Read NT LS 2005 – Инжил ЛС (2005 Jezekiel 24 Bible Online

Jezekiel 24 - NT LS 2005 – Инжил ЛС (2005 bible

Jezekiel 24

¹Toguzunçu jıldın onunçu ayının onunçu künü maga Teŋirden söz boldu:

²«Adam uulu! Uşul kündün atın, uşul kündün özün jazıp al: tak uşul künü Babıl padışası İerusalimge kelet.

³Kozgoloŋçul tukumga ülgü-nasaat ayt, alarga Kuday-Teŋir mınday deyt: “Kazan asıp, aga suu kuy.

⁴Aga jiliktep bölüngön etterdi sal, ettin eŋ jakşısın: jambaştı jana dalını sal, anı tandalgan sööktörgö toltur.

⁵Tandalgan koylordon al, kazandın astına ot jak, kazandagı sööktör etinen şılınıp bışkança kaynat”.

⁶Oşonduktan Kuday-Teŋir mınday deyt: “Kanduu şaarga kaygı! İçinde datı bar kazanga, datı ketpegen kazanga kaygı! Ökçömö taş ırgıtpastan, andan jilik artınan jilik ırgıtkıla.

⁷Antkeni anın kanı öz içinde. Al anı jılaŋaç askada kaltırdı. Topurak basıp kalbaş üçün, anı jerge tökkön jok.

⁸Öç alış üçün kaardı kozgosun dep, topurak basıp kalbasın dep, Men anın kanın jılaŋaç askaga kaltırdım”.

⁹Oşonduktan Kuday-Teŋir mınday deyt: “Kanduu şaarga kaygı! Men da çoŋ ot jagam.

¹⁰Otun sala tüş, ot jak, etti ezilte bışır. Şorpo soolup, sööktör küyüp ketsin.

¹¹Kazan boşogondo, anı çokko koy, al kızarıp küysün, anın jezi abdan kızısın, içindegi taza emestigi erisin, anın büt datı ketsin.

¹²Jumuş oor bolot, birok anın kalıŋ datı ketpeyt, anın datı otto da ketpeyt.

¹³Senin taza emestigiŋ uşunçalık jiyirkeniçtüü bolgonduktan, Men seni kança tazalasam da, sen baarı bir taza emessiŋ. Men Özümdün saga bolgon kaarımdı kandırmayınça, sen mından arı da özüŋdün taza emestigiŋden tazalanbaysıŋ.

¹⁴Men Teŋirmin, Men aytıp jatam: Al kelet, Men anı jasaym. Jasabay koyboym, ayabaym, ırayım kılbaym. Seni joldoruŋa jaraşa, işteriŋe jaraşa sottoşot”», – deyt Kuday-Teŋir.

¹⁵Anan maga Teŋirden söz boldu:

¹⁶«Adam uulu! Men senin közüŋdün ırakatın oorutup, kütülbögön jerden alıp ketem. Birok sen kaygırba, ıylaba, közüŋdön jaş çıkpasın.

¹⁷Inüŋdü çıgarbay onto, ölgöndördü joktop aza kütpö, birok başıŋdı taŋıp al, butuŋa but kiyim kiy, sakalıŋdı jappa, başkalardın kolunan nan jebe».

¹⁸Men erteŋ menen elge söz aytkandan kiyin, keçinde ayalım öldü. Ertesi erteŋ menen maga kanday buyrulsa, oşondoy kıldım.

¹⁹Oşondo el maga: «Sen kılıp jatkandın biz üçün kanday maanisi bar ekenin aytıp berbeysiŋbi?» – deşti.

²⁰Men alarga mınday dep ayttım: «Maga Teŋirden söz boldu:

²¹“Israyılga ayt: Kuday-Teŋir mınday deyt: «Silerdin küçüŋördün tayanıçı bolgon, silerdin közüŋördün ırakatı bolgon, silerdin janıŋardın kubanıçı bolgon Özümdün ıyık jayımdı maskaraloogo berem, siler taştap ketken uuldarıŋar menen kızdarıŋar bolso kılıçtan ölüşöt»”.

²²Oşondo men kılgandı siler da kılasıŋar. Sakalıŋardı jappaysıŋar, başkalardın kolunan nan jebeysiŋer.

²³Başıŋar taŋıluu bolot, butuŋarda but kiyimiŋer bolot. Kaygırbaysıŋar, ıylabaysıŋar, birok künööŋördün azabınan sooluysuŋar, biri-biriŋerdin aldıŋarda üşkürösüŋör».

²⁴«Oşentip, Jezekiel silerge belgi bolot: al kılgandın baarın siler da kılasıŋar. Bul jüzögö aşkanda, siler Menin Kuday-Teŋir ekenimdi bilesiŋer.

²⁵Saga bolso, adam uulu, Men alardın daŋkının jasalgasın, közdörünün ırakatın, jandarının kubanıçın, uuldarı menen kızdarın tartıp algan künü,

²⁶oşol künü kaçıp kutulgan bir adam saga kabar beriş üçün kelet.

²⁷Kaçıp kutulgan adam kelgen künü senin oozuŋ açılat, sen süylöy baştaysıŋ, oşondon kiyin unçukpas bolboysuŋ, alar üçün jışaan bolosuŋ, oşondo alar Menin Teŋir ekenimdi bilişet».