Read NT LS 2005 – Инжил ЛС (2005 Jeremiya 42 Bible Online

Jeremiya 42 - NT LS 2005 – Инжил ЛС (2005 bible

Jeremiya 42

¹Anan bardık asker başçılar, Kareyah uulu Jakanan, Oşaya uulu Jazaniya, bardık el, kiçinesinen çoŋuna çeyin keldi.

²Alar Jeremiya paygambarga mınday deşti: «Senin aldıŋa alıp kelgen bizdin ötünüçübüzgö kulak sal, biz üçün jana mına bul eldin kaldıgı üçün Kuday-Teŋiriŋe sıyın, antkeni bizdi özüŋ körüp turganday, biz köp elek, az kaldık.

³Senin Kuday-Teŋiriŋ bizge kaysı jol menen jürüünü jana emne kıluunu körsötsün».

⁴Oşondo Jeremiya paygambar alarga: «Ugup jatam, silerdin sözüŋör boyunça silerdin Kuday-Teŋiriŋerge sıyınam, Teŋir siler jönündö emne dep joop berse, oşonun bardıgın aytam, silerden bir da söz jaşırbaym», – dedi.

⁵Alar Jeremiyaga mınday deşti: «Egerde biz senin Kuday-Teŋiriŋ seni bizge emne dep jiberse, oşonu tak atkarbasak, anda Teŋir bizge karşı işenimdüü, çınıgı kübö bolsun.

⁶Al jakşı bolobu, jaman bolobu, biz seni jiberip jatkan Kuday-Teŋiribizdin ünün ugabız. Kuday-Teŋiribizdin tilin alsak, bizge jakşı bolot».

⁷Aradan on kün ötköndön kiyin, Jeremiyaga Teŋirden söz boldu.

⁸Jeremiya özünö Kareyah uulu Jakanandı jana anı menen jürgön bardık asker başçılardı, büt eldi, kiçinesinen çoŋuna çeyin çakırıp alıp,

⁹alarga mınday dedi: «Siler meni özüŋördün ötünüçüŋör jönündö sıyın dep jibergen Israyıldın Kuday-Teŋiri mınday deyt:

¹⁰“Egerde siler bul jerde kala turgan bolsoŋor, anda Men silerdi jaygaştıram, talkalabaym, silerdi oturguzam, jok kılbaym, antkeni Men silerge kaptatkan alaamatım jönündö ökünüp jatam.

¹¹Siler Babıl padışasınan korkup jatasıŋar, andan korkpoy ele koygula, andan korkpogula, – deyt Teŋir, – antkeni silerdi saktaş üçün, silerdi anın kolunan kutkarıp alış üçün, Men siler menenmin.

¹²Men silerge ırayım kılam, oşondo al silerge ırayım kılıp, silerdi öz jeriŋerge kaytarıp jiberet”.

¹³Egerde siler: “Bul jerde jaşagıbız kelbeyt”, – dep, Kuday-Teŋiriŋerdin ünün ukpay:

¹⁴“Jok, biz Misir jerine ketebiz, al jerde soguş degendi körböybüz, surnay ünün ukpaybız, açka bolboybuz, oşol jerde jaşaybız”, – dey turgan bolsoŋor,

¹⁵anda azır, siler, Jüyüttün kaldıgı, Teŋirdin sözün ukkula: Israyıldın Kudayı, Sebayot Teŋir, mınday deyt: “Egerde siler Misirge ketüünü birotolo çeçken bolsoŋor, al jerge jaşaganı barsaŋar,

¹⁶anda siler korkkon kılıç silerge oşol jerde, Misir jerinde jetet, siler korkkon açkaçılık da silerdi oşol jerde, Misirde dayıma eerçip jüröt, oşol jerde ölösüŋör.

¹⁷Misirde jaşaş üçün, oşol jakka ketüünü çeçkenderdin baarı kılıçtan, açarçılıktan jana juguştuu oorudan kırılat, alardın biri da kalbayt, Men alarga kaptatkan alaamattan alardın biri da kutulbayt”.

¹⁸Antkeni Israyıldın Kudayı, Sebayot Teŋir, mınday deyt: “Menin kaarım menen açuum İerusalim turgundarına kanday tögülsö, Misirge barganıŋarda silerge da oşondoy tögülöt. Siler kargışka kalıp, silerdi körgön eldin üröylörü uçat, jamanattı jana şıldıŋ bolosuŋar, oşondon kiyin bul jerdi körböysüŋör”.

¹⁹Silerge, Jüyüttün kaldıgı, Teŋir aytıp jatat: “Misirge barbagıla, men silerge azır eskertip jatkanımdı bilgile”.

²⁰Antkeni siler özüŋörgö karşı künöö kıldıŋar: siler meni Kuday-Teŋiribizge mınday dep jiberdiŋer: “Biz üçün Kuday-Teŋiribizge sıyın, Kuday-Teŋiribiz emne dese, oşonun baarın ayt, biz anı atkarabız”.

²¹Men silerge bügün ayttım, birok siler Kuday-Teŋiribizdin ünün ukpay koyduŋar, Al meni silerge emne dep jiberse, oşonun baarın ukpay koyduŋar.

²²Oşonduktan bilip koygula, jaşaş üçün bargıŋar kelgen jerde kılıçtan, açarçılıktan jana juguştuu oorudan kırılasıŋar».