Read NT LS 2005 – Инжил ЛС (2005 Jeremiya 6 Bible Online

Jeremiya 6 - NT LS 2005 – Инжил ЛС (2005 bible

Jeremiya 6

¹Benjemin baldarı, İerusalimdin içinen kaçkıla, Tekoyada surnay tartkıla, Beyt-Akeremde ot menen belgi bergile, antkeni tündüktön uluu kaygı jana kıyroo kele jatat.

²«Men Siondun suluu, erke kızın kıyratam.

³Koyçular öz koyloru menen aga kelişet, anın aylanasına çatırların tigişet. Ar biri özünün jerine malın jayat».

⁴Anı menen soguşuuga dayardangıla. Turgula, tüştö barabız. Bizge kaygı! Kün batıp bara jatat, keçki kölökö uzarıp kaldı.

⁵Turgula, tün bolso da barabız, anın çepterin kıyratabız!

⁶Antkeni Sebayot Teŋir mınday deyt: «Daraktardı kıygıla, İerusalimge karşı jal jasagıla: bul şaar jazalanışı kerek, al zorduk-zombulukka tolgon.

⁷Bulak özünön suu bürküp çıgarganday, al özünön jamandık çıgarıp jatat: anın içinen zorduk-zombuluk, talap-tonooçuluk ugulup jatat. Menin aldımda dayıma kıynaluu jana kaygı tartuu bolup jatat.

⁸İerusalim, akılıŋa kel, Menin janım senden alıstap ketpesin, Men seni çölgö, eç kim jaşabagan jerge aylantpayın».

⁹Sebayot Teŋir mınday deyt: «Israyıldın kaldıgın jüzüm sıyaktuu akırına çeyin terip alışat. Sebetterdi tolturup, jüzüm jıynagan adamday, öz koluŋ menen işte.

¹⁰Alar uksun üçün, Men kimge aytam, kimdi eskertem? Mına, alardın kulagı sünnötsüz, oşonduktan alar uga alışpayt. Mına, alar Teŋirdin sözünö külüp jatışat, Anın sözü alarga jakpayt.

¹¹Oşonduktan Men Teŋirdin kaarına ayabay toldum, anı Özümdö karmap tura albaym. Anı köçödögü baldarga jana toptoşkon ulandarga tögöm. Ayalı menen küyöösü, ulgayıp kalganı menen karılıgı jetkeni oljogo ketet.

¹²Talaaları menen ayaldarı sıyaktuu ele, üylörü da jat biröölördün koluna ötöt, antkeni Men bul jerdin turgundarına karşı kolumdu sunam, – deyt Teŋir.

¹³Antkeni kiçinesinen çoŋuna çeyin, bulardın ar biri aç közdükkö berilgen, paygambardan ıyık kızmat kıluuçuga çeyin jalgan iş kılışat.

¹⁴Menin elimdin jaraatın “Tınçtık! Tınçtık!” dep, jeŋil oyluuluk menen darılap jatışat, birok tınçtık jok.

¹⁵Alar jiyirkeniçtüü işterdi kılgandan uyalışabı? Jok, takır uyalışpayt, kızarıp da koyuşpayt. Oşon üçün alar kulagandar menen kulaşat, Men alardı jazalagan künü alar kulaşat», – deyt Teŋir.

¹⁶Teŋir mınday deyt: «Özüŋördün bara jatkan joluŋarda toktogula, artıŋardı karagıla, bayırkı joldor jönündö suraştırgıla, jakşı jol kayda ekenin suragıla, oşol jolgo tüşkülö, oşondo janıŋarga tınçtık tabasıŋar». Birok alar: «Barbaybız», – deşti.

¹⁷«Oşondo Men silerdin üstüŋördön sakçılardı koyup: “Surnaylardın ünün ukkula”, – dedim. Birok alar: “Ukpaybız”, – deşti».

¹⁸«Oşonduktan kulak salgıla, elder, alardın emne bolorun bil, jamaat!

¹⁹Uk, jer jüzü! Mına, Men bul elge bülgün tüşüröm, bul – alardın oylorunun jemişi, antkeni alar Menin sözdörümdü ukpay, Menin mıyzamımdı çetke kagıştı.

²⁰Şebadan kele jatkan ladandın, alıskı ölködön kele jatkan jıpar jıttuu jılgındın Maga emne keregi bar? Silerdin bütündöy örttölüüçü kurmandıgıŋar Maga jakpayt, kurmandıktarıŋar Maga jagımsız».

²¹Oşonduktan Teŋir mınday deyt: «Mına, Men bul eldin aldına toskoolduktardı koyup jatam, aga ataları baldarı menen birge, koşunası dosu menen birge çalınat jana ölöt».

²²Teŋir mınday deyt: «Mına, tündük jaktagı ölködön el kele jatat, jer kıyırınan uluu el kötörülüp kele jatat.

²³Alar koldoruna jaa, nayza karmap alışkan. Alar kataal jana ırayımsız, alardın ünü deŋizdey şuuldayt, attarga minip uçup kele jatışat, seni menen salgılaşuu üçün bir kişidey tizilişken, Sion kızı».

²⁴Biz alar jönündö kabar ukkanda, emne kılarıbızdı bilbey, kaygıga battık, tolgoo tartkan ayalday kıynaldık.

²⁵Talaaga çıkpagıla, joldo jürbögülö, antkeni duşmandın kılıçı kele jatat, tuş-tuştan korkunuç tuuldu.

²⁶Elimdin kızı, beliŋdi zumbal menen kurça, başıŋa kül sep, jalgız uuluŋ ölgöndöy kaygırıp, katuu ıyla, antkeni kıyratuuçu bizge kütülbögön jerden kelet.

²⁷«Sen Menin elimdi bilişiŋ üçün jana anın joluna köz salıp turuşuŋ üçün, Men seni Özümdün elimdin içine munara jana çep kılıp koydum.

²⁸Alardın baarı – ötö işenimsiz adamdar, uşakçılık kılıp jaşaşat. Bular – jez jana temir, bardıgı buzulgan adamdar».

²⁹Jel üylögön köörük örttönüp ketti, korgoşun otto jok boldu: eritüüçü adam tekke eritti, antkeni andan jaman koşunduları bölünböy kaldı.

³⁰Alardı çetke kagılgan kümüş dep ataşat, antkeni alardı Teŋir çetke kaktı.