Read NT LS 2005 – Инжил ЛС (2005 Jezekiel 22 Bible Online

Jezekiel 22 - NT LS 2005 – Инжил ЛС (2005 bible

Jezekiel 22

¹Anan maga Teŋirden söz boldu:

²«Adam uulu, sen sottoguŋ kelebi, kanduu şaardı sottoguŋ kelebi? Aga anın bardık jiyirkeniçtüü işterin ayt.

³Aga ayt: Kuday-Teŋir mınday deyt: “Oo, öz mezgili kelişi üçün, öz içinde kan tökkön şaar, özün bulgaş üçün, jasalma kudaylardı jasagan şaar!

⁴Sen özüŋ tökkön kan menen özüŋdü künöölüü kıldıŋ, özüŋ jasagan jasalma kudaylar menen özüŋdü bulgadıŋ, özüŋdün kündörüŋdü jakındattıŋ, jazalana turgan jılıŋa jettiŋ. Oşon üçün seni büt elderdin, büt ölkölördün koluna salıp berem, alar seni kordoşot, şıldıŋ kılışat.

⁵Saga jakın turgandar da, senden alıs turgandar da seni şıldıŋdaşat, özünün ısımın bulgagan, kan tögüü menen atagı çıkkan şaar.

⁶Senin içiŋde öz küçünö jaraşa kan tökkön Israyıldın başçıları bolgon.

⁷Sende atası menen enesine til tiygizişet, senin içiŋde kelginderdi ıza kılışat, sende jetim menen jesirdi kısımga alışat.

⁸Menin ıyık jayımdı jek körösüŋ, işembilerimdi ıyık tutpaysıŋ.

⁹Kan tögüş üçün, sende jalaa jabuuçular bar, senin tooloruŋda jasalma kudaylarga çalıngan kurmandıktardı jeşet, senin içiŋde ıpılas işterdi kılışat.

¹⁰Sende atasının jılaŋaç etin açışat, sende ayalın tazalanıp jatkan ubagında zorduktaşat.

¹¹Biri öz jakınının ayalı menen jiyirkeniçtüü iş kılat, biri öz kelinin bulgayt, biri öz atasının kızın, öz karındaşın zorduktayt.

¹²Kan tögüü üçün, senin içiŋde para alışat. Sen üstök alış üçün beresiŋ, aşıgı menen alasıŋ, jakınıŋdan zorduk menen payda tabasıŋ, Meni bolso unutup koyduŋ, – deyt Kuday-Teŋir.

¹³Men sende bolup jatkan aç közdük üçün, senin içiŋde bolup jatkan kan tögüü üçün kolumdu serpip jiberdim.

¹⁴Men saga karşı çıkkan kündörü jürögüŋ turuştuk bere alar beken, koldoruŋ bekem bolor beken? Men, Teŋir, aytkanımdı jasaym.

¹⁵Seni elderdin arasına çaçıp jiberem, jer-jerlerge sapırıp jiberem, oşentip, senin içiŋdegi jiyirkeniçteriŋdi jok kılam.

¹⁶Elderdin aldında sen özüŋdü özüŋ jek köründü kılasıŋ, oşondo Menin Teŋir ekenimdi bilesiŋ”».

¹⁷Anan maga Teŋirden söz boldu:

¹⁸«Adam uulu! Men üçün Israyıl tukumu şirendi bolup kaldı. Alardın baarı – meştin içindegi kalay, jez, temir jana korgoşun, alar kümüştün şirendisi bolup kalıştı.

¹⁹Oşonduktan Kuday-Teŋir mınday deyt: “Baarıŋar şirendi bolup kalganıŋar üçün Men silerdi İerusalimge çogultam.

²⁰Meşke kümüştü, jezdi, temirdi, korgoşundu jana kalaydı kanday çoguu salışsa, ot üylöp, kanday eritişse, Men da silerdi Özümdün kaarım menen, açuum menen çogultup, meşke salıp eritem.

²¹Silerdi çogultup turup, üstüŋörgö Özümdün kaarımdın otun üylöym, oşondo siler oşol ottun içinde eriysiŋer.

²²Meştin içinde kümüş kanday erise, siler da ottun içinde oşondoy eriysiŋer. Oşondo silerge Öz kaarımdı çaçkan Men, Teŋir, ekenimdi bilesiŋer”».

²³Anan maga Teŋirden söz boldu:

²⁴«Adam uulu! Aga ayt: “Sen tazalanbagan jersiŋ, Men kaarımdı tökkön künü jamgır menen sugarılbay kalgan jersiŋ!”

²⁵Anın içindegi anın paygambarlarının uyumu özünün oljosun tıtkılagan, aykırgan arstanday. Alar adamdardı jeşet, mal-mülktü, kımbat baaluu buyum-tayımdardı talap-tonoşot, jesirlerdin sanın köböytüşöt.

²⁶Anın ıyık kızmat kıluuçuları Menin mıyzamımdı buzup jatışat, Menin ıyık jaylarımdı bulgap jatışat, ıyıktı ıyık emesten ayırmalaşpayt, taza menen taza emestin ayırmasın körsötüşpöyt, Menin işembilerime közdörün juump koyuşkan, alar Meni bark albay kalıştı.

²⁷Anın törölörü payda tabış üçün kan tökkön, kişi öltürgön, oljonu tıtkan karışkırlarday.

²⁸Anın paygambarları bolso baarın ılay menen şıbaşat, jok nerseni körüşöt, alarga aldın ala jalgandı aytışat, Teŋir aytpasa da, “Kuday-Teŋir mınday deyt”, – deşet.

²⁹Al emi karapayım adamdar biri-birin ezişet, jardı menen kedeydi talap-tonoşot, kısımga alışat, kelgindi adiletsiz ezişet.

³⁰Men bul jerdi kıyratpaş üçün, alardın içinen dubal kura turgan, Menin aldımda uşul jer üçün jarakada tura turgan adam izdedim, birok tapkan jokmun.

³¹Oşonduktan Men alarga kaarımdı tögöm, alardı Öz kaarımdın otu menen kıram, alardı joldoruna jaraşa jazalaym», – deyt Kuday-Teŋir.