböysüŋ, senin janıŋ oljo orduna özüŋdö kalat, antkeni sen Maga tayandıŋ”, – deyt Teŋir».