Read NT LS 2005 – Инжил ЛС (2005 Jeremiyanın ıyı 2 Bible Online

Jeremiyanın ıyı 2 - NT LS 2005 – Инжил ЛС (2005 bible

Jeremiyanın ıyı 2

¹Teŋir Sion kızına Özünün kaarının kara bulutun kaptattı! Israyıldın körkün asmandan jerge kulattı, Özü kaardangan künü Özünün buttarı turgan jerdi esine algan jok.

²Teŋir Jakıptın bardık turak jayların talkaladı, ayagan jok. Teŋir kaardanıp, Jüyüt kızının çepterin kıyratıp, jerge kulattı, anın padışaçılıgın jana törölörün çetke kaktı.

³Katuu kaardanıp, Israyıldın büt müyüzdörün sındırdı. Duşmanga karşı sunulgan Özünün oŋ kolun tartıp aldı, tegeregindeginin baarın jalmagan, aloolongon ottoy bolup, Jakıpka karşı jalındadı.

⁴Duşmanday bolup Öz jaasın tarttı, joodoy bolup Özünün oŋ kolun karşı sundu, közdü suktantkandardın baarın öltürdü. Sion kızının jıyın çatırına Özünün kaarın ottoy töktü.

⁵Teŋir duşmanday bolup kaldı, Israyıldı jok kıldı, anın büt üylörün kıyrattı, anın çepterin talkaladı, Jüyüt kızının kaygısı menen ıyın köböyttü.

⁶Baktın tosmosun alıp salganday, Al Öz korgonun alıp saldı. Özünün jamaatı çogulgan jaydı talkaladı. Teŋir Siondo ötkörülüüçü mayramdar menen işembi kündördü esten çıgaruuga majbur kıldı. Katuu kaardanıp, padışanı jana ıyık kızmat kıluuçunu çetke kaktı.

⁷Teŋir Özünün kurmandık çalınuuçu jayın çetke kaktı, Özünün ıyık jayınan Özünün jürögün burup ketti, anın üylörünün dubaldarın duşmandardın koluna salıp berdi. Teŋirdin üyündö alar mayram kündögüdöy duuldap jatıştı.

⁸Teŋir Sion kızının dubaldarın kıyratuuga çeçim çıgardı, arkan tarttı, Öz kolun tartıp algan jok, kıyratuusun toktotkon jok. Sırtkı çepterin talkaladı, dubaldarın koşo kıyrattı.

⁹Anın darbazaları jerge matırılıp kaldı. Teŋir alardın kulpuların talkaladı, sındırdı. Anın padışası da, törölörü da butparastardın arasında. Alar üçün mıyzam jok bolup kaldı, anın paygambarları Teŋirden körünüş körböy kalıştı.

¹⁰Sion kızının karıları baştarına kül çaçıp, zumbal kurçanıp, jerde unçukpay oturuşat. İerusalim kızdarı baştarın jerge salıştı.

¹¹Köz jaşımdı tögö berip, közüm naçarlap kaldı, janım kıynalıp jatat, öz elimdin kızının kırılganınan ulam boorum ezilip, jerge tögülüp jatat. Antkeni baldar menen emçektegi ımırkaylar açarçılıktan şaardın köçölöründö ölüp jatışat.

¹²Alar şaardın köçölöründö jaradarlarga okşop ölüp bara jatıp, enelerine: «Nan menen şarap kana?» – dep, enelerinin kuçagında jan berip jatışat.

¹³Men saga emneni aytsam bolot, seni emnege salıştırsam bolot, İerusalim kızı? Kız, Sion kızı, soorotuş üçün seni emnege okşoştursam bolot? Antkeni senin jaraatıŋ deŋizdey çoŋ. Seni kim sakayta alat?

¹⁴Paygambarlarıŋ saga paydasız, jalgan nerselerdi aytıştı, seni tutkundalıp ketüüdön aldın ala saktap kalış üçün mıyzamsız işteriŋdi açışkan jok. Senin kuuguntuktalıp ketüüŋö sebep bolgon jalgan ayandardı aytıştı.

¹⁵Joldo ötüp bara jatkandardın bardıgı seni körüp, alakandarın şak koyup jatışat. Işkırıp, baştarın çaykap: «Suluuluktun jetkileŋdigi, büt jer jüzünün kubanıçı degen şaar uşulbu?» – dep, İerusalim kızı jönündö aytıp jatışat.

¹⁶Duşmandarıŋdın bardıgı oozdorun araanday açıp, ışkırıp, tişterin kıçıratıp: «Anı biz juttuk, biz uşul kündü gana kütkönbüz, kütkönübüz keldi, közübüz menen kördük», – dep jatışat.

¹⁷Teŋir emneni belgilese, oşonu jüzögö aşırdı. Özünün bayırkı kündörü aytkan sözün atkardı, aёosuz talkaladı. Duşmandın seni jeŋip kubanuusuna jol berdi, duşmandarıŋdın müyüzün jogoru kötördü.

¹⁸Alardın jürögü Teŋirge kayrılıp ıylap jatat. Oo Sion kızının dubalı! Köz jaşıŋdı künü-tünü darıyaday agız, janıŋdı jay aldırba, közüŋdün karekterin es aldırba.

¹⁹Tur, tün içinde kayrıl, ar bir küzöt maalı baştalganda kayrıl: Teŋirdin aldında jürögüŋdü suuday tök. Köçölördün buluŋ-burçtarında açarçılıktan ölüp jatkan baldarıŋdın janı üçün Aga koluŋdu sun.

²⁰«Kara, Teŋir, kör, Sen kimge uşunday kıldıŋ? Ayaldar öz baldarın, emçek berip bakkan öz naristelerin jep jatışat. Teŋirdin ıyık jayında ıyık kızmat kıluuçunu jana paygambardı öltürüp jatışat.

²¹Baldar menen karılar jerde, köçölördö jatışat. Kızdarım menen ulandarım kılıçtan ölüştü. Sen alardı Özüŋ kaardangan künü öltürdüŋ, aёosuz soyduŋ.

²²Sen maga korkunuçtardı, mayramga çakırganday, tuş taraptan çakırdıŋ. Teŋir kaarın tökkön künü eç kim kaçıp kutulgan jok, eç kim tirüü kalgan jok. Bagıp östürgönümdün baarın özümdün duşmanım jok kıldı».