Read NT LS 2005 – Инжил ЛС (2005 Jeremiya 52 Bible Online

Jeremiya 52 - NT LS 2005 – Инжил ЛС (2005 bible

Jeremiya 52

¹Sitkiya padışa bolgondo jıyırma bir jaşta ele. Al İerusalimde on bir jıl padışaçılık kıldı. Anın enesinin ısımı – Hamutal, al – libnalık Jeremiyanın kızı.

²Al da Teŋirdin aldında Jayakim kılgan jaman işterdin baarın kıldı.

³Oşonduktan Teŋir İerusalim menen Jüyütkö katuu kaardanıp, alardı Öz jüzünön çetke kaktı. Oşondo Sitkiya Babıl padışasına karşı çıktı.

⁴Anın padışaçılıgının toguzunçu jılı, onunçu aydın onunçu künü Babıl padışası Nebuhadanasar özünün büt askeri menen İerusalimge kelip, anı kurçap, anın tegeregine jal kurdu.

⁵Oşentip, şaar Sitkiya padışanın padışaçılıgının on birinçi jılına çeyin kurçoodo turdu.

⁶Törtünçü aydın toguzunçu künü şaarda açkaçılık küçödü, al jerdin eli üçün nan kalbay kaldı.

⁷Şaar dubalı talkalanıp teşildi, oşondo bardık asker adamdarı kaçıp jönöştü, alar tün içinde padışa bagının janındagı eki dubaldın ortosundagı darbazadan çıgıp, çölgö ketken jol menen jönöştü. Kazdimder bolso şaardın aylanasında turuşkan.

⁸Kazdim askerleri padışanın artınan kuup jönöştü. Alar Sitkiyanı Jeriho tüzdügündö kuup jetişti, oşondo anı özünün askerleri taştap, tuş-tuşka kaçıp ketişti.

⁹Alar padışanı kolgo tüşürüp, Hamat jerindegi Riblaga, Babıl padışasına alıp kelişti, padışa aga oşol jerde öküm çıgardı.

¹⁰Babıl padışası Sitkiyanın uuldarın Sitkiyanın köz aldında sayıp öltürdü, oşondoy ele Jüyüt törölörünün bardıgın Riblada sayıp öltürdü.

¹¹Sitkiyanı bolso eki közün oyup, jez kişen menen kişendedi. Anan anı Babıl padışası Babılga alıp ketip, zındanga kamatıp saldı. Al közü ötkönçö zındanda boldu.

¹²Beşinçi aydın onunçu künü (bul Babıl padışası Nebuhadanasardın biyliginin on toguzunçu jılı ele) Babıl padışasının aldında turgan kaytaruuçulardın başçısı Nebuzaradan İerusalimge kelip,

¹³Teŋir üyün, padışanın üyün, İerusalimdegi büt üylördü örttöp jiberdi, bardık çoŋ üylördü örttöp jiberdi.

¹⁴Anan kaytaruuçulardın başçısı menen bolgon büt Kazdim askerleri İerusalimdin aylanasındagı bardık dubaldardı kıyratıştı.

¹⁵El içindegi jardılardı, şaarda kalgan başka eldi, Babıl padışasına ötüp ketkenderdi, jalpı ele karapayım eldin kalgan kaldıgın kaytaruuçulardın başçısı Nebuzaradan tutkundap ketti.

¹⁶Kaytaruuçulardın başçısı Nebuzaradan bul jerdegi eldin jakırlarının bir neçesin gana jüzümdüktördü baguuga, jer aydoogo kaltırdı.

¹⁷Al emi Teŋir üyündögü jez mamılardı, jezden jasalgan astına koyguçtardı, Teŋir üyündögü jez çaranı kazdimder sındırıp, alardın bardık jezin Babılga alıp ketişti.

¹⁸Kudayga kızmat kıluuda koldonuluuçu kazandardı, kalaktardı, bıçaktardı, çaralardı, kaşıktardı jana jez idişterdin bardıgın alıp ketişti.

¹⁹Tabaktardı, kıçkaçtardı, çöyçöktördü, kazandardı, çıraktandardı, jıpar jıttuu zattar tütötülüüçü idişterdi, altından bolobu, kümüştön bolobu – bardık idişterdi kaytaruuçulardın başçısı alıp ketti.

²⁰Oşondoy ele Sulayman padışa Teŋir üyü üçün jasagan eki mamını, bir jez çaranı, anın astında turgan on eki jez ögüzdü alıp ketişti. Alarga ketken jezdin salmagın tarazaloogo mümkün emes ele.

²¹Al mamılardın ar birinin uzundugu on segiz çıkanak ele, ar bir mamını on eki çıkanak çınjır kurçap turgan, içi köŋdöy mamılardın kalıŋdıgı tört eli bolgon.

²²Mamının üstündögü taajı jezden jasalgan, taajının biyiktigi beş çıkanak ele. Taajının üstündö tegerete kurçalgan anarlar da, tor da jezden jasalgan. Ekinçi mamının üstündö da oşondoy anarlar bar ele.

²³Mamının bardık tarabındagı jez anarlardın sanı tokson altı bolçu, tordun aylanasındagı jez anarlardın sanı jüz bolçu.

²⁴Kaytaruuçulardın başçısı oşondoy ele başkı ıyık kızmat kıluuçu Serayanı, ekinçi ıyık kızmat kıluuçu Sepaniyanı jana bosogodo turgan üç küzötçünü alıp ketti.

²⁵Şaardan bolso asker adamdarının başçısı bolgon bir ebnuhtu, şaarda, padışanın aldında turgan jeti kişini, bul jerdin elin askerge kattagan başkı katçını, şaardagı eldin içinen altımış kişini alıp ketti.

²⁶Kaytaruuçulardın başçısı Nebuzaradan alardı Riblaga, Babıl padışasına alıp ketti.

²⁷Babıl padışası alardı Hamat jerindegi Riblada öltürdü. Oşentip, Jüyüt öz jerinen tutkundalıp ketti.

²⁸Nebuhadanasardın padışaçılıgının jetinçi jılında tutkundalıp ketken eldin sanı üç miŋ jıyırma üç.

²⁹Nebuhadanasardın padışaçılıgının on segizinçi jılında İerusalimden segiz jüz otuz eki adam tutkundalıp ketken.

³⁰Nebuhadanasardın padışaçılıgının jıyırma üçünçü jılı kaytaruuçulardın başçısı Nebuzaradan jüyüttördön jeti jüz kırk beş adamdı tutkundap ketken. Bardıgı bolup tört miŋ altı jüz adam tutkundalıp ketken.

³¹Jüyüt padışası Jayakimdin tutkundalıp kelgenine otuz jeti jıl bolgondo, on ekinçi aydın jıyırma beşinçi künü, Babıl padışası Ebil-Meredah özünün padışaçılıgının birinçi jılı Jüyüt padışası Jayahindi jogoru kötörüp, zındandan çıgardı.

³²Al anı menen dostorço süylöşüp, anın tagın özünün Babıldagı padışalarının tagınan jogoru koydu.

³³Al anın zından kiyimin almaştırdı. Jayahin ömürünün ayagına çeyin padışanıkınan tamaktandı.

³⁴Anın közü ötkönçö, padışadan aga kün sayın azık üzgültüksüz berilip turdu.