Read NT LS 2005 – Инжил ЛС (2005 Jeremiya 5 Bible Online

Jeremiya 5 - NT LS 2005 – Инжил ЛС (2005 bible

Jeremiya 5

¹İerusalimdin köçölörün aralagıla, karagıla, çalgındagıla, anın ayanttarınan izdegile. Egerde adilettikti saktagan, çındıktı izdegen adam tapsaŋar, anda Men İerusalimdi ayar elem.

²Alar “Teŋir tirüü!” deşkeni menen, jalgan ubada berişet».

³Oo Teŋir! Senin közdörüŋ çındıkka burulgan emespi? Sen alardı urup jatasıŋ, alar bolso ooruganın sezişpeyt. Sen alardı kırıp jatasıŋ, birok alar akıl-nasaattı ukkuları kelbeyt. Alar özdörünün jüzün taştan da katuu kılıp alışkan, kayrılgıları jok.

⁴Oşondo men: «Bular jakır adamdar bolso kerek. Alar akılsız, oşonduktan Teŋirdin jolun, öz Kudayının mıyzamın bilişpeyt.

⁵Men ataktuularga barıp, alar menen süylöşöyün, antkeni alar Teŋirdin jolun, öz Kudayının mıyzamın bilişet», – dedim. Birok alar da moyunturuktu talkalap, kişenderdi üzüp salıştı.

⁶Oşon üçün alardı tokoydon çıkkan arstan öltüröt, alardı çöl karışkırı kırat, alardı şaarlarının janında ilbirs aŋdıp jatat. Kim şaardan çıksa, al jırtkıçka jem bolot, antkeni alardın kılmışı köböyüp ketti, buzuktugu arttı.

⁷«Bul üçün Men seni kantip keçirem? Senin uuldarıŋ Meni taştap ketişti, kuday emester menen ant berip jatışat. Men alardı toyguzup turdum, alar bolso buzuktuk kılıp, top-tobu menen buzulgan ayaldardın üylörünö barıp jürüştü.

⁸Alar – semirtilgen aygırlar. Alardın ar biri başka biröönün ayalına azınap turat.

⁹Kantip Men alardı uşul üçün jazalabay koёyun? – deyt Teŋir. – Menin janım uşunday elden kantip öç albay koysun?

¹⁰Anın dubaldarına çıkkıla da kıyratkıla, birok baarın emes. Alardın jaş butaktarın kıyıp salgıla, antkeni alar Teŋirdiki emes.

¹¹Antkeni Israyıl menen Jüyüt Maga işenimsizdik kılıştı, – deyt Teŋir.

¹²Alar Teŋir tuuraluu kalp aytışıp, mınday deşti: “Bul Teŋirden emes, bizdin başıbızga müşkül tüşpöyt, biz açarçılıktı da, kılıçtı da körböybüz.

¹³Paygambarlar da jel bolup kalışat, alarda Teŋirdin sözü jok. Bul nerseler alardın öz baştarına kelsin”».

¹⁴Oşonduktan Sebayot Kuday-Teŋir mınday deyt: «Siler uşunday sözdördü aytıp jatkanıŋar üçün, mına, Men Özümdün sözdörümdü senin oozuŋda ot kılam, al emi bul eldi otun kılam, bul ot alardı jalmayt.

¹⁵Israyıl, Men saga karşı alıstan bir el alıp kelem. Al el – küçtüü el, bayırkı el, sen tilin bilbegen, sözün tüşünbögön el, – deyt Teŋir.

¹⁶Anın saadagı açık mürzödöy, alardın bardıgı – kayrattuu adamdar.

¹⁷Alar senin tüşümüŋdü, eginiŋdi jeyt, senin uuldarıŋdı jana kızdarıŋdı jeyt, senin koyloruŋdu jana ögüzdörüŋdü jeyt, senin jüzümüŋdü jana anjırıŋdı jeyt. Sen tayangan çeptüü şaarlarıŋdı kılıç menen kıyratışat.

¹⁸Birok oşol kündörü da silerdi taptakır kırıp salbaym, – deyt Teŋir.

¹⁹Egerde alar: “Bulardın bardıgın Kuday-Teŋir bizge emne üçün kılıp jatat?” – dey turgan boluşsa, anda mınday dep joop ber: “Siler Meni taştap, öz jeriŋerde başka kudaylarga kızmat kılganıŋar üçün, jat jerde bötön elge kızmat kılasıŋar”.

²⁰Munu Jakıpka kabarlagıla, Jüyüt aymagına jar salıp, mınday degile:

²¹“Munu uk, akılsız el, közü bar bolup turup körbögön, kulagı bar bolup turup ukpagan, akıl-esi jok el!”

²²Siler Menden korkpoysuŋarbı? Menin aldımda kaltırabaysıŋarbı? – deyt Teŋir. – Men kumdu deŋizge çek ara, andan ötö albay turgan tübölük çek kılıp koydum. Anın tolkundarı jeekke kançalık umtulsa da, anı buzup ötö albayt. Deŋiz dolulana tolkundasa da, andan ötö albayt.

²³Al emi bul eldin jürögü öjör, kozgoloŋçul. Alar Teŋirden çettep ketişti.

²⁴Alar jürögündö: “Kuday-Teŋiribizden korkolu, Al bizge erte jamgırdı, keç jamgırdı öz maalında beret, biz üçün Al tüşüm maalına belgilengen jumalardı saktayt”, – deşpeyt.

²⁵Silerdin mıyzamsızdıgıŋar bulardı bolturbay saldı, bul jakşı nerselerden silerdi künöölörüŋör ajırattı.

²⁶Antkeni Menin elimdin arasında jaman adamdar bar. Alar kuşçularday aŋdışat, jerge jatıp alıp, torlordu jayıp, adamdardı karmaşat.

²⁷Çımçıkka tolgon kapastay, alardın üylörü aldamçılıkka tolgon. Oşol arkıluu alar tekeberdenişti, bayıştı.

²⁸Alar toluştu, semirişti, ar kanday jamandıktın çeginen ötüştü, alar sot işterin, jetimderdin işterin adilettüü çeçişpeyt, jırgap jaşaşat, jakırlardın adilettüü işine akıykattık kılışpayt.

²⁹Kantip Men alardı uşul üçün jazalabay koёyun? – deyt Teŋir. – Menin janım uşunday elden kantip öç albay koysun?

³⁰Bul jerde taŋ kalarlık, korkunuçtuu işter bolup jatat.

³¹Paygambarlar jalgan paygambarçılık kılıp jatışat, ıyık kızmat kıluuçular alardın jardamı menen biylik kılıp jatışat, Menin elim da munu jakşı köröt. Emi uşulardın baarınan kiyin siler emne kılasıŋar?»