Read NT LS 2005 – Инжил ЛС (2005 Jezekiel 10 Bible Online

Jezekiel 10 - NT LS 2005 – Инжил ЛС (2005 bible

Jezekiel 10

¹Anan men keruptardın baştarının üstündögü kömkörülgön asmanda sappir taşı sımal taktıga okşoş bir nerse turganın kördüm, al keruptardın üstünön körünüp turdu.

²Al zıgır kezdemeden kiyim kiygen kişige: «Keruptardın astına, döŋgölöktördün ortosuna kir, keruptardın ortosunda küyüp jatkan kömürdön koş uuç toltura al, anı uşul şaarga ırgıt», – dedi. Oşondo al menin köz aldımda kirdi.

³Al kişi kirgende, keruptar Iydün tüştük jagında turuşkan. Oşondo içki koroo bulutka toldu.

⁴Teŋirdin daŋkı keruptardın üstünön kötörülüp, Iydün bosogosuna keldi, Iy bulutka toldu, koroo Teŋirdin daŋkının jarıgına toldu.

⁵Keruptardın kanatınan çıkkan dobuş kudurettüü Kudaydın süylöp jatkandagı ününö okşop, sırtkı koroogo çeyin ugulup turdu.

⁶Al zıgır kezdemeden kiyim kiygen kişige: «Döŋgölöktördün ortosunan, keruptardın ortosunan ot al», – dep buyruk kılganda, al kirip, döŋgölöktün janına barıp turganda,

⁷keruptardın biri özdörünün ortosundagı otko kolun sozup, andan koş uuç ot alıp, zıgır kezdemeden kiyim kiygen kişige berdi. Al anı alıp, al jerden çıktı.

⁸Keruptardın kanattarının astınan adamdın koldoruna okşogon koldor körünüp turdu.

⁹Men keruptardın janında tört döŋgölök turganın kördüm, ar bir keruptun janında birden döŋgölök. Döŋgölöktördün körünüşü topazga okşoş eken.

¹⁰Törtöönün teŋ körünüşü birdey, döŋgölöktün içinde döŋgölök turgansıyt.

¹¹Alar özdörünün bagıtı boyunça tört jakka jürüştü. Jürüp bara jatkanda buruluşkan jok, baştarı kay jaktı karasa, alar oşol jakka jürüştü. Jürüp bara jatkanda buruluşkan jok.

¹²Alardın büt denesi, dalısı, koldoru, kanattarı, döŋgölöktördün baarı tegerete közgö tolgon. Alardın büt tört döŋgölögü közgö tolgon.

¹³Men bul döŋgölöktördün “Galgal”, dep ataların öz kulagım menen uktum.

¹⁴Ar bir janıbardın törttön beti bar eken: birinçi beti – keruptun beti, ekinçi beti – adamdın beti, üçünçü beti – arstandın beti, törtünçü beti – bürküttün beti.

¹⁵Keruptar kötörüldü. Bular men Kebar darıyasının boyunan körgön janıbarlar bolçu.

¹⁶Keruptar jürüşköndö, alardın janındagı döŋgölöktör da jürdü. Keruptar jerden kötörülüü üçün kanattarın kötörgöndö, döŋgölöktör da alardan bölüngön jok, alardın janında boldu.

¹⁷Tigiler toktop kalışkanda, bular da toktop kalıştı, tigiler kötörülgöndö, bular da kötörüldü, antkeni alarda janıbarlardın ruhu bar bolçu.

¹⁸Anan Teŋirdin daŋkı Iydün bosogosunan ketip, keruptardın üstünö kelip turdu.

¹⁹Oşondo keruptar kanattarın kötörüp, menin köz aldımda jerden kötörülüştü. Alar jönögöndö, döŋgölöktör da alardın janında boldu. Alar Teŋir üyünün çıgış darbazasının kire berişine kelip turuştu, alardın jogoru jagında Israyıl Kudayının daŋkı turdu.

²⁰Bular men Kebar darıyasının boyunda Israyıl Kudayının astınan körgön janıbarlar ele. Oşondo men bulardın keruptar ekenin bildim.

²¹Ar birinin törttön beti, törttön kanatı, kanattarının astında adamdın koluna okşoş koldoru bar ele.

²²Alardın betteri men Kebar darıyasının jeeginen körgön keruptardın betterine okşoş ele, körünüştörü da, özdörü da oşondoy ele. Ar biri özünün bet aldı jagın karay jürdü.