Read NT LS 2005 – Инжил ЛС (2005 Jeremiya 9 Bible Online

Jeremiya 9 - NT LS 2005 – Инжил ЛС (2005 bible

Jeremiya 9

¹O, menin başıma suunu, közümö jaştın bulagın kim beret? Men öz elimdin öltürülgön kızın joktop, künü-tünü ıylar elem.

²O, çöldö maga kimdir biröö jolooçular üçün baş kalkalay turgan jay berse kana! Anda men öz elimdi taştap, alardan keter elem, antkeni alardın baarı – buzulgan adamdar, işenimsizderdin tobu.

³«Jalgan aytuu üçün tilderin jaaday tartışat, jerde jalgan işteri menen küç alıp bara jatışat, antkeni bir jamandıktan ekinçi jamandıkka ötüşöt, Meni bilişpeyt», – deyt Teŋir.

⁴Ar biriŋer öz dosuŋardan saktangıla, bir tuugandarıŋardın içinen eç kimisine işenbegile, antkeni bir tuugan bir tuuganına toskoolduk koёt, ar bir dos uşak taratat.

⁵Ar kim öz dosun aldayt, çındıktı aytpayt. Öz tilderin kalp aytuuga üyrötüşöt, çarçagança antkorlonuşat.

⁶«Sen eki jüzdüülüktün arasında jaşap jatasıŋ. Eki jüzdüülüktön ulam alar Meni bilgenden baş tartışat», – deyt Teŋir.

⁷Oşonduktan Sebayot Teŋir mınday dep jatat: «Mına, Men alardı eritem, sınaym, antkeni Men Öz elimdin kızına başka emne kılam?

⁸Alardın tili – öltürö turgan jebe, eki jüzdüü süylöyt. Oozdoru menen jakınına dostorço süylöşöt, al emi jüröktöründö aga kişen dayardaşat.

⁹Kantip Men alardı uşul üçün jazalabay koёyun? – deyt Teŋir. – Menin janım uşunday elden kantip öç albasın?

¹⁰Toolor üçün ıylaym, öküröm, talaadagı jayıttar üçün bozdop ıylaym, antkeni alar örttönüp ketti, al jerden eç kim ötpöyt, koylordun maaraganı ugulbayt: asmandagı kanattuulardan tartıp jerdegi janıbarlarga çeyin – bardıgı tuş-tuşka çaçırap ketişti.

¹¹İerusalimdi taştın üymögü, çöölördün iyini kılam, Jüyüt aymagının şaarların eç kim jaşabagan çöl kılam».

¹²Munu tüşüngön daanışman bar beken? Teŋir süylöşö turgan adam barbı? Al ölkö emne üçün kıyraganın, emne üçün çölgö okşop een kalganın, oşon üçün al arkıluu eç kim ötpöy kalganın tüşündürüp bersin.

¹³Teŋir mınday dedi: «Alar Menin alar üçün çıgargan mıyzamımdı taştap koyuştu, Menin ünümdü uguşkan jok, anı menen jürüşkön jok.

¹⁴Teskerisinçe, jüröktörünün öjörlügü boyunça jürüştü jana ata-babaları üyrötköndöy, Baaldın artınan jürüştü.

¹⁵Oşon üçün Israyıldın Sebayot Kuday-Teŋiri mınday deyt: Mına, Men alarga, bul elge, ermen jedirem, öt koşulgan suu içirem.

¹⁶Alardı özdörü da, ata-babaları da bilbegen elderdin arasına çaçıratıp jiberem, alardı jok kılmayınça, artınan kılıç jiberem».

¹⁷Sebayot Teŋir mınday deyt: «Oylongula, koşokçulardı çakırgıla, alar kelişsin. Bul işke mıktı koşokçulardı çakırtkıla, alar kelişsin».

¹⁸Alar tez kelişsin, biz tuuraluu ıylaşsın, bizdin közdörübüzdön jaş kuyulsun, kirpikteribizden suu aksın.

¹⁹Antkeni Siondon ıydın ünü ugulup jatat: «Biz kanday tonolduk! Biz ırayımsız maskara bolduk, antkeni biz jeribizdi taştap ketip jatabız, antkeni bizdin turak-jaylarıbızdı kıyratıştı».

²⁰Oşonduktan, ayaldar, Teŋirdin sözün ukkula, kulagıŋar Anın oozunan çıkkan sözdördü uksun. Kızdarıŋardı ıylaganga üyrötkülö, biri-biriŋerge koşok üyrötkülö.

²¹Antkeni ölüm baldarıbızdı köçödön, ulandarıbızdı ayanttan kırış üçün, terezeleribizden kirip keldi, ak saraylarıbızga kirip keldi.

²²«Alarga ayt: Teŋir mınday deyt: “Adamdardın ölüktörü talaadagı kıktay, orokçunun artındagı boodoy kulayt, alardı jıynaganga eç kim çıkpayt.

²³Teŋir mınday deyt: Akılman akılına maktanbasın, küçtüü küçünö maktanbasın, bay baylıgına maktanbasın.

²⁴Birok maktana turgan adam Menin jer üstündö ırayımduuluktu, akıykattıktı jana çındıktı jaratkan Teŋir ekenimdi tüşüngönü menen, bilgeni menen maktansın. Antkeni Maga uşul gana jagat, – deyt Teŋir.

²⁵Mına, sünnötkö oturguzulgandardın jana sünnötkö oturguzulbagandardın bardıgın:

²⁶Misir menen Jüyüt aymagın, Edom menen Amondun uuldarın, Maaptı jana çekesindegi çaçın kırktırıp jürgöndördün bardıgın, çöldö jaşagandardı jazalay turgan kündör kele jatat, – deyt Teŋir. – Antkeni bul elderdin bardıgı – sünnötkö oturguzulbagan elder, al emi bütündöy Israyıldın jürögü sünnötsüz”».