Read NT LS 2005 – Инжил ЛС (2005 Jezekiel 28 Bible Online

Jezekiel 28 - NT LS 2005 – Инжил ЛС (2005 bible

Jezekiel 28

¹Anan maga Teŋirden söz boldu:

²«Adam uulu! Tirdin başkaruuçusuna ayt: Kuday-Teŋir mınday deyt: Jürögüŋ kötörülüp: “Men kudaymın, deŋizderdin ortosunda, kudaydın tagında oturam”, – dediŋ. Kuday emes, adam bolup turup, öz akılıŋdı Kudaydın akılına teŋediŋ.

³Sen Danielden da akılduusuŋ, eç bir sır senden jaşıruun emes.

⁴Sen özüŋdün daanışmandıgıŋ menen, özüŋdün akılıŋ menen baylıkka ee bolduŋ, özüŋdün kazınaŋa altın-kümüş jıyıp aldıŋ.

⁵Sooda işiŋdegi uluu akılmandıgıŋ menen baylıgıŋdı köböyttüŋ, baylıgıŋ menen jürögüŋ tekeberdendi.

⁶Oşon üçün Kuday-Teŋir mınday deyt: Sen öz akılıŋdı Kudaydın akılına teŋegendigiŋ üçün,

⁷mına, Men saga karşı büt elderdin içinen eŋ kataal bolgon çet jerlikterdi alıp kelem. Alar senin keremet akılmandıgıŋa karşı kılıçtarın kınınan suuruşat, senin suluuluguŋdu bulgaşat.

⁸Seni körgö kirgizişet, sen deŋizderdin jürögündö öltürülgöndördün ölümü menen ölösüŋ.

⁹Oşondo özüŋdün öltürüüçüŋdün aldında: «Men kudaymın», – demek beleŋ? Sen jaradar kıluuçunun kolunda kuday emessiŋ, adamsıŋ.

¹⁰Sen çet jerlikterdin kolunan sünnötkö oturguzulbagandardın ölümü menen ölösüŋ, antkeni munu Men ayttım”», – deyt Kuday-Teŋir.

¹¹Anan maga Teŋirden söz boldu:

¹²«Adam uulu! Tir padışası üçün ıyla, aga ayt: Kuday-Teŋir mınday deyt: “Sen jetkileŋdiktin möörüsüŋ, akılmandıktın toluktugusuŋ, suluuluktun taajısısıŋ.

¹³Sen Eydende, Kudaydın bagında, bolçusuŋ. Senin kiyimderiŋ ar kanday asıl taştar menen: laal, topaz, almaz, hrizolit, agat, yaşma, sappir, kızıl jakut, zımırıt menen jana altın menen jasalgalangan ele. Dap menen çoordu mıktı oynogondor sende bolçu, alar sen jaralgan künü dayardalgan ele.

¹⁴Sen kalkaloo üçün maylangan kerup eleŋ, Men seni oşon üçün koygom. Sen Kudaydın ıyık toosunda bolçusuŋ, ottuu taştardın arasında basıp jürçüsüŋ.

¹⁵Senden mıyzamsızdık tabılganga çeyin, sen jaralgan künüŋdön beri öz joluŋda jetkileŋ eleŋ.

¹⁶Senin soodaŋ keŋiri jayılgandıktan, içiŋ jalgandıkka toldu, sen künöögö battıŋ. Men seni taza emes katarı Kudaydın toosunan kulattım, kalkalap turgan kerup, seni ottuu taştardın arasınan kuup jiberdim.

¹⁷Suluuluguŋdan jürögüŋ tekeberdendi. Menmensingendigiŋ akılmandıgıŋdan ajırattı. Men seni jerge kulattım, padışalardın aldında maskara boluuga berdim.

¹⁸Sen özüŋdün köp sandagan mıyzamsız işteriŋ menen, jalgan jol menen jürgüzgön soodaŋ menen özüŋdün ıyık jaylarıŋdı bulgadıŋ. Men senin öz çöyröŋdön ot çıgardım, al seni jalmadı. Seni körüp turgandardın köz aldında Men seni jer üstündö külgö aylanttım.

¹⁹Elder arasındagı seni bilgenderdin baarı saga taŋ kalıştı. Seni körgöndördün üröyü uçtu. Sen tübölükkö jok bolosuŋ”».

²⁰Anan maga Teŋirden söz boldu:

²¹«Adam uulu! Jüzüŋdü Sidongo burup, aga karşı paygambarçılık kıl.

²²Mınday dep ayt: “Sidon, Men saga karşımın, Men senin içiŋde daŋktalam. Men anı jazalaganda, Menin Teŋir ekenimdi bilişet, anın içinde ıyık bolom.

²³Anın içine juguştuu ooru jiberem, köçölörünö kan tögüü jiberem, ar taraptan kelgen kılıçtan ölgöndör anın içinde kulaşat, oşondo Menin Teŋir ekenimdi bilişet.

²⁴Oşondon kiyin Israyıl üçün anın tegeregindegilerdin, anı jek körgöndördün arasında tikenektüü jıgaç jana oorutkan çöŋör bolboyt. Oşondo Menin Kuday-Teŋir ekenimdi bilişet”.

²⁵Kuday-Teŋir mınday deyt: “Men elderdin arasına çaçılgan Israyıldı jıynagandan kiyin, başka uruulardın köz aldında, alardın içinde Öz ıyıktıgımdı körsötöm, oşondo alar Men Öz kulum Jakıpka bergen özdörünün jerinde jaşaşat.

²⁶Alar oşol jerde koopsuz jaşaşat, üy kuruşat, jüzümdük oturguzuşat, Men alardın tegeregindegilerdin içinen alardı jek körgöndördün baarın jazalagandan kiyin, alar koopsuz jaşaşat. Oşondo Men alardın Kuday-Teŋiri ekenimdi bilişet”».