Read NT LS 2005 – Инжил ЛС (2005 Jeremiya 44 Bible Online

Jeremiya 44 - NT LS 2005 – Инжил ЛС (2005 bible

Jeremiya 44

¹Misirdegi Migdolgo, Takpankeske, Nopko jana Patros jerlerine oturuktaşkan büt jüyüttör tuuraluu Jeremiyaga bolgon söz:

²Israyıl Kudayı, Sebayot Teŋir, mınday deyt: «Siler baarıŋar Menin İerusalimge jana Jüyüt aymagının bardık şaarlarına kaptatkan büt alaamatımdı kördüŋör. Mına, alar emi een kaldı, alarda eç kim jaşabayt.

³Bul alardın Meni kaardantkan mıyzamsızdıgı üçün, özdörü da, siler da, ata-babalarıŋar da bilbegen başka kudaylarga jıpar jıttuu zat tütötüp, kızmat kılgandıgı üçün boldu.

⁴Men silerge Özümdün büt kuldarımdı – paygambarlarımdı jibergem, alardı silerge mınday dep ayttırganı taŋ zaardan jibergem: “Men jek körgön mınday jiyirkeniçtüü işti kılbagıla”.

⁵Birok alar ukpay koyuştu, kulak salbay koyuştu, özdörünün kıyanat işterinen kaytışkan jok, başka kudaylarga jıpar jıttuu zat tütötkönün toktotuşkan jok.

⁶Oşonduktan Menin kaarım, Menin açuum tögülüp, Jüyüt aymagının şaarları menen İerusalimdin köçölöründö jalındadı. Azır özüŋör körüp turganıŋarday, al jerler urandıga, çölgö aylandı».

⁷Azır Israyıldın Kudayı, Sebayot Teŋir, mınday deyt: «Özüŋördön eç kanday kaldık kaltırbaş üçün, jüyüttördün arasınan erkekterdi, ayaldardı, jaş baldardı, naristelerdi kırıp,

⁸özüŋör jaşaganı kelgen Misir jerindegi başka kudaylarga jıpar jıttuu zat tütötüp, öz koluŋar menen jasagan nerseler menen Meni kaardantıp, özüŋördü kırıp jok kılıp, jer jüzündögü bardık elderdin arasında kargışka kalıp, maskara bolup, emne üçün öz janıŋarga uşunday çoŋ kıyanattık kılıp jatasıŋar?

⁹Siler, emne, ata-babalarıŋardın, Jüyüt padışalarının mıyzamsızdıgın, özüŋördün jana özüŋördün ayaldarıŋardın Jüyüt jerinde, İerusalim köçölöründö kılgan mıyzamsızdıgın unutup kaldıŋarbı?

¹⁰Alar bügünkü küngö çeyin moyun sunuşkan jok, korkuşpayt, Menin silerge jana silerdin ata-babalarıŋarga bergen mıyzamdarım boyunça, körsötmölörüm boyunça jürüşpöyt».

¹¹Oşonduktan Israyıldın Kudayı, Sebayot Teŋir, mınday deyt: «Mına, Men büt Jüyüt aymagına alaamat kaptatış üçün, alardı kırış üçün, Öz jüzümdü silerge karşı buram.

¹²Misir jerine barıp, al jerde jaşaş üçün jüzün burup ketken jüyüttördün kaldıgın alam, alardın bardıgı kırılat, Misir jerinde ölüşöt. Alar kılıçtan, açarçılıktan kırılışat, kiçinesinen çoŋuna çeyin kılıçtan, açkaçılıktan ölüşöt. Alar kargışka kalıp, körgöndördün üröyün uçurup, şıldıŋ jana jamanattı boluşat.

¹³Men İerusalimdi kılıç menen, açkaçılık menen, juguştuu ooru menen kanday jazalasam, Misir jerinde jaşagandardı da oşondoy jazalaym.

¹⁴Misir jerine jaşaş üçün kelip, kayra Jüyüt jerine jaşaş üçün büt jan-dili menen kayrılıp ketkisi kelgen jüyüttördün kaldıgının içinen eç kim kaçıp kutula albayt jana eç kim aman kalbayt. Al jerden kaçıp ketkenderden başka eç kim kayrılıp kelbeyt».

¹⁵Oşondo özdörünün ayaldarının başka kudaylarga jıpar jıttuu zat tütötüp jatkanın bilgen erkekterdin baarı, al jerde turgan köp sandagan ayaldardın bardıgı jana Misir jerinde, Patrosto jaşagan büt el Jeremiyaga mınday dep joop berişti:

¹⁶«Biz senin Teŋirdin atınan aytkan sözdörüŋdü ukpaybız.

¹⁷Birok biz öz oozubuzdan emne çıksa, oşonun baarın sözsüz atkarabız, biz özübüz da, ata-babalarıbız da, padışalarıbız da, törölörübüz da Jüyüt aymagının şaarlarında jana İerusalim köçölöründö kılıp kelgendey, asman ayal kudayına arnap jıpar jıttuu zat tütötüp, kuyuluuçu kurmandıktarın kuyabız. Antkeni oşol uçurda bizdin kursagıbız tok bolçu, baktıluu bolçubuz, kıyınçılık körgön emespiz.

¹⁸Al emi asman ayal kudayına arnap jıpar jıttuu zat tütötpöy, kuyuluuçu kurmandıktarın kuybay kalgandan tartıp, biz bardık nersege muktaj bolup, kılıç menen açkaçılıktan kırılıp jatabız.

¹⁹Biz asman ayal kudayına arnap jıpar jıttuu zat tütötüp, kuyuluuçu kurmandıgın kuyup turganıbızda, biz aga anın sürötü tüşürülgön nan jasap, kuyuluuçu kurmandıgın kuyup turganıbızdı bizdin erkekteribiz bilgen jok bele?»

²⁰Oşondo Jeremiya büt elge: erkekterge, ayaldarga, uşintip joop bergen büt elge mınday dedi:

²¹«Silerdin jana ata-babalarıŋardın, padışalarıŋardın, törölörüŋördün jana ölkö elinin Jüyüt şaarlarında jana İerusalim köçölöründö uşintip jıpar jıttuu zat tütötkönüŋör Teŋirdin esinde, Anın jürögündö.

²²Teŋir silerdin kıyanat işteriŋerge jana jiyirkeniçteriŋerge çıday algan jok. Oşonduktan silerdin jeriŋer çölgö, körgöndördün üröyün uçurgan jerge aylandı, azır özüŋör körüp turganıŋarday, al eç kim jaşabagan, kargışka kalgan jerge aylandı.

²³Siler oşentip jıpar jıttuu zat tütötüp, Teŋirdin aldında künöögö batkanıŋar üçün, Teŋirdin ünün ukpay koygonuŋar üçün, Anın mıyzamı boyunça, Anın körsötmölörü boyunça, Anın buyruktarı boyunça jürbögönüŋör üçün, azır körüp turganıŋarday, başıŋarga uşul alaamat tüştü».

²⁴Jeremiya bardık elge jana bardık ayaldarga dagı mınday dedi: «Misir jerindegi bardık jüyüttör, Teŋirdin sözün ukkula:

²⁵Israyıldın Kudayı, Sebayot Teŋir, mınday deyt: “Siler, silerdin ayaldarıŋar öz oozuŋar menen aytkanıŋardı öz koluŋar menen kıldıŋar. Siler: "Biz kanday ubada kılsak, oşol ubadabızdı atkarabız, asman ayal kudayına arnap jıpar jıttuu zat tütötüp, kuyuluuçu kurmandıgın kuyabız", – dep aytıp jatasıŋar, oşonduktan öz ubadaŋarga bek turgula, ubadaŋardı tak atkargıla”.

²⁶Oşon üçün Misirde jaşagan bardık jüyüttör, Teŋirdin sözün ukkula: “Mına, Men Özümdün uluu ısımım menen ant berdim, – deyt Teŋir, – bütkül Misir jerinde mından arı "Kuday-Teŋir tirüü!" dep, Menin ısımımdı aytkan bir da jüyüt bolboyt.

²⁷Mına, Men silerdin üstüŋördön jakşılık üçün emes, jamandık üçün köz salıp turam. Misir jerindegi bardık jüyüttör taptakır kırılgança, kılıç menen açarçılıktan ölö berişet.

²⁸Kılıçtan kaçıp kutulgan az sandagı el gana Misir jerinen Jüyüt aymagına kaytat. Misir jerine jaşaganı kelgen jüyüttördön kalgan eldin baarı kimdin sözü atkarıların: Menikibi je özdörünükübü, oşondo bilişet.

²⁹Mına, silerge belgi, – deyt Teŋir, – silerdi Men uşul jerde jazalaym, silerdin kırılarıŋar tuuraluu aytılgan Menin sözdörümdün atkarıların oşondo bilesiŋer.

³⁰Teŋir mınday deyt: Mına, Men Jüyüt padışası Sitkiyanı anı öltürgüsü kelgen duşmanı Babıl padışası Nebuhadanasardın koluna kanday salıp bersem, Misir padışası Hopra paraondu duşmandarının koluna, anı öltürgüsü kelgenderdin koluna oşondoy salıp berem”».