Read NT LS 2005 – Инжил ЛС (2005 Jezekiel 18 Bible Online

Jezekiel 18 - NT LS 2005 – Инжил ЛС (2005 bible

Jezekiel 18

¹Anan maga Teŋirden söz boldu:

²«Emne üçün siler Israyıl jerinde “Ata-babalar kıçkıl jüzüm jeşti, al emi baldardın tişi kamaldı” degen makaldı paydalanıp jatasıŋar?

³Men tirüümün! – deyt Kuday-Teŋir. – Mından arı bul makaldı Israyılda aytışpayt.

⁴Antkeni mına, büt adamdardın janı Meniki: atanın janı da, balanın janı da Meniki. Künöö kılgan jan ölöt.

⁵Kim adilet bolso, akıykattık jana adilettüülük boyunça iş kılsa,

⁶biyik jerlerde çalıngan kurmandıktan jebese, közün Israyıldın jasalma kudaylarına burbasa, öz jakınının ayalın bulgabasa, ayalına taza emestiginen tazalanıp jatkan uçurda jakındabasa,

⁷eç kimge kısım körsötpösö, karızdarı kaltırgan küröönü kayra berse, uuruluk kılbasa, açkaga öz nanın berse, jılaŋaçtı kiyim menen japsa,

⁸üstökkö berbese, aşıgı menen albasa, kolun mıyzamsızdık kıluudan tartsa, adam menen adamdın ortosundagı talaştı adilet çeçse,

⁹Menin mıyzamdarım menen jürsö, Menin buyruktarımdı çın jüröktön saktasa, anda al – adil adam, al sözsüz tirüü bolot, – deyt Kuday-Teŋir.

¹⁰Birok andan kan tökkön kılmışker uul törölsö, al atası kılbagan nerselerdi kılsa:

¹¹biyik jerlerde çalıngan kurmandıktan jese, öz jakınının ayalın bulgasa,

¹²jakır menen kedeydi kısımga alsa, zorduk menen tartıp alsa, küröögö algan nerseni kayra berbese, közün jasalma kudaylarga bursa, jiyirkeniçtüü nerse jasasa,

¹³üstök alsa, aşıgı menen alsa, anda al tirüü kalabı? Jok, al tirüü kalbayt. Uşunday jiyirkeniçtüü işterdin baarın jasagan adam sözsüz ölöt, anın kanı özünün başında.

¹⁴Birok andan uul törölsö, al atası kılıp jatkan künöölördün baarın körüp, anın kılganın kılbasa:

¹⁵biyik jerlerde çalıngan kurmandıktan jebese, közün Israyıldın jasalma kudaylarına burbasa, öz jakınının ayalın bulgabasa,

¹⁶adamdı kısımga albasa, küröö albasa, zorduk menen tartıp albasa, açkaga öz nanın berse, jılaŋaçtı kiyim menen japsa,

¹⁷kedeydi ıza kıluudan kolun tartsa, üstök albasa, aşıgı menen albasa, Menin buyruktarımdı atkarsa, Menin mıyzamdarım menen jürsö, anda al atasının mıyzamsızdıgı üçün ölböyt, al tirüü bolot.

¹⁸Al emi anın atası öz bir tuuganın katuu kısımga alganı üçün, tonogonu üçün, öz elinin arasında jaman işterdi kılganı üçün, mına, al oşol öz mıyzamsızdıgı üçün ölöt.

¹⁹Birok siler: “Emne üçün uulu öz atasının ayıbın tartpayt?” – deersiŋer. Uulu mıyzam boyunça jana adilettik boyunça jüröt, Menin mıyzamdarımdı saktayt, alardı atkarat, oşonduktan al tirüü bolot.

²⁰Künöö kılgan jan ölöt. Uulu atasının ayıbın tartpayt, atası uulunun ayıbın tartpayt, adil adamdın adildigi özü menen kalat, mıyzamsızdın mıyzamsızdıgı da özü menen kalat.

²¹Egerde mıyzamsız adam özü kılıp jürgön bardık künöölörünön burulsa, Menin mıyzamdarımdın bardıgın saktasa, mıyzam boyunça jana adilettik boyunça jürsö, tirüü bolot, ölböyt.

²²Anın kılgan bardık kılmıştarı eske alınbayt, al özünün adilettüülügü menen tirüü bolot.

²³Men mıyzamsızdın ölümün kaalabaym, – deyt Kuday-Teŋir, – teskerisinçe, anın öz jolunan burulup, tirüü kalışın kaalaym.

²⁴Egerde adil adam öz adildiginen baş tartıp, adiletsizdik kıla baştasa, mıyzamsız adam kılgan jiyirkeniçtüü işterdin baarın kılsa, al tirüü kalabı? Anın kılgan bardık jakşı işteri eske alınbayt. Al özünün kılgan mıyzamsızdıgı üçün, özünün ketirgen künöölörü üçün ölöt.

²⁵Birok siler: “Teŋirdin jolu tuura emes!” – dep aytıp jatasıŋar. Israyıl eli, uk! Menin jolum tuura emespi je silerdin joluŋar tuura emespi?

²⁶Eger adil adam öz adildiginen baş tartıp, mıyzamsızdık kılsa jana oşon üçün ölsö, anda al özünün kılgan mıyzamsızdıgı üçün ölöt.

²⁷Egerde mıyzamsız adam özü kılıp jürgön mıyzamsızdıgınan burulup, akıykattık jana adilettüülük boyunça iş kılsa, anda al öz janın ömürgö kayrıyt.

²⁸Antkeni al körüp, özü kılıp jürgön bardık kılmıştarınan buruldu. Al tirüü bolot, ölböyt.

²⁹Israyıl bolso: “Teŋirdin jolu tuura emes!” – dep jatat. Israyıl eli, Menin jolum tuura emespi je silerdin joluŋar tuura emespi?

³⁰Oşonduktan, Israyıl eli, Men silerdi, ar biriŋerdi joluŋarga jaraşa sottoym, – deyt Kuday-Teŋir. – Künööŋördü moynuŋarga alıp, Kudaydan keçirim suragıla, özüŋördün kılmıştarıŋar özüŋörgö toskool bolboş üçün, kılmıştarıŋardan burulgula.

³¹Özüŋör kılıp jürgön künöölördün baarınan baş tartkıla, özüŋörgö jaŋı jürök jana jaŋı ruh jaratkıla. Israyıl eli, silerge ölümdün keregi emne?

³²Antkeni Men ölüp bara jatkan adamdın ölümün kaalabaym, – deyt Kuday-Teŋir. – Burulgula, jaşagıla!