Read NT LS 2005 – Инжил ЛС (2005 Jezekiel 12 Bible Online

Jezekiel 12 - NT LS 2005 – Инжил ЛС (2005 bible

Jezekiel 12

¹Anan maga Teŋirden söz boldu:

²«Adam uulu! Sen kozgoloŋçul tukumdun arasında jaşap jatasıŋ. Alardın körö turgan közü bar, birok körüşpöyt, alardın uga turgan kulagı bar, birok uguşpayt, sebebi alar – kozgoloŋçul tukum.

³Al emi sen, adam uulu, köçüügö kerektüü nerseleriŋdi dayarda, anan alardın köz aldında kündüz köçüp ket, alardın köz aldında özüŋ turgan jerden başka jerge köçüp ket. Alar kozgoloŋçul tukum bolgonuna karabastan, balkim, tüşünüşör.

⁴Özüŋdün buyumdarıŋdı köçüügö kerektüü buyumdar katarı alardın köz aldında kündüz alıp çık, özüŋ da köçüp baratkanday bolup, alardın köz aldında keçinde çık.

⁵Alardın köz aldında dubaldı teş, buyumdarıŋdı oşol teşik arkıluu alıp çık.

⁶Alardın köz aldında jügüŋdü iyiniŋe salıp, anı karaŋgıda alıp çık, jerdi körböş üçün, jüzüŋdü jaap al, antkeni Men seni Israyılga belgi katarı koydum».

⁷Oşondo maga kanday buyruk berilse, men oşondoy kıldım: buyumdarımdı köçüügö kerektüü buyumdar katarı kündüz alıp çıktım, keçinde bolso dubaldı kolum menen teşip, karaŋgıda jüktü alıp çıgıp, alardın köz aldında iyinime saldım.

⁸Erteŋ menen maga Teŋirden söz boldu:

⁹«Adam uulu! Kozgoloŋçul Israyıl senden: “Emne kılıp jatasıŋ?” – dep suragan jokpu?

¹⁰Alarga ayt: Kuday-Teŋir mınday deyt de: “Bul paygambarçılık İerusalimdegi başkaruuçuga jana al jerde jaşagan büt Israyılga tieşelüü”.

¹¹Ayt: “Men siler üçün jışaanmın. Men emne kılsam, alarga oşondoy bolot, alar köçürülöt, tutkunga ketet”.

¹²Alardın arasındagı başçı jügün iyinine salıp, karaŋgıda çıgat. Anı dubal arkıluu jönötüş üçün, dubaldı teşişet. Al bul jerdi körböş üçün, jüzün jaap alat.

¹³Men aga torumdu jayam, al Menin toruma tüşöt, Men anı Babılga, Kazdim jerine, alıp kelem, birok al anı körböyt, oşol jerde ölöt.

¹⁴Al emi anın tegeregindegi jaktooçuların jana büt askerin tuş tarapka sapırıp jiberem, anan alardın artınan kılıçtı kınınan suuruym.

¹⁵Men alardı elderdin arasına çaçıp jibergende, jer-jerlerge sapırıp jibergende, alar Menin Teŋir ekenimdi bilişet.

¹⁶Alar kaysı elderdin arasına barışsa, oşol elderdin arasında özdörünün bardık jiyirkeniçteri jönündö aytıp berişsin üçün, Men alardın içinen bir az sandagı adamdardı kılıçtan, açarçılıktan jana juguştuu oorudan saktap kalam. Oşondo alar Menin Teŋir ekenimdi bilişet».

¹⁷Anan maga Teŋirden söz boldu:

¹⁸«Adam uulu! Nanıŋdı titirep je, suuŋdu kaltırap jana kaygırıp iç.

¹⁹Anan bul jerdin eline ayt: Kuday-Teŋir İerusalimdin turgundarı jönündö, Israyıl jeri jönündö mınday deyt de: Alar öz nanın kaygı menen jeşet, öz suusun sarsanaa bolup içişet, antkeni alardın jeri anda jaşagandardın kıyanat işteri üçün bardık molçuluktan ajırayt.

²⁰El oturuktaşkan şaarlar bülgüngö uçurap, jer een kalat, oşondo siler Menin Teŋir ekenimdi bilesiŋer».

²¹Anan maga Teŋirden söz boldu:

²²«Adam uulu! Silerdin Israyıl jerinde: “Köp kündör ötöt, anan ar kanday paygambarçılık jok bolot”, – dep aytıp jürgön makalıŋar emne degen makal?

²³Oşonduktan alarga ayt: Kuday-Teŋir mınday deyt: “Bul makaldı jok kılam, oşondon kiyin Israyılda mınday makal aytışpayt, birok alarga ayt: «Al kündördün kelerine jana ar bir paygambarçılıktın atkarılarına az kaldı»”.

²⁴Antkeni Israyılda mından arı eç kanday jalgan körünüş jana jalgan paygambarçılık bolboyt.

²⁵Antkeni Men Teŋirmin, Men aytıp jatam, Men aytkan söz atkarılat, kiyinkige kaltırılbayt. Silerdin kündörüŋördö, kozgoloŋçul tukum, Men emneni aytsam, oşonu atkaram», – deyt Kuday-Teŋir.

²⁶Anan maga Teŋirden söz boldu:

²⁷«Adam uulu! Israyıl mınday dep jatat: “Al körgön paygambarçılık körünüş köp kündördön kiyin atkarılat, al alıskı mezgilder jönündö paygambarçılık kılıp jatat”.

²⁸Oşonduktan alarga ayt: Kuday-Teŋir mınday deyt: “Mından arı Menin sözümdün biri da kiyinki möönötkö kaltırılbayt. Birok Men aytkan söz atkarılat”», – deyt Kuday-Teŋir.