Read NT LS 2005 – Инжил ЛС (2005 Jeremiyanın ıyı 1 Bible Online

Jeremiyanın ıyı 1 - NT LS 2005 – Инжил ЛС (2005 bible

Jeremiyanın ıyı 1

¹Bir kezde köp eldüü bolgon şaar jesir ayalday bolup jalgız oturat! Elderdin arasındagı uluu şaar, dubandardın törösü salık tölööçü bolup kaldı.

²Tünküsün al katuu ıylayt, anın közünön jaş kuyulat. Anı süygöndördün içinen soorotor eç kimisi jok. Dostorunun baarı aga çıkkınçılık kılıştı, aga duşman bolup kalıştı.

³Jüyüt alaamattın, oor kulçuluktun ayınan tutkundalıp ketti, butparastardın arasına köçüp bardı, birok tınçtık taba algan jok, kuuguntuktagandardın baarı anı tar jerlerde kuup jetişti.

⁴Sion joldoru kapalanıp jatat, sebebi mayramga bargan eç kim jok. Anın büt darbazalarının aldı boş kaldı. Anın ıyık kızmat kıluuçuları üşkürüp jatışat, anın kızdarı kaygıga battı, al özü da kaygırıp jatat.

⁵Aga özünün duşmandarı başçılık kılıp jatat, anın kas adamdarı jırgap jaşap jatışat, antkeni Teŋir aga özünün köptögön mıyzamsızdıktarı üçün alaamat tüşürdü. Baldarı duşmandarının aldına tüşüp tutkundalıp ketişti.

⁶Oşentip, Sion kızınan körk ketti. Anın törölörü jayıt tappagan bugularday bolup kalıştı. Alsıragan alar kuugunçulardın aldına tüşüştü.

⁷İerusalim özünün başına alaamat tüşkön kündörü, azap çekken kündörü özünün murunku baaluuluktarın estedi. Eli duşmandın kolunan kırılıp jatkanda, aga eç kim jardamga kelgen jok. Duşmandarı anı karap, anın işembi kündörün şıldıŋdap külüp jatışat.

⁸İerusalim oor künöögö battı, oşonduktan jiyirkeniçtüü bolup kaldı. Murda daŋktap jürgöndördün baarı azır anı jek körö karaşat, antkeni anın jılaŋaçtıgın körüştü, al özü da üşkürünö jüzün burat.

⁹Anın eteginde ıpılastık bar ele, birok al öz keleçegi jönündö oylogon emes, oşonduktan al özgöçö kemsindi, anın soorotoru jok. «Teŋir, menin başıma tüşkön oor küngö nazar sal, antkeni duşmanım saltanat kurup jatat!»

¹⁰Duşman anın eŋ kımbat nerselerine kolun sundu. Al özünün ıyık jayına butparastardın kantip kirip jatkanın körüp turat. Sen butparastardı Özüŋdün ıyık jamaatıŋa kirbesin dep buyrugansıŋ.

¹¹Anın büt eli nan izdep üşkürüp jatat, janına kubat berçü tamak üçün özünün eŋ kımbat nerselerin berip jatat. «Teŋir, kara, menin kanday kemsingenimdi kör!

¹²Jol menen ötüp bara jatkandar, silerdin başıŋarga mınday kün tüşpösün! Karap körgülöçü, men çaldıkkan ooruday ooru bar beken? Teŋir maga Özünün jalındagan kaarın tökkön künü jibergen ooruday ooru bar beken?

¹³Jogoru jaktan Al menin sööktörümö ot jiberdi, ot sööktörümdü kurgattı. Buttarıma tuzak tartıp, meni kömölönttü, meni jakır jana kün sayın japa çekken adam kıldı.

¹⁴Menin mıyzamsızdıktarımdın moyunturugu Anın kolunda baylanıp turat. Alar biri-birine baylanıp, moynuma salındı. Al meni alsırattı. Teŋir meni karşı turuuga küçüm jetpegen duşmandarımdın koluna salıp berdi.

¹⁵Menin büt küçtüülörümdü Teŋir öz jerimde kulattı. Menin ulandarımdı jok kıluu üçün, maga karşı el çakırdı. Kızdı, Jüyüt kızın, Teŋir jüzüm sıgıluuçu jayda tebelegensip tebeledi.

¹⁶Men uşul tuuraluu ıylap jatam. Közümdün jaşı köl boldu, antkeni menin janımdı tirilte turgan soorotuuçu menden alıs. Baldarım kırgınga uçuradı, antkeni duşman meni jeŋdi».

¹⁷Sion öz kolun sunup jatat, birok anın soorotuuçusu jok. Teŋir duşmandarga Jakıptı kurçoonu buyruk kıldı. Alardın arasında İerusalim jiyirkeniçtüü bolup kaldı.

¹⁸«Teŋir adilettüü, antkeni men Anın sözünö moyun sungan emesmin. Bardık elder, ukkula, menin oorumdu körgülö: kızdarım menen uuldarım tutkundalıp ketişti.

¹⁹Dostorumdu çakırdım, birok alar meni aldap ketişti. Iyık kızmat kıluuçularım menen aksakaldarım jandarına bir az kubat alış üçün, şaarda nan izdep üşkürüp jürüşöt.

²⁰Teŋir, köz kırıŋdı sal, antkeni men Saga köşörüp karşı turganım üçün kıynalıp jatam, janım jay tappay jatat, jürögüm eŋşerilip ketti. Sırttan kılıç meni baldarımdan ajırattı, al emi üyümdön ölüm konuş aldı.

²¹Menin ontop jatkanımdı uguştu, birok menin soorotuuçum jok. Büt duşmandarım menin başıma tüşkön müşkül jönündö ugup, munu Sen kılganıŋ üçün kubanıp jatışat. Oo, egerde Sen Özüŋ aldın ala aytkan kündü kel dep buyruy turgan bolsoŋ, anda alar da maga okşop kalışat ele!

²²Alardın bardık kıyanat işteri Senin aldıŋa kelse eken. Büt künöölörüm üçün Sen meni kanday jazalasaŋ, alardı da oşondoy jazala, antkeni men katuu ontop jatam, jürögüm sızdap jatat».