Read NT LS 2005 – Инжил ЛС (2005 Jeremiya 46 Bible Online

Jeremiya 46 - NT LS 2005 – Инжил ЛС (2005 bible

Jeremiya 46

¹Teŋirden Jeremiyaga butparas elder jönündö bolgon söz:

²Misir jönündö, Eprat darıyasının jeegindegi Karkemiştegi Misir padışası Neho paraondun askerleri jönündö. Al askerlerdi Babıl padışası Nebuhadanasar Jüyüt padışası Joşiya uulu Jayakimdin padışaçılıgının törtünçü jılında talkalagan.

³«Kalkandarıŋardı, nayzalarıŋardı kamdagıla, anan salgılaşka kirgile.

⁴Atçan askerler, attarıŋardı tokup mingile, tuulgaŋardı kiyip, katarga turgula, nayzaŋardı kurçutkula, sootuŋardı kiygile!

⁵Men emneni körüp turam? Alar korkup, artka buruluştu. Alardın küçtüülörü jeŋilip, artın karabay kaçıp bara jatışat. Bardık taraptan korkunuç, – deyt Teŋir.

⁶Külüktör kaçıp kete albayt, er jürök kutula albayt. Alar tündüktö, Eprat darıyasının janında, müdürülüp kulaşat.

⁷Darıyaday kötörülüp jatkan bul kim? Suuları agın suularday dolulanıp jatkan bul kim?

⁸Bul – darıyaday kötörülüp jatkan Misir, anın suuları agın suularday dolulanıp jatat. Al mınday dep jatat: “Men kötörülüp, jerdi kaptap, şaardı jana anda jaşagandardı jok kılam”.

⁹Attarga mingile, siler da, arabaçandar, zımırap jönögülö! Kaarman jookerler: kalkan kötörgön Etiopiya menen Put, jaa karmap, jebe tartkan luttuktar, maydanga çıkkıla.

¹⁰Antkeni bul kün – Sebayot Kuday-Teŋirdin Özünün duşmandarınan öç ala turgan öç aluu künü. Kılıç baarın jep salat, toyunat, alardın kanın ayabay içip mas bolot, antkeni bul tündük jerindegi, Eprat darıyasının jeegindegi, Sebayot Kuday-Teŋirge arnalgan kurmandık çaluu bolot.

¹¹Kız, Misir kızı, Gilatka barıp, balzam al. Senin köp darı-darmek koldongonuŋ beker, sen üçün ayıguu jok.

¹²Elder senin maskara bolgonuŋdu uguştu, ökürügüŋ jer betin tolturdu, antkeni küçtüü menen küçtüü kagıştı, eköö teŋ jerge kuladı».

¹³Teŋirdin Jeremiya paygambarga Babıl padışası Nebuhadanasardın Misir jerin kıyratış üçün, kol saları jönündö aytkan sözü:

¹⁴«Misirde jar salgıla jana Migdoldo bildirgile, Nop menen Takpankeste da bildirgile: “Katarga tur, kamdan, antkeni senin tegeregiŋdegilerdi kılıç jep jatat”, – dep aytkıla.

¹⁵Senin küçtüüŋ emne üçün kuladı? Al turuştuk bergen jok, antkeni anı Teŋir kulattı.

¹⁶Al kulagandardı köböyttü, atügül, birinin üstünö biri kulap, mınday deşti: “Tur, kıyratkıç kılıçtan kaçıp, öz elibizge, tuulgan jeribizge kaytalı”».

¹⁷Al emi al jerde: «Misir padışası paraon jel öpkö, al belgilengen ubakıttı ötkörüp jiberdi», – dep kıykırıp jatışat.

¹⁸«Men tirüümün, – deyt ısımı Sebayot Teŋir bolgon Padışa, – Tabordun toolor arasında turganı, Karmeldin deŋiz jeeginde ekeni kanday anık bolso, anın keleri da anık.

¹⁹Misirde jaşooçu kız, köçüş üçün özüŋö kerektüü nerselerdi kamda, antkeni Nop een kalat, elsiz çölgö aylanat».

²⁰Misir – eŋ jakşı kunajın, birok tündüktön kırgın kele jatat, kele jatat.

²¹Anın arasında jürgön jaldanma adamdarı borgo baylangan bukaçarlar sıyaktuu, birok alar özdörü da artka burulup kaçıp ketişti, turuştuk bere alışkan jok, antkeni alardın ölö turgan künü, jazalana turgan saatı keldi.

²²Anın ünü jılandın ünündöy bolup ugulup jatat, alar askerleri menen kele jatışat, duşmandar otunçularday bolup, baltaları menen aga karşı kelişet.

²³«Anın tokoyun kıyışat, – deyt Teŋir, – antkeni alar sansız, alar çegirtkeden da köp, alarga san jetpeyt.

²⁴Misir kızı maskara boldu, al tündüktögü eldin koluna salınıp berildi».

²⁵Israyıl Kudayı, Sebayot Teŋir, mınday deyt: «Mına, Men Nodogu Amondu, oşondoy ele paraondu, Misirdi jana anın kudayların, padışaların, paraondu jana aga ümüttöngöndördü jazalaym.

²⁶Alardı öltürgüsü kelgenderdin koluna, Babıl padışası Nebuhadanasardın koluna, anın kuldarının koluna salıp berem, birok al oşondon kiyin murunku kündördöy eldüü bolot», – deyt Teŋir.

²⁷«Sen bolso korkpo, Menin kulum Jakıp, üröyüŋ uçpasın, Israyıl. Antkeni mına, Men seni alıskı ölködön kutkarıp alam, senin tukumuŋdu tutkundalıp ketken jerinen kutkarıp alam. Jakıp kayrılıp kelet, kayradan tınç, jakşı jaşap kalat, eç kim anı korkutpayt.

²⁸Korkpo, Menin kulum Jakıp, – deyt Teŋir, – antkeni Men seni menenmin. Men seni kaysı elderdin arasına kuup jibersem, oşol elderdi jok kılam, seni bolso jok kılbaym, birok seni çegi menen jazalaym, seni jazasız kaltırbaym».