Read NT LS 2005 – Инжил ЛС (2005 Jezekiel 20 Bible Online

Jezekiel 20 - NT LS 2005 – Инжил ЛС (2005 bible

Jezekiel 20

¹Jetinçi jılı, beşinçi aydın onunçu künü Israyıl aksakaldarının içinen bir neçe kişi Teŋirdin erkin suraganı kelişip, menin bet aldıma oturuştu.

²Oşondo maga Teŋirden söz boldu:

³«Adam uulu! Israyıl aksakaldarı menen süylöş, alarga ayt: Kuday-Teŋir mınday deyt: “Siler Menin erkimdi suraganı keldiŋerbi? Men tirüümün, silerge joop berbeym”, – deyt Kuday-Teŋir.

⁴Adam uulu, alar menen sottoşkuŋ kelebi? Alar menen sottoşkuŋ kelebi? Alarga ata-babalarının jiyirkeniçtüü işterin ayt.

⁵Alarga mınday de: Kuday-Teŋir mınday deyt: “Men Israyıldı tandap algan künü Öz kolumdu kötörüp, Jakıp tukumuna ant berdim. Alarga Misir jerinde açılıp berdim, kolumdu kötörüp, alarga: «Men silerdin Kuday-Teŋiriŋermin!» – dedim.

⁶Oşol künü Men kolumdu kötörüp, alardı Misir jerinen alıp çıgıp, alar üçün karaştırgan, jerdin asılı bolgon, bal menen süt akkan jerge alıp baram dep ant berdim.

⁷Men alarga: «Ar biriŋer köz aldıŋarda turgan jiyirkeniçterdi çetke kakkıla, özüŋördü Misirdin jasalma kudayları menen bulgabagıla. Men silerdin Kuday-Teŋiriŋermin!» – dedim.

⁸Birok alar Maga karşı kozgoloŋ çıgarışıp, Meni ukkuları kelgen jok. Eç kim köz aldında turgan jiyirkeniçterden baş tartkan jok, Misirdin jasalma kudayların taştagan jok. Oşondo Men: «Alarga Men Öz kaarımdı tögöm, Misir jerinde alarga karşı Özümdün açuumdu ayagına çıgaram», – dedim.

⁹Birok Men Öz ısımım üçün antken jokmun. Antkeni Israyıl uuldarı kaysı elderdin arasında jaşap jatsa, oşol elderdin aldında, alardı Misir jerinen alıp çıgış üçün, Özümdü alarga kaysı elderdin köz aldında açıp bersem, oşol elderdin aldında Öz ısımım bulganbasın dedim.

¹⁰Men alardı Misir jerinen alıp çıgıp, çölgö alıp keldim.

¹¹Alarga Özümdün osuyattarımdı berdim, Özümdün mıyzamdarımdı jarıya kıldım, alardı atkargan adam alar arkıluu tirüü kalmak.

¹²Oşondoy ele Men alarga Özümdün işembilerimdi berdim, alardı Meni menen alardın ortosundagı belgi boluş üçün, alardı ıyık kılgan Teŋir Men ekenimdi bilişsin üçün berdim.

¹³Birok Israyıl eli çöldö Maga karşı kozgoloŋ çıgardı. Menin osuyattarım boyunça jürüşkön jok, Menin mıyzamdarımdan baş tartıştı, alardı atkargan adam alar arkıluu tirüü kalmak. Menin işembilerimdi ıyık tutuşkan jok. Oşondo Men: «Çöldö alardı kırış üçün, alardın üstünö Men Öz kaarımdı tögöm», – dedim.

¹⁴Birok Men Öz ısımım üçün alardı kırgan jokmun. Alardı kaysı elderdin köz aldında alıp çıksam, oşol elderdin aldında Özümdün ısımıma akarat kelbeşi üçün oşenttim.

¹⁵Atügül, Men Öz kolumdu alarga karşı kötörüp, Özüm belgilep koygon, büt jerdin asılı bolgon, bal menen süt akkan jerge alardı kirgizbeym dep, çöldö ant berdim.

¹⁶Antkeni alar Menin mıyzamdarımdan baş tartıştı, Menin osuyattarım boyunça jürüşkön jok, Menin işembilerimdi bulgaştı. Antkeni alardın jürögü jasalma kudaylarga umtulup kalgan ele.

¹⁷Birok Menin közüm alardı ayadı, oşonduktan alardı öltürgön jokmun, oşonduktan Men alardı çöldö taptakır kırıp salgan jokmun.

¹⁸Oşondo Men çöldö alardın uuldarına mınday dep ayttım: «Ata-babalarıŋardın kaada-salttarı menen jürbögülö, alardın körsötmölörün atkarbagıla, alardın jasalma kudayları menen özüŋördü bulgabagıla.

¹⁹Men silerdin Kuday-Teŋiriŋermin: Menin osuyattarım boyunça jürgülö, Menin mıyzamdarımdı saktagıla, alardı atkargıla.

²⁰Menin işembilerimdi ıyık saktagıla, alar Meni menen silerdin ortoŋordogu belgi bolsun, silerdin Kuday-Teŋiriŋer Men ekenimdi bilgile».

²¹Birok uuldarı da Maga karşı kozgoloŋ çıgarıştı: Menin osuyattarım boyunça jürüşkön jok, Menin mıyzamdarımdı saktaşkan jok, alardı atkargan adam tirüü kalmak, birok alar atkarışkan jok, Menin işembilerimdi ıyık tutuşkan jok. Oşondo Men: «Alardın üstünö Özümdün kaarımdı tögöm, çöldö alarga karşı Özümdün açuumdu büt tögöm», – dedim.

²²Birok Men kolumdu tartıp, Öz ısımım üçün, alardı kaysı elderdin köz aldında alıp çıksam, oşol elderdin aldında Özümdün ısımıma akarat kelbeş üçün, alardı kırgan jokmun.

²³Oşondoy ele Men çöldö Öz kolumdu kötörüp, alardı elderdin arasına çaçıp jiberem, jer-jerlerge taratıp jiberem dep ant berdim.

²⁴Antkeni alar Menin mıyzamdarımdı atkarışkan jok, Menin osuyattarımdan baş tartıştı, Menin işembilerimdi ıyık tutuşkan jok, alardın közdörü öz ata-babalarının jasalma kudaylarına buruldu.

²⁵Oşondo Men alarga jaman mıyzamdardı, alar arkıluu tirüü kaluuga bolboy turgan jaman buyruktardı berdim.

²⁶Alar ar bir tunguç balasın otko örttöy baştaşkanda, Men alarga özdörünün kurmandıktarı menen bulganuuga jol berdim, alardı kırış üçün oşenttim, Menin Teŋir ekenimdi bilişsin dedim”.

²⁷Adam uulu, oşonduktan Israyılga ayt: Kuday-Teŋir mınday deyt: “Ata-babalarıŋar Maga karşı jüzü karalık kılıp, dagı mına bular menen Maga akarat keltirişti:

²⁸Men alardı kolumdu kötörüp ant bergen jerge alıp keldim, alar bolso özdörünö ar kanday biyik jerlerdi, ar kanday butaktuu daraktardı tandap alışıp, oşol jerlerge özdörünün kurmandıktarın çala baştaştı, oşol jerlerge Meni kaardantkan kurmandıktarın, jıpar jıttuu zattarın koyuştu, oşol jerlerde kuyuluuçu kurmandıktarın kuyuştu.

²⁹Oşondo Men alardan: «Siler barıp jürgön emne degen biyik jer?» – dep suradım. (Anın atı uşul küngö çeyin Bama dep atalat.)”

³⁰Oşonduktan Israyılga ayt: Kuday-Teŋir mınday deyt: “Siler öz ata-babalarıŋardı tuurap, özüŋördü bulgap jatkan joksuŋarbı, alardın jiyirkeniçterinin artınan eerçip, buzuktuk kılıp jatkan joksuŋarbı?

³¹Tartuularıŋardı alıp kelip, uuldarıŋardı otko örttöp, jasalma kudaylarıŋar menen özüŋördü uşul küngö çeyin bulgap jatasıŋar. Oşondon kiyin, Israyıl eli, Menden suragıŋar kelip jatabı? Men tirüümün, silerge joop berbeym, – deyt Kuday-Teŋir.

³²Oylogon oyuŋar, «Biz butparas elderge, çet jerlik uruularga okşop, taş menen jıgaçka kızmat kılabız» degen sözüŋör ordunan çıkpayt.

³³Men tirüümün, – deyt Kuday-Teŋir, – küçtüü kolum menen, sunulgan karuu-bulçuŋum menen, tögülgön kaarım menen silerdin üstüŋördön padışaçılık kılam.

³⁴Men silerdi kaysı elderdin arasına çaçıp jibersem, oşol elderdin arasınan, kaysı ölkölörgö çaçıp jibersem, oşol ölkölördön alıp çıgıp, küçtüü kolum menen, sunulgan karuu-bulçuŋum menen, tögülgön kaarım menen çogultam.

³⁵Silerdi elderdin çölünö alıp kelem, oşol jerde siler menen betme-bet sottoşom.

³⁶Misir jerindegi çöldö Men silerdin ata-babalarıŋar menen kanday sottoşsom, siler menen da oşondoy sottoşom, – deyt Kuday-Teŋir.

³⁷Silerdi tayak astınan ötkörüp, kelişim birdigine kirgizem.

³⁸Silerdin araŋardan kozgoloŋçulardı jana Maga moyun sunbagandardı bölöm. Alardı jaşap jatkan jerinen çıgaram, birok alar Israyıl jerine kirişpeyt. Oşondo Menin Teŋir ekenimdi bilesiŋer.

³⁹Siler bolso, Israyıl, – Kuday-Teŋir mınday deyt, – egerde Meni ukpasaŋar, ar kimiŋer özüŋördün jasalma kudaylarıŋarga bargıla da, oşolorgo kızmat kılgıla, mından kiyin Menin ıyık ısımımdı özüŋördün kurmandıktarıŋar menen, jasalma kudaylarıŋar menen bulgabagıla.

⁴⁰Antkeni Menin ıyık toomdo, Israyıldın biyik toosunda, – deyt Kuday-Teŋir, – oşol jerde büt Israyıl, alar jer üstündö kança bolso, oşonun baarı Maga kızmat kılışat, oşol jerde Men alardı ırayım menen kabıl alam, oşol jerde Men silerdin kurmandıktarıŋardı, birinçi tüşümüŋördü ıyık nerseleriŋer menen koşo talap kılam.

⁴¹Silerdi elderdin arasınan alıp çıkkandan kiyin, silerdi kaysı ölkölörgö çaçıp jibersem, oşol ölkölördön çogultup algandan kiyin, silerdi jıpar jıttuu zat katarı kabıl alam. Siler arkıluu başka elderge ıyıktıgımdı körsötöm.

⁴²Men Öz kolumdu kötörüp, ata-babalarıŋarga berem dep ant bergen jerge, Israyıl jerine, silerdi kirgizgende, Menin Teŋir ekenimdi bilesiŋer.

⁴³Oşol jerde siler özüŋördün joldoruŋardı, silerdi bulgagan bardık işteriŋerdi esteysiŋer. Oşondo özüŋördün kıyanat işteriŋer üçün özüŋördön özüŋör jiyirkenesiŋer.

⁴⁴Israyıl eli, Men silerge mıyzamsız joldoruŋarga jaraşa emes, buzuku işteriŋerge jaraşa emes, Öz ısımım üçün uşunday kılganda, Menin Teŋir ekenimdi bilesiŋer”», – deyt Kuday-Teŋir.

⁴⁵Oşondo maga Teŋirden söz boldu:

⁴⁶«Adam uulu! Jüzüŋdü tüştükkö karay burup, tüştükkö karşı söz ayt jana tüştük talaasındagı tokoygo karşı paygambarçılık kıl.

⁴⁷Tüştük tokoyuna ayt: “Teŋirdin sözün uk. Kuday-Teŋir mınday deyt: «Men senin içiŋe ot koёm, al sendegi ar kanday kögörgön daraktı da, ar kanday kuuragan daraktı da jalmayt. Aloolongon ot öçpöyt, al ot tüştüktön tartıp tündükkö çeyin baarın küygüzöt».

⁴⁸Oşondo ar bir adam al ottu Men, Teŋir, küygüzgönümdü köröt, al ot öçpöyt”».

⁴⁹Oşondo men: «Oo Kuday-Teŋir! Alar men tuuraluu: “Al misal keltirip jatkan jokpu?” – dep jatışat», – dedim.