Read NT LS 2005 – Инжил ЛС (2005 Jeremiya 8 Bible Online

Jeremiya 8 - NT LS 2005 – Инжил ЛС (2005 bible

Jeremiya 8

¹Oşol uçurda, – deyt Teŋir, – Jüyüt padışalarının sööktörün, anın törölörünün, ıyık kızmat kıluuçulardın sööktörün, paygambarlardın, İerusalim turgundarının sööktörün mürzölörünön alıp çıgıp, ırgıtıp jiberişet.

²Alardı özdörü jakşı körgön, kızmat kılgan, artınan jürgön, izdegen, taazim kılgan kün aldında, ay aldında, asman koşuundarının aldında tuş-tuşka ırgıtışat. Alardı jıynap da alışpayt, jerge da kömüşpöyt: alar jer üstündögü kıktay boluşat.

³Bul jaman uruunun içinen tirüü kalgandardın baarı Men alardı kuup jibergen jerlerde ömürdön ölümdü artık körüp kalışat, – deyt Sebayot Teŋir.

⁴Alarga mınday dep ayt: Teŋir mınday deyt: “Jıgılgandar turbayt beken? Jolunan adaşkandar kayrılıp kelbeyt beken?

⁵Emne üçün bul el, İerusalim, işenimsizdiginen kaytpay jatat? Alar jalgançılıkka jabışıp, kayrılıp kelgisi kelbey jatışat.

⁶Men kulak salıp ugup turdum: alar akıykattıktı aytışpayt, eç kimisi jaman iş kılganına ökünböyt, eç kimisi: "Men emne kıldım?" – debeyt. Maydanga atırılıp kirgen attay bolup, ar kimisi öz joluna burulat.

⁷Asman astında ilegilek da özünün belgilüü mezgilderin bilet, baktek da, karlıgaç da, karkıra da kaysı mezgilde uçup kelerin bilet, birok Menin elim Teŋirdin mıyzamdarın bilbeyt.

⁸Siler: "Biz akılduubuz, bizde Teŋirdin mıyzamı bar", – dep, kantip aytıp jatasıŋar? Al emi kitep köçürgüçtördün kolundagı jalgan kalem anı da jalganga aylandırıp jatat.

⁹Akılmandar maskara boluştu, alar kıyratılıp, kolgo tüşüştü, mına, alar Teŋirdin sözün çetke kagıp salıştı. Anday bolso alardın akılmandıgı emnede?

¹⁰Oşol üçün alardın ayaldarın başkalarga berem, aydoo jerlerin bölök jer eelerine berem, antkeni alardın bardıgı, kiçinesinen çoŋuna çeyin aç közdüülükkö berilip ketişti. Bardıgı, paygambardan ıyık kızmat kıluuçusuna çeyin jalgan işterdi kılışat.

¹¹Menin elimdin kızının jaraatın "Tınçtık, tınçtık!" – dep, jeŋil oyluuluk menen darılap jatışat, birok tınçtık jok.

¹²Alar jiyirkeniçtüü işterdi kılgandan uyalışabı? Jok, takır uyalışpayt, kızarıp da koyuşpayt. Oşon üçün alar kulagandar menen kulaşat, jazalagan künü alar kulaşat, – deyt Teŋir.

¹³Alardı akırına çeyin terip alam, – deyt Teŋir, – jüzüm sabagında bir da jüzüm kalbayt, anjır daragında bir da anjır kalbayt, jalbırak da kübülüp tüşöt, Men alarga emne bersem, oşonun baarı alınat”».

¹⁴Biz emnege oturabız? Jıynalgıla, çeptüü şaarlarga baralı, oşol jerde ölölü, antkeni Kuday-Teŋiribiz bizdi ölümgö belgilep koydu. Teŋirdin aldında künöögö batkanıbız üçün, Al bizge öt koşulgan suu içirip jatat.

¹⁵Tınçtık kütüp jatabız, birok eç jakşılık jok, ayıguu mezgilin kütüp jatabız, birok, mına, aldıbızda üröy uçurgan korkunuçtar.

¹⁶Dandan anın attarının koşkurugu ugulup jatat, anın aygırlarının katuu azınaganınan büt jer titirep jatat. Alar kelip, jerdi jana anın üstündögünün baarın, şaardı jana anda jaşagandardın bardıgın jok kılat.

¹⁷«Antkeni mına, Men silerge jılandardı, uuluu jılandardı, kaptatam, alardı eç kim arbap toktoto albayt, alar silerdi çagat», – deyt Teŋir.

¹⁸Men öz kaygımdan kaçan sooronom? Menin jürögüm kıynalıp turat.

¹⁹«Mına, alıskı ölködön Öz elimdin kızının ıyın ugup jatam: “Siondo Teŋir jok beken? Al jerde anın Padışası jok beken?” Emne üçün alar özdörünün eç nersege jarabagan, bötön jerlikterdin burkandarı menen Meni kaardantıştı?»

²⁰«Orup-jıyuu maalı öttü, jaykı ubak büttü, birok biz kutkarılgan jokpuz».

²¹Men öz elimdin kızının kaygı tartıp jatkanına kaygırıp jatam, kapaluu jüröm, meni üröy uçurgan korkunuç eelep aldı.

²²Gilatta balzam jok beken? Al jerde darıger jok beken? Emne üçün menin elimdin kızı ayıkpay jatat?