Read NT LS 2005 – Инжил ЛС (2005 Jezekiel 13 Bible Online

Jezekiel 13 - NT LS 2005 – Инжил ЛС (2005 bible

Jezekiel 13

¹Anan maga Teŋirden söz boldu:

²«Adam uulu! Paygambarçılık kılıp jatkan Israyıl paygambarlarına karşı paygambarçılık kıl, öz oyunan çıgarıp paygambarçılık kılıp jatkan paygambarlarga ayt: “Teŋirdin sözün ukkula!

³Kuday-Teŋir mınday deyt: «Eç nerse körböy ele özünün ruhuna jetelenip jürgön akılsız paygambarlarga kaygı!

⁴Israyıl, senin paygambarlarıŋ urandılardın arasında jürgön tülkülördöy.

⁵Teŋirdin künü kelgende, soguşta turuştuk beriş üçün, talkalanıp teşilgen jayga kirgen joksuŋar jana Israyıldı dubal menen kurçagan joksuŋar».

⁶Alar jalgan körünüş körüştü, «Teŋir ayttı» dep, jalgan paygambarçılık kılıştı. Birok alardı Teŋir jibergen emes. Alar söz ordunan çıgat dep ümüttöndürüp jatışat.

⁷Siler jalgan körünüş körgön joksuŋarbı? Men aytpasam da, «Teŋir ayttı» dep, jalgan paygambarçılık kılıp jatkan joksuŋarbı?”

⁸Oşonduktan Kuday-Teŋir mınday deyt: “Siler jalgan nerselerdi aytıp jatkanıŋar üçün, jalgan körünüş körüp jatkanıŋar üçün Men silerge karşımın, – deyt Kuday-Teŋir.

⁹Menin kolum jalgan körünüş körüp jatkan, jalgan paygambarçılık kılıp jatkan uşul paygambarlarga karşı bolot. Alar Menin elimdin keŋeşmesinde boluşpayt, Israyıldın tizmesine jazılışpayt, Israyıl jerine kirişpeyt. Oşondo siler Menin Kuday-Teŋir ekenimdi bilesiŋer.

¹⁰Antkeni alar tınçtık jok bolso da, «Tınçtık» dep, Menin elimdi adaştırıp jatışat. El dubal kurup jatsa, alar anı ılay menen şıbap jatışat.

¹¹Dubaldı ılay menen şıbap jatkandarga: «Dubal kulayt», – dep ayt. Kara nöşör tögöt, oşondo siler, taş möndürlör, kulap tüşösüŋör; anı katuu şamal kulatat.

¹²Dubal kulayt. Oşondo silerge: «Siler şıbagan bayagı şıbak kana?» – dep kantip aytışpasın?”

¹³Oşonduktan Kuday-Teŋir mınday deyt: “Men kaardanıp jatkanımda, katuu şamal jiberem, Men açuulanıp jatkanımda, kara nöşör tögülöt, Men kıjırdanıp jatkanımda, kırış üçün taş möndürlör tüşöt.

¹⁴Oşentip, siler ılay menen şıbagan dubaldı kıyratam, anı jerge kulatam, oşondo anın paydubalı açılat, al kulayt, siler da anı menen koşo ölösüŋör. Oşondo siler Menin Teŋir ekenimdi bilesiŋer.

¹⁵Oşentip, Men Öz kaarımdı dubalga jana anı ılay menen şıbagandarga tögöm, anan silerge mınday deym: Dubal da jok, anı şıbagandar –

¹⁶tınçtık jok bolso da, tınçtık jönündö körünüş körüp, İerusalimge paygambarçılık kılgan Israyıl paygambarları jok, – deyt Kuday-Teŋir.

¹⁷Adam uulu, sen bolso öz eliŋdin öz jürögünön paygambarçılık kılıp jatkan kızdarına jüzüŋdü burup, alarga karşı paygambarçılık kılıp,

¹⁸mınday de: Kuday-Teŋir mınday deyt de: «Koltuktun astına sıykırduu jazdıkça tikkenderge, adamdardı tuzakka tüşürüş üçün, boyu ar kanday adamdardın baştarı üçün jabuu jasagandarga kaygı! Menin elimdin janın tuzakka tüşürüü menen öz janıŋardı saktap kalabız dep turasıŋarbı?

¹⁹Jalgandı ukkan elime jalgan süylöp, ölböş kerek bolgon jandardı öltürüp, jaşabaş kerek bolgondordun janın kaltırıp, bir uuç arpa üçün, bir kesim nan üçün Öz elimdin arasında Meni uyat kıldıŋar»”.

²⁰Oşonduktan Kuday-Teŋir mınday deyt: “Men silerdin sıykırduu jazdıkçaŋarga karşımın, al jazdıkçalar menen siler çımçıktı tuzakka tüşürgönsüp, jandardı tuzakka tüşürüp jatasıŋar, Men alardı koltuguŋardan julup alıp, tuzakka tüşkön çımçıktı erkindikke koё bergendey, siler tuzakka tüşürgön jandardı erkindikke çıgaram.

²¹Men silerdin jabuuŋardı tıtıp, Öz elimdi silerdin koluŋardan kutkaram. Alar mından arı koluŋarga tüşkön oljo bolboyt, oşondo siler Menin Teŋir ekenimdi bilesiŋer.

²²Men Özüm kaygıga saluunu kaalabagan adil adamdın jürögün siler jalgandık menen kaygıga salganıŋar üçün, mıyzamsız kişi özünün buzulgan jolunan burulbasın dep, öz ömürün saktap kalbasın dep, anın işterin koldop jatkanıŋar üçün,

²³mından arı jalgan körünüş körböysüŋör, jalgan paygambarçılık kılbaysıŋar. Men Öz elimdi silerdin koluŋardan kutkarıp alam, oşondo siler Menin Teŋir ekenimdi bilesiŋer”».