Read NT LS 2005 – Инжил ЛС (2005 Jezekiel 27 Bible Online

Jezekiel 27 - NT LS 2005 – Инжил ЛС (2005 bible

Jezekiel 27

¹Anan maga Teŋirden söz boldu:

²«Sen da, adam uulu, Tir üçün ıyla.

³Deŋiz buluŋdarıŋda jaylanışkan, köp araldardagı elder menen sooda jürgüzgön Tirge ayt: Kuday-Teŋir mınday deyt: “Tir! Sen: «Men suluuluktun jetken çegimin!» – deysiŋ.

⁴Senin çek aralarıŋ deŋizderdin jürögündö. Kuruuçularıŋ senin suluuluguŋdu jetkileŋdikke jetkirişken:

⁵Senin büt taktalarıŋdı Senirdin kiparis jıgaçınan jasaşkan. Saga mamılardı jasaş üçün, Lebanondon kedr alışkan.

⁶Kalaktarıŋdı Başandın emen jıgaçınan jasaşkan. Oturguçtarıŋdı buk jıgaçınan jasaşkan, alardın alkaktarın Kitim araldarınan alınıp kelingen pil söögünön jasaşkan.

⁷Parustarıŋ Misirdin güldüü zıgır kezdemesinen jasaldı, alar saga jelek katarı boldu, jabuularıŋ Elişa araldarının kök jana koçkul kızıl tüstögü kezdemelerinen boldu.

⁸Sidon menen Arbat turgundarı kalakçılarıŋ boldu. Tir, sende akılman adamdar bar ele. Alar senin keme başkaruuçularıŋ boldu.

⁹Gebaldın aksakaldarı menen akılmandarı senin kemeleriŋdin teşikterin bütööçülör ele. Deŋizdegi bardık kemeler jana keme aydooçular arkıluu senin soodaŋ jürüp turgan.

¹⁰Senin askerleriŋdin arasında persiyalıktar, luttuktar, puttuktar bar ele, alar senin jookerleriŋ ele. Alar saga kalkan jana tuulga ilişçü, saga alar körk berip turçu.

¹¹Arbat uuldarı menen senin askerleriŋ dubaldarıŋdın üstünö tegerete turuşçu, gamdıktar senin munaraŋdın üstündö turuşçu. Alar senin dubaldarıŋdı aylanta öz saadaktarın ilişçü, alar senin suluuluguŋdu çegine jetkirişti.

¹²Ar kanday baylıktın moldugunan Tarşış seni menen sooda jürgüzçü. Senin tobarlarıŋa kümüş, temir, kalay, korgoşun berişçü.

¹³Jaban, Tubal jana Meşeh seni menen sooda jürgüzüp, senin tobarlarıŋa adamdar menen jez idişterdi almaşışçu.

¹⁴Togarma üyünön senin tobarlarıŋdın orduna jılkılardı, mingi attardı, kaçırlardı berişçü.

¹⁵Seni menen Dıdan uuldarı sooda jürgüzçü. Köp araldar seni menen tobar almaşıp turçu. Pil söögün jana kara jıgaçtı saga tölöm kılıp jiberip turuşçu.

¹⁶Sen köp nerselerdi öndürüp çıgargandıktan, seni menen arameylikter sooda jürgüzçü. Alar senin tobarlarıŋdın orduna zımırıt, koçkul kızıl kezdeme, saymaluu kezdeme, zıgır kezdeme, marjan, laal berişçü.

¹⁷Seni menen Israyıl jeri jana Jüyüt aymagı sooda-satık jürgüzçü. Senin tobarlarıŋdın orduna Minit buudayın, bal, tattuu nerselerdi, jıgaç mayın, balzam berişçü.

¹⁸Sen köp nerselerdi öndürüp çıgargandıktan, ar kanday baylıgıŋ mol bolgonduktan, Damask seni menen sooda jürgüzüp, senin tobarlarıŋdın orduna Helbon şarabın jana ak jün berçü.

¹⁹Bedan menen Jaban senin tobarlarıŋdın orduna jip berişçü; senin tobarlarıŋa iştetilgen temir, koritsa jana jıpar jıttuu kamış almaşıp turuşçu.

²⁰Dıdan seni menen at üstünö jabıluuçu kımbat baaluu at jabuuları menen sooda kılçu.

²¹Arabiya jana Keydardın bardık törölörü seni menen tobar almaşıp turuşçu: senin tobarlarıŋa kozulardı, koylordu jana eçki-tekelerdi almaşışçu.

²²Şeba menen Ramanın köpöstörü senin tobarlarıŋa ar kanday jıpar jıttuu zattardı, ar kıl asıl taştardı jana altın berişçü.

²³Seni menen Haran, Kaney, Eden jana Şeba köpöstörü, Aşur jana Kilmat sooda jürgüzüp turçu.

²⁴Alar seni menen kımbat baaluu kiyimder menen, jibek jana saymaluu kezdemeler menen sooda kılıp turuşçu. Alardı senin bazarlarıŋa kedr jıgaçınan jasalgan sandıktarga salıp, jakşılap taŋıp alıp kelişçü.

²⁵Tarşış kemeleri senin soodaŋ üçün saga kerben bolup turuşkan. Oşentip, sen deŋiz ortosunda bay jana ataktuu bolup kaldıŋ.

²⁶Kalakçılarıŋ seni çoŋ suularga alıp kirişti, birok çıgış şamalı seni deŋizderdin ortosunda talkaladı.

²⁷Senin baylıgıŋ da, tobarlarıŋ da, saktooçu kampalarıŋ da, keme aydooçularıŋ da, keme başkaruuçularıŋ da, keme teşikterin bütööçülörüŋ da, soodaŋdı başkaruuçularıŋ da, jookerleriŋ da, köp sandagan eliŋ da sen kulagan künü seni menen koşo deŋiz tübünö tüşöt.

²⁸Senin keme başkaruuçularıŋdın ökürügünön tegerektegiler solkuldayt.

²⁹Kalakçılar, keme aydooçular, keme başkaruuçular öz kemelerinen tüşüp, jerde turuşat.

³⁰Seni joktop katuu kıykırışat, baştarına kül çaçıp, topurakka oonap, katuu ontoşot.

³¹Seni joktop, çaçtarın takırayta kırdırışat, belderine zumbal kurçanışat, seni joktop, jandarı keyip, öksüp ıylaşat.

³²Seni joktop kaygırıp, mintip koşok koşup ıylaşat: «Deŋizdin ortosunda Tirge okşop kıyragan şaar barbı?!»

³³Deŋizderden tobarlarıŋ kelip turganda, sen köp elderdi toyguzçu eleŋ. Mol baylıgıŋ menen, soodaŋ menen jerdegi padışalardı bayıtıp turçu eleŋ.

³⁴Emi seni deŋizder talkaladı, tobarlarıŋ jana içiŋdegi köp sandagan eliŋ aylampaga çöktü.

³⁵Sen jönündö ukkanda, araldarda jaşagandardın baarının üröyü uçtu, alardın padışaları titirep, öŋdörü buzuldu.

³⁶Başka elderdin soodagerleri sen jönündö ışkırıştı. Sen korkunuçka aylandıŋ, emi sen tübölükkö jok bolosuŋ”».