Read NT LS 2005 – Инжил ЛС (2005 Jezekiel 32 Bible Online

Jezekiel 32 - NT LS 2005 – Инжил ЛС (2005 bible

Jezekiel 32

¹On ekinçi jıldın on ekinçi ayının birinçi künü maga Teŋirden söz boldu:

²«Adam uulu! Misir padışası paraon üçün ıyla, aga ayt: “Sen elderdin arasında jaş arstandaysıŋ, sen deŋizde jaşagan korkunuçtuu janıbarga okşop, özüŋdün darıyalarıŋdın içinde atırılasıŋ, suulardı buttarıŋ menen kozgoysuŋ, anın agın suuların ılaylatasıŋ”.

³Kuday-Teŋir mınday deyt: “Men saga köp elderdin jıyını menen Öz torumdu salam, alar seni Menin torum menen alıp çıgışat.

⁴Anan seni jerge ırgıtam, seni açık talaaga taştaym, oşondo saga ar kıl asman kanattuuları konot, jerdin büt jırtkıçtarı seni jep toyuşat.

⁵Senin etiŋdi toolorgo çaçam, örööndördü senin ölüktörüŋö tolturam.

⁶Özüŋ içinde süzüp jürgön jerdi toolorgo çeyin senin kanıŋ menen sugaram. Çuŋkurlar da seni menen tolot.

⁷Sen öçköndön kiyin, asmandı jabam, anın jıldızdarın tünörtöm, kündü bulut menen jabam, ay da özünün jarıgın berbey kalat.

⁸Asmanda jarık berip turgan bardık çıraktardı senin üstüŋö tünörtöm, senin jeriŋe karaŋgılık kaptatam, – deyt Kuday-Teŋir.

⁹Sen bilbegen jerlerge, elderdin arasına senin kulaşıŋ jönündö söz taratıp, köp elderdin jürögün kaygıga batıram.

¹⁰Sen arkıluu köptögön elderdi korkutam, Men alardın aldında kılıçımdı şiltegende, sen jönündö ugup, alardın padışalarının jüröktörün korkunuç basıp solk etet, sen kıyragan künü bardıgı öz jandarı üçün köz irmem sayın titirep turat”.

¹¹Antkeni Kuday-Teŋir mınday deyt: “Babıl padışasının kılıçı saga karşı kelet.

¹²Senin eliŋ küçtüülördün kılıçınan ölöt. Alardın bardıgı – elderdin eŋ kataalı, alar Misirdin sıymıgın jok kılışat, anın sansız eli kırılat.

¹³Anın çoŋ suulardın jeegindegi büt malın kıram, oşondon kiyin alardı adam butu ılaylatpayt, alardı mal tuyagı da ılaylatpayt.

¹⁴Oşondo alardın suularına tınçtık berem, alardın darıyaların may akkanday kılam, – deyt Kuday-Teŋir.

¹⁵Men Misir jerin çölgö aylandırganda, al jer özün tolturup turgandın baarınan ajıraganda, al jerde jaşagandardın baarın kırganımda, Menin Teŋir ekenimdi bilişet.

¹⁶Bul – ırdala turgan kaygıluu ır. Anı elderdin kızdarı ırdaşat. Al ırda Misir jönündö, anın köp sandagan eli jönündö ırdaşat”», – deyt Kuday-Teŋir.

¹⁷On ekinçi jıldın on ekinçi ayının on beşinçi künü maga Teŋirden söz boldu:

¹⁸«Adam uulu! Misir elin joktop ıyla, körgö kirgender menen koşo anı jana küçtüü elderdin kızdarın ölgöndör jatkan jayga tüşür.

¹⁹Sen kimden artıksıŋ? Tüş, sünnötkö oturguzulbagandar menen jat!

²⁰Alar kılıçtan ölgöndördün arasına kulaşat; al kılıçka berildi; anı da, anın köp sandagan elin da tartıp ketkile.

²¹Er jüröktördün eŋ küçtüülörü ölgöndör jatkan jayda al jönündö jana anın şerikteşteri jönündö: “Alar tömön tüşüştü, kılıçtan ölgön bul sünnötsüzdör oşol jerge jatıştı”, – deşet.

²²Aşur jana anın sansız askeri oşol jerde, alardın mürzölörü özdörünün tegereginde; bardıgı ölüşkön, kılıçtan kulaşkan.

²³Anın mürzölörü ölgöndör jatkan jaydın eŋ tüpkürünö koyulgan, anın askerleri özdörünün mürzölörünün tegereginde; bardıgı ölüşkön, kılıçtan kulaşkan; jer üstündögü tirüülörgö korkunuç kaptatkandar – oşolor.

²⁴Eylam özünün sansız askeri menen oşol jerde, öz kümbözünün tegereginde; alardın bardıgı – öltürülgöndör, kılıçtan kulagandar, sünnötkö oturguzulbagan boydon ölgöndör jatkan jayga tüşköndör, tirüülör jaşagan jerde korkunuç kaptatıp, özdörünün maskaralıgın körgö kirgender menen koşo ala ketkender.

²⁵Ölgöndördün jayınan aga jana anın büt askerine jatar jay berişti. Mürzölörü özünün tegereginde; alardın bardıgı – sünnötkö oturguzulbagandar, kılıçtan kırılgandar. Antkeni alar jer üstündögü tirüülörgö korkunuç kaptatışkan, körgö kirgender menen koşo özdörünün maskaralıgın ala ketişken. Al öltürülgöndördün arasına koyulgan.

²⁶Meşeh menen Tubal özdörünün büt askeri menen oşol jerde. Alardın mürzölörü özdörünün tegereginde; alardın bardıgı – sünnötkö oturguzulbagandar, kılıçtan kırılgandar, antkeni alar jer üstündögü tirüülörgö korkunuç kaptatışkan.

²⁷Alar sünnötsüzdördün ölgön küçtüülörü menen birge jatışpayt. Al küçtüülör özdörünün soguştuk kural-jaraktarı menen ölgöndör jatkan jayga tüşüp, kılıçtarın baştarına koyuşkan. Alardın mıyzamsızdıgı özdörünün sööktörünün üstündö, antkeni alar küçtüülör katarı jer üstündögü tirüülörgö korkunuç kaptatışkan.

²⁸Sen da sünnötkö oturguzulbagandardın arasında kıyratılasıŋ, kılıçtan kırılgandar menen birge jatasıŋ.

²⁹Edom, anın padışaları jana büt törölörü oşol jerde, alar küçtüü boluşsa da, kılıçtan kırılgandardın arasına koyulgan, alar sünnötkö oturguzulbagandar menen, körgö kirgender menen birge jatışat.

³⁰Tündük törölörünün baarı, büt sidonduktar oşol jerde. Al jerge alar öltürülgöndör menen birge tüşüşkön, özdörünün küçü menen korkunuç kaptatıp, maskara boluşkan. Alar sünnötkö oturguzulbagandar menen, kılıçtan ölgöndör menen birge jatışat, alar körgö kirgender menen birge özdörünün maskaralıgın ala ketişken.

³¹Paraon alardı körüp, özünün sansız askeri jönündö sooronot. Kılıçtan ölgön paraon jana anın büt askeri sooronot, – deyt Kuday-Teŋir.

³²Antkeni Men tirüülör jaşagan jerge korkunuç kaptatam, paraon jana anın sansız askeri kılıçtan ölgöndör menen birge sünnötkö oturguzulbagandardın arasına koyulat», – deyt Kuday-Teŋir.