Read NT LS 2005 – Инжил ЛС (2005 Jezekiel 17 Bible Online

Jezekiel 17 - NT LS 2005 – Инжил ЛС (2005 bible

Jezekiel 17

¹Anan maga Teŋirden söz boldu:

²«Adam uulu! Israyılga tabışmak ayt, bir misal keltir.

³Alarga mınday de: Kuday-Teŋir mınday deyt: “Kanattarı çoŋ jana uzun, jünü koyuu jana türkün tüstüü bir çoŋ bürküt Lebanongo uçup kelip, kedr daragının uçunan üzüp aldı.

⁴Al anın jaş butaktarının jogorku uçunan üzüp alıp, anı Kanaan jerine alıp kelip, soodagerler şaarına koydu.

⁵Anan oşol jerdin urugunan alıp, tüşümdüü talaaga oturguzdu, tal oturguzganday, çoŋ suunun boyuna oturguzdu.

⁶Al ösüp, boyu japız, jayılgan jüzüm sabagı boldu. Anın butaktarı anı közdöy iyilip turdu, tamırları anın astında ele. Oşentip, al jüzüm sabagı boldu, jaş butaktarı çıgıp, butak jaydı.

⁷Kanattarı çoŋ, jünü koyuu dagı bir bürküt bar ele. Bürküt özünün bak-daraktarının jööktörünön sugarıp turuşu üçün, bul jüzüm sabagı öz tamırları menen aga tartılıp, aga özünün butaktarın jaydı.

⁸Al butaktarın jayıp, jemiş beriş üçün, eŋ sonun jüzüm sabagı boluş üçün, jakşı talaaga, çoŋ suunun boyuna oturguzulgan ele”.

⁹Alarga mınday de: Kuday-Teŋir mınday deyt: “Al iygilikke jetebi? Anın tamırların julup salışpaybı? Anın jemişterin üzüp alışpaybı? Oşondo al kuurap kalbaybı? Andan ösüp çıkkan jaş butaktardın baarı kuurap kalat. Anı köp küç jumşabay ele, köp kişinin jardamısız ele tüp-tamırı menen julup salışat.

¹⁰Al oturguzuldu, birok iygilik bolobu? Al çıgış şamalı sogoru menen kuurap kalbaybı? Al özü öskön jööktö kuurap kalat”».

¹¹Anan maga Teŋirden söz boldu:

¹²«Kozgoloŋçul tukumga mınday de: “Munun maanisi emnede ekenin bilbeysiŋerbi?” Alarga mınday de: “Babıl padışası İerusalimge kelip, anın padışası menen törölörün özünün jerine, Babılga, alıp ketti.

¹³Padışa tukumunan bir kişini alıp, anı menen kelişim tüzüp, andan ubada aldı. Anan özü menen koşo al jerdin küçtüülörün alıp ketti.

¹⁴Padışaçılık moyun sunuşu üçün, baş kötörböşü üçün, kelişim saktalıp, buzulbay turuşu üçün oşentti.

¹⁵Birok al Misirge öz elçilerin jiberip, özünö at jana köp adam surap, Babıl padışasına karşı çıktı. Al iygilikke jetebi? Munu kılgan adam özü tirüü kalabı? Al kelişimdi buzdu, emi al tirüü kalabı?

¹⁶Men tirüümün! – deyt Kuday-Teŋir. – Özün padışa kılıp koygon Babıl padışasının jerinde al özünün aga bergen antın jek körüp, anı menen tüzgön kelişimin buzdu. Al anın jeri, Babılda ölöt.

¹⁷Köp adam öltürülüşü üçün jal üyülüp, kurçoo munaraları kurulup kalganda, paraon özünün zor küçü menen, köp sandagan eli menen aga bul soguşta eç nerse kıla albayt.

¹⁸Kelişimdi buzuş üçün, al özü bergen anttı jek kördü. Al kolun berip, uşunun baarın kıldı, emi al tirüü kalbayt”».

¹⁹Oşonduktan Kuday-Teŋir mınday deyt: «Men tirüümün! Al jek körgön Menin antımdı, al buzgan Menin kelişimimdi Men anın öz başına buram.

²⁰Aga Öz torumdu jayam, al Menin toruma tüşöt. Anan anı Babılga alıp kelem. Maga işenimsiz bolgondugu üçün oşol jerde Men anı menen sottoşom.

²¹Al emi anın bardık koşuundarınan kaçkan kaçkındarının baarı kılıçtan ölöt, kalgandarı bolso tuş tarapka sapırılat. Oşondo siler munu Men, Teŋir, aytkanımdı bilesiŋer».

²²Kuday-Teŋir mınday deyt: «Men biyik kedrdin uçunan jaş butak alıp oturguzam. Anın jogorku butaktarınan jaş butak üzüp alıp, biyik jana daŋktuu toonun üstünö oturguzam.

²³Anı Israyıldın biyik toosuna oturguzam, oşondo al butak jayıp, mömö beret, eŋ sonun kedr bolot, anın tübünö ar kıl kuştar uyalaşat, anın butaktarının kölökösünö ar kıl kanattuular uyalaşat.

²⁴Oşondo bardık talaa daraktarı Menin Teŋir ekenimdi bilişet, Men biyik daraktı japız kılam, japız daraktı biyik kılam, kögörgön daraktı kuuratam, kuuragan daraktı güldötöm. Men Teŋirmin, aytkanımdı atkaram».