Read NT LS 2005 – Инжил ЛС (2005 Jeremiya 4 Bible Online

Jeremiya 4 - NT LS 2005 – Инжил ЛС (2005 bible

Jeremiya 4

¹«Israyıl, egerde sen kayrılgıŋ kelse, Maga kayrıl, – deyt Teŋir. – Egerde Menin aldımdan özüŋdün jiyirkeniçtüü nerseleriŋdi jok kılsaŋ, anda tentibeysiŋ».

²Çındık menen, akıykattık menen, adilettik menen: «Teŋir tirüü!» – dep ant beresiŋ, elder Teŋirden bata alışat, Teŋir menen maktanışat.

³Antkeni Jüyüt menen İerusalimdin adamdarına Teŋir mınday deyt: «Özüŋörgö jaŋı egin talaalardı aydagıla, tikenekterdin arasına seppegile.

⁴Jüyüttün adamdarı, İerusalimdin turgundarı, jamandık kıluuga jöndömdüü bolgonduguŋar üçün, Menin kaarım silerge ottoy jalındap, öçpöy küyböşü üçün, özüŋördü Teŋir üçün sünnötkö oturguzgula, jürögüŋördü sünnötkö oturguzgula.

⁵Jüyüt aymagına kabarlagıla jana İerusalimde jar salgıla, aytkıla, jerdi aralap surnay tartkıla. Katuu kıykırıp: “Kelgile, çogulup alıp çeptüü şaarlarga baralı”, – dep aytkıla.

⁶Siondo tuu kötörgülö, çepke kaçkıla, toktobogula, antkeni Men tündüktön kaygı jana çoŋ kırgın alıp kelem».

⁷Özünün çıtırman tokoyunan arstan çıgıp kele jatat, elderdi kıruuçu çıgıp kele jatat: al özünün ordunan senin jeriŋdi çölgö aylandırış üçün çıgıp kele jatat. Şaarlarıŋ talkalanıp, turgundarı jok kalat.

⁸Oşonduktan zumbal kurçanıp alıp ıylagıla, ökürgülö, antkeni Teŋirdin jalındagan kaarı bizden kayt bolboyt.

⁹«Oşol künü, – deyt Teŋir, – padışanın jürögü jana törölördün jürögü katıp kalat. Iyık kızmat kıluuçulardın üröylörü uçat, paygambarlar taŋ kalışat».

¹⁰Oşondo men: «Oo Kuday-Teŋirim! “Silerde tınçtık bolot” dep, Sen bul eldi jana İerusalimdi kızıktırıp ele koyduŋ bele? Birok kılıçtan kırılıp jatabız», – dedim.

¹¹Oşol mezgilde bul elge jana İerusalimge mınday dep aytılat: «Menin elimdin kızının joluna çöldün biyik adırlarınan kuykalooçu şamal kelet. Al şamal egin sapırış üçün emes, egin tazalaş üçün da emes.

¹²Al jaktan Maga mından da katuu şamal kelet, oşondo Men alarga Öz ökümümdü jarıyalaym».

¹³Mına, al buluttarday bolup kötörülüp jatat, anın arabaları kuyunday, anın attarı bürküttön da ıkçam. Bizge kaygı! Antkeni biz talkalanabız.

¹⁴İerusalim, kutkarılışıŋ üçün, jürögüŋdön jaman nerseni juup sal. Kaçanga çeyin sende jaman oylor uyalayt?

¹⁵Antkeni azır ele Dandan ün ugulup jatat, Eprayım toosunan ölüm kabarı kele jatat:

¹⁶«Elderge kabarlagıla, İerusalimge bildirgile: Alıskı ölködön kurçap aluuçular kele jatışat, özdörünün kıykırıktarı menen Jüyüttün şaarların jaŋırtıp jatışat».

¹⁷«Alar İerusalimdi tuş-tuştan talaa sakçılarınday bolup kurçap kele jatışat, antkeni al Maga karşı kozgoloŋ çıgardı, – deyt Teŋir.

¹⁸Senin joldoruŋ menen kılgan işteriŋ uşuga sebepker boldu. Sen mıyzamsızdıgıŋdan uşunçalık kıynalıp jatasıŋ, al jürögüŋdü jaralap jatat».

¹⁹Janım! Janım! Jürögümdün tereŋinde kaygırıp jatam, jürögüm tolkundanıp jatat, unçukpay koё albaym. Antkeni sen, janım menin, surnay ünün, soguş korkunuçun ugup jatasıŋ.

²⁰Kaygı artınan kaygı! Büt ölkö kıyrap jatat, kütülbögön jerden menin üylörüm kıyradı, köz irmegençe menin çatırlarım kıyradı.

²¹Men kaçankıga çeyin tuulardı köröm, surnay ünün ugam?

²²«Bul Menin elimdin akılsızdıgınan, Meni bilbegendiginen boldu. Alar – akılsız baldar, alarda akıl jok. Alar jamandık kılganga akılduu, birok jakşılık kıluunu bilişpeyt».

²³Jerdi karasam, mına, al kıyrap, een kaldı, asmandı karasam, anın jarıgı jok.

²⁴Toolordu karasam, mına, alar titirep jatat, büt adırlar solkuldap jatat.

²⁵Karasam, mına, adam jok, asmandagı kuştardın baarı tuş-tuşka uçup ketiptir.

²⁶Karasam, mına, Karmel çölgö aylanıptır, anın büt şaarları Teŋirdin jüzünön, Anın katuu kaarınan kıyraptır.

²⁷Antkeni Teŋir mınday degen: «Bardık jer een kalat, birok taptakır kırıp salbaym.

²⁸Bul tuuraluu jer ıylayt, jogoruda asman tünöröt, antkeni Men ayttım, Men belgiledim, al üçün ökünböym, andan kaytpaym.

²⁹Atçan askerlerdin jana jaa tartkan atkıçtardın ızı-çuusunan büt şaar eli tuş-tuşka kaçat: alar kalıŋ tokoylorgo ketişet, askalarga çıgışat. Bardık şaarlar een kalat, alarda bir da turgun bolboyt.

³⁰Een kalgan, sen, emi emne kılasıŋ? Senin açık kızıl kiyim kiygeniŋ da, altın jasalgalar menen jasanganıŋ da, közüŋdü boёgonuŋ da beker. Oynoştoruŋ seni jek körüp kalıştı, alar seni öltürgönü jatışat.

³¹Antkeni men töröp jatkan ayaldıkınday ündü, birinçi jolu töröp jatkan ayaldıkınday ontoonu, Sion kızının ünün ugup jatam. Al kolun sozup ontop jatat: “Oo, maga kaygı! Menin janım kişi öltürüüçülördün aldında kıynalıp jatat!”