Read NT LS 2005 – Инжил ЛС (2005 Jezekiel 30 Bible Online

Jezekiel 30 - NT LS 2005 – Инжил ЛС (2005 bible

Jezekiel 30

¹Anan maga Teŋirden söz boldu:

²«Adam uulu! Paygambarçılık kılıp ayt: Kuday-Teŋir mınday deyt: “Iylagıla! Kaygıluu kün kele jatat!

³Antkeni al kün jakındap kaldı! Teŋirdin künü – kaygıluu kün jakın kaldı. Elderdi jazaloo künü kele jatat.

⁴Misirge kılıç kele jatat, Misirde öltürülgöndör kulaganda, anın baylıktarı alınıp ketkende, anın negizderi kıyraganda, Etiopiyanı korkunuç kaptayt.

⁵Alar menen koşo Etiopiya da, Put da, Lut da, ar koşkon elder da, Hup da, alar menen kelişim tüzgön ölkölördün uuldarı da kılıçtan ölüşöt”.

⁶Teŋir mınday deyt: “Misirdin tirööçtörü kulayt, anın küç-kubatının sıymıgı tömön tüşöt. Migdoldon tartıp Sebeyneyge çeyin jaşagandar kılıçtan ölüşöt, – deyt Kuday-Teŋir.

⁷Al kıyragan jerlerdin arasında een kalat, anın şaarları kıyragan şaarlardın arasında kalat.

⁸Misirge ot jibergende, anın bardık tirööçtörü kıyratılganda, Menin Teŋir ekenimdi bilişet.

⁹Beykapar jatkan etiopiyalıktardı korkutuu üçün, oşol künü Menden kemeler menen kabarçılar barışat, alardı, Misirge alaamat tüşkön kündögüdöy, korkunuç kaptayt, antkeni mına, al kün kele jatat”.

¹⁰Kuday-Teŋir mınday deyt: “Babıl padışası Nebuhadanasardın kolu menen köp eldüü Misirdin akırına çıgam.

¹¹Anı elderdin arasında eŋ kataal bolgon eli menen uşul jerdi kıyratış üçün alıp kelem. Alar Misirge karşı kılıçtarın kındarınan suurup, jerdi ölükkö tolturuşat.

¹²Darıyalardı kurgaktıkka aylandırıp, jerdi kataal adamdardın koluna berem, jerdi jana anda bolgondun bardıgın çet jerlikterdin kolu menen kıyratam. Munu Men, Teŋir, ayttım”.

¹³Kuday-Teŋir mınday deyt: “Burkandardı jok kılam, Noptogu jalgan kudaylardı talkalaym, mından arı Misir jerinen başçı çıkpayt, Misir jerine korkunuç kaptatam.

¹⁴Patrostu urandıga aylantam, Soanga ot jiberem, Nonu jazalaym.

¹⁵Misirdin sepili bolgon Singe Özümdün kaarımdı tögöm, Nonun köp sandagan elin jok kılam.

¹⁶Misirge ot jiberem. Sin titireyt, No urayt, duşmandar Nopko çak tüştö kol salışat.

¹⁷Aben menen Pi-Besettin jaş ulandarı kılıçtan ölüşöt, kalgandarı tutkundalıp ketet.

¹⁸Men Takpankeste Misirdin moyunturugun kıyratkandan kiyin, al jerde kün karaŋgılayt, al jerde anın küç-kubatının sıymıgı talkalanat. Anı bulut jabat, anın kızdarı tutkundalıp ketet.

¹⁹Men Misirdi uşintip jazalaym, oşondo Menin Teŋir ekenimdi bilişet”».

²⁰On birinçi jıldın birinçi ayının jetinçi künü maga Teŋirden söz boldu:

²¹«Adam uulu! Men Misir padışası paraondun karuu-bulçuŋun talkaladım. Al ayıgışı üçün dagı ele taŋıla elek, kılıç karmaganga küç alışı üçün, taŋgıçtar menen taŋıla elek».

²²Oşonduktan Kuday-Teŋir mınday deyt: «Men Misir padışası paraongo karşımın, anın soo karuu-bulçuŋun da, sıngan karuu-bulçuŋun da talkalaym, oşondo anın kolunan kılıçı tüşüp kalat.

²³Misirlikterdi elderdin arasına çaçam, jer-jerlerge sapıram.

²⁴Al emi Babıl padışasının karuu-bulçuŋdarın küçtüü kılam, anın koluna Özümdün kılıçımdı berem, paraondun karuu-bulçuŋdarın bolso kıyratam, oor jaradar bolgon adam kanday ontoso, al anın aldında oşondoy ontoyt.

²⁵Babıl padışasının karuu-bulçuŋdarın çıŋdaym, al emi paraondun karuu-bulçuŋdarı şaldayat. Men Özümdün kılıçımdı Babıl padışasının koluna bergende, al anı Misir jerine sunganda, Menin Teŋir ekenimdi bilişet.

²⁶Misirlikterdi elderdin arasına taratam, jer-jerlerge sapıram, oşondo Menin Teŋir ekenimdi bilişet».