Read NT LS 2005 – Инжил ЛС (2005 Jeremiya 48 Bible Online

Jeremiya 48 - NT LS 2005 – Инжил ЛС (2005 bible

Jeremiya 48

¹Maap tuuraluu Israyıldın Kudayı, Sebayot Teŋir, mınday deyt: «Nebogo kaygı! Al een kaldı! Kiriyatayim maskara boldu, karatıp alındı. Mizgab maskara boldu, talkalandı.

²Mından arı Maaptın daŋkı çıkpayt. Keşpondo aga karşı: “Jürgülö, anı elder arasınan jok kılalı”, – dep, jamandık oylop jatışat. Madmeyna, sen da ölösüŋ, seni kılıç eerçip jüröt».

³Horonayımdan ökürük ugulup jatat, talkalanuu jana uluu kıyroo bolup jatat.

⁴Maap talkalandı, anın baldarı ökürüp jatat.

⁵Luhitke çıgıp baratkan jerde ıy artınan ıy çıgıp jatat, Horonayımdan tüşüp bara jatkan jerde duşman kıyragandardın ıyın ugup jatat.

⁶Kaçkıla, öz ömürüŋördü saktagıla, çöldögü jılaŋaç söksööldöy bolgula.

⁷Antkeni sen öz işteriŋe, baylıgıŋa ümüttöndüŋ. Oşon üçün sen da alınasıŋ, Kemoş da özünün ıyık kızmat kıluuçuları jana törölörü menen tutkunga ketet.

⁸Kıyratuuçu ar bir şaarga kelet, bir da şaar aman kalbayt. Teŋir aytkanday, öröön kıyrayt, tüzdük een kalat.

⁹Maapka kanat bergile, al uçup ketsin. Anın şaarları çölgö aylanat, antkeni al şaarlarda jaşaganga eç kim kalbayt.

¹⁰Teŋirdin işin köŋül koştuk menen kılgan adamga kargış! Anın kılıçın kan tögüüdön karmagan adamga kargış!

¹¹Maap jaş çagınan beykapar jaşap, özünün açıtkısının üstündö oturat, idişten idişke kuyulgan jok, tutkundalıp ketken jok. Oşonduktan al öz daamın saktap kaldı, jıtın jogotkon jok.

¹²«Oşonduktan mına, kündör kele jatat, – deyt Teŋir, – oşol kündörü Men aga kuyuşturuuçulardı jiberem, alar anı kuyuşturuşat, anın idişterin boşotuşat, anın kumuraların talkalaşat.

¹³Oşondo Israyıl öz ümütü Beytel üçün kanday uyat bolso, Maap Kemoş üçün oşondoy uyat bolot.

¹⁴Siler: “Biz soguşta er jürök, kaarman adamdarbız”, – dep kantip aytıp jatasıŋar?

¹⁵Maap een kaldı, anın şaarları örttönüp jatat, anın tandalgan jaş ulandarı soyuluuga ketti, – deyt ısımı Sebayot Teŋir bolgon Padışa.

¹⁶Maap jakında kıyrayt, anı jakında alaamat kaptayt.

¹⁷Anın koşunaları, anı joktop ıylagıla, anın ısımın bilgenderdin bardıgı: “Küç-kubat tayagı, daŋk tayagı kanday talkalandı!” – degile.

¹⁸Dibondo jaşooçu kız, daŋk biyiktiginen tüşüp, suusuz jerde otur, antkeni saga Maaptın kıyratuuçusu kelip, çepteriŋdi talkalayt.

¹⁹Aroyerdin kız turgunu, joldun boyuna turup alıp kara, kaçıp bara jatkandan jana aman kalgandan: “Emne bolup ketti?” – dep sura.

²⁰Maap uyat boldu, antkeni al een kaldı. Bozdop ıylagıla, ökürgülö, Maap talkalandı dep, Arnondo jar salgıla.

²¹Oşentip, tüzdüktögü ölkölörgö jaza keldi, Holongo da, Jaaska da, Meypaatka da,

²²Dibongo da, Nebogo da, Beyt-Dıblatayımga da,

²³Kiriyatayimge da, Beyt-Gamulga da, Beyt-Meyongo da,

²⁴Keriotko da, Botsıraga da, Maap jerindegi alıskı jana jakınkı şaarlardın bardıgına jaza keldi.

²⁵Maaptın müyüzü kesildi, anın karuu-bulçuŋu talkalandı», – deyt Teŋir.

²⁶Anı mas bolguça içirgile, antkeni al Teŋirge karşı kötörüldü. Maap özünün kusundusunda oonasın, özü şıldıŋ bolsun.

²⁷Sen Israyıldı şıldıŋ kılgan jok beleŋ? Al tuuraluu aytkan sayın başıŋdı çaykagıday, al emne, uurulardın arasınan karmaldı bele?

²⁸Şaarlarıŋardı taştap, aska-zoolordo jaşagıla, Maaptın turgundarı. Iŋkürdün oozuna uya salgan kögüçköndördöy bolgula.

²⁹Biz Maaptın tekeberligi, çeginen çıkkan tekeberligi jönündö, menmensingendigi, teŋsinbegendigi, maktançaaktıgı, jürögünün kötörülgöndügü jönündö ukkanbız.

³⁰«Men anın menmensingendigin bilem, – deyt Teŋir, – birok anısı negizsiz. Anın sözdörü kurulay: aytkanın atkarbayt».

³¹Oşonduktan Maap üçün bozdop ıylaym, büt Maap üçün öküröm. Kir-Herestin turgundarı üçün üşkürüşöt.

³²Sıbmanın jüzümdügü, sen üçün Jazerdi joktop ıylaganday ıylaym. Senin butaktarıŋ deŋizdin arkı betine çeyin jayılıp turçu, Jazer kölünö çeyin jetçü. Kıyratuuçu senin jaykı mömölörüŋö jana bışkan jüzümüŋö kol saldı.

³³«Karmelden jana Maap jerinen kubanıç menen şattık tartılıp alındı. Men jüzüm sıgıluuçu jaylarda jüzüm tebelöönü toktotom. Mından arı alarda ır ırdap jüzüm tebeleşpeyt, mından arı kubanıçtın kıykırıgı emes, soguştun kıykırıgı ugulat.

³⁴Keşpondon Elaleyge jana Jaaska çeyin jetken kıykırıktan ulam alar Soardan tartıp Horonayımga jana üçünçü Eglatka çeyin kıykırışat, antkeni Nimrimdin suuları da kakşıyt.

³⁵Maaptan, – deyt Teŋir, – butkanalarda kurmandık çalgandardı, özdörünün kudaylarına jıpar jıttuu zat tütötköndördü jok kılam».

³⁶Oşonduktan menin jürögüm Maap üçün çoordoy sızdap jatat. Kir-Herestin turgundarı üçün jürögüm çoordoy sızdap jatat, antkeni alardın tapkan baylıktarı jok boldu.

³⁷Ar birinin başındagı çaçı julungan, ar birinin sakalı alıngan. Ar birinin koldorunda tırmaktın izi, ar birinin belinde zumbal.

³⁸«Maaptın bardık üylörünün üstündö jana bardık köçölöründö ıy, antkeni Men Maaptı kerekten çıkkan idiştey kılıp talkaladım», – deyt Teŋir.

³⁹«Al kanday talkalandı, – dep, bozdop ıylaşat. – Maap artka kaçıp, kanday uyatka kaldı!» Maap özünün aylanasındagılardın bardıgına şıldıŋ bolot jana anı körgön eldin üröyü uçat.

⁴⁰Antkeni Teŋir mınday deyt: «Mına, al bürkütkö okşop uçup kelip, Maaptın üstünö kanatın jayat.

⁴¹Şaarlar karatılıp alınat, sepilder karatılıp alınat, oşol künü Maaptın kayrattuularının jüröktörü tolgoodon kıynalıp jatkan ayaldın jürögündöy bolot».

⁴²Maap elderdin katarınan jok kılınat, antkeni al Teŋirge karşı çıktı.

⁴³«Maaptın turgunu, korkunuç da, or da, sıyırtmak da sen üçün, – deyt Teŋir.

⁴⁴Korkunuçtan kaçkan adam orgo tüşöt. Al emi ordon çıkkan adam sıyırtmakka tüşöt, antkeni Men aga, Maapka, jazaloo jılın kaptatam», – deyt Teŋir.

⁴⁵Kaçıp bara jatkandar alsırap, Keşpondun kölökösünö toktoştu, birok Keşpondon ot çıktı, Sihondun içinen jalın çıktı, al Maaptın kaptalın jana kozgoloŋçul uuldarının çokusun jalmap ketti.

⁴⁶Maap, saga kaygı! Kemoş eli öldü, antkeni senin uuldarıŋ tutkundalıp ketti, senin kızdarıŋ da tutkundaldı.

⁴⁷«Birok akırkı kündörü Maaptın tutkundarın kayra alıp kelem», – deyt Teŋir. Maaptın jazası oşol küngö çeyin.