Read NT LS 2005 – Инжил ЛС (2005 Jezekiel 33 Bible Online

Jezekiel 33 - NT LS 2005 – Инжил ЛС (2005 bible

Jezekiel 33

¹Anan maga Teŋirden söz boldu:

²«Adam uulu! Öz eliŋdin uuldarına süylö, alarga mınday de: “Eger Men kaysı bir jerge kılıç kaptatsam, oşol jerdin eli özünün arasınan bir adamdı alıp, anı özdörünö sakçı kılıp koyso,

³al adam oşol jerge karşı kele jatkan kılıçtı körüp, surnay tartıp, öz elin eskertse,

⁴kim surnay ünün ugup, birok özün saktabasa, anda kılıç kelip, anı kolgo tüşüröt, anın kanı öz moynunda bolot.

⁵Al surnay ünün ukkan, birok özün saktagan emes, anın kanı öz moynunda bolot. Özün saktagan adam öz ömürün saktap kalat.

⁶Egerde sakçı kılıçtın kele jatkanın körüp surnay tartpasa, el eskertilbese, kılıç kelip, alardın bir kişisinin janın alsa, anda anın janı öz künöösü üçün alındı, birok anın kanının kunun sakçıga tölötöm”.

⁷Seni da, adam uulu, Men Israyılga sakçı koydum, sen Menin oozumdan çıkkan sözdü ugup, alardı Menin atımdan eskertesiŋ.

⁸Men mıyzamsızga: “Mıyzamsız! Sen ölösüŋ”, – dep aytkanda, sen mıyzamsızdı özünün jolunan saktaş üçün eç nerse aytpasaŋ, anda al mıyzamsız kişi öz künöösü üçün ölöt, birok anın kanın saga tölötöm.

⁹Egerde sen jolunan buruluu jönündö aytıp, mıyzamsızga eskertseŋ, birok al özünün jolunan burulbasa, anda al öz künöösü üçün ölöt, sen bolso öz janıŋdı saktap kaldıŋ.

¹⁰Sen, adam uulu, Israyılga ayt: Siler: “Bizdin kılmıştarıbız jana künöölörübüz öz moynubuzda, biz alardan çirip bara jatabız: emi biz kantip jaşaybız?” – deysiŋer.

¹¹Alarga ayt: “Men tirüümün, – deyt Kuday-Teŋir, – Men künöökördün ölümün kaalabaym, teskerisinçe, Men künöökördün öz jolunan burulup, tirüü kalışın kaalaym. Burulgula, özüŋördün jaman joluŋardan burulgula. Israyıl eli, silerge ölümdün emne keregi bar?”

¹²Sen, adam uulu, öz eliŋdin uuldarına ayt: “Kılmış kılgan künü adil adamdı özünün adildigi saktap kalbayt, mıyzamsız adam öz mıyzamsızdıgınan burulgan künü mıyzamsızdıgı üçün ölböyt, oşol sıyaktuu ele adil adam da künöö kılgan künü özünün adildigi üçün tirüü kalbayt”.

¹³Men adil adam jönündö: “Al tirüü bolot”, – dep aytkandan kiyin, al özünün adildigine işenip, adiletsizdik kılsa, anda anın adilet işterinin eç biri eske alınbayt, al özü kılgan adiletsizdigi üçün ölöt.

¹⁴Al emi mıyzamsız adamga: “Sen ölösüŋ”, – dep aytkandan kiyin, al öz künöölörünön burulup, akıykattık jana adilettik boyunça iş kılsa:

¹⁵egerde bul mıyzamsız adam küröögö alganın kaytarıp berse, uurdaganın tölöp berse, eç kanday jaman işterdi jasabay, ömürdün mıyzamdarı menen jürsö, anda al ölböyt, tirüü bolot.

¹⁶Anın eç bir künöösü eske alınbayt. Al akıykattık jana adilettik boyunça iş kıla baştadı, tirüü bolot.

¹⁷Senin eliŋdin uuldarı: “Teŋirdin jolu tuura emes”, – dep jatışat, birok özdörünün jolu tuura emes.

¹⁸Egerde adil adam özünün adildiginen baş tartıp, mıyzamsızdık kıla baştasa, al oşol üçün ölöt.

¹⁹Egerde mıyzamsız adam özünün mıyzamsızdıgınan baş tartıp, akıykattık jana adilettik boyunça iş kıla baştasa, al oşol üçün tirüü bolot.

²⁰Birok siler: “Teŋirdin jolu tuura emes!” – dep jatasıŋar. Israyıl eli, Men silerdin ar biriŋerdi öz joldoruŋarga jaraşa sottoym».

²¹Bizdin tutkundalıp ketkenibizge on eki jıl, on ay, beş kün bolgondo, İerusalimden kaçıp kutulgan bir adam maga kelip: «Şaar kıyratıldı!» – dedi.

²²Birok kaçıp kutulgan adam kelgenge çeyin ele, keçinde Teŋirdin kolu menin üstümdö bolgon, al adam maga kelerdin aldında, erteŋ menen Teŋir menin oozumdu açtı. Menin oozum açılıp, oşondon kiyin kayra süylöy baştadım.

²³Anan maga Teŋirden söz boldu:

²⁴«Adam uulu! Israyıl jerindegi urandıga aylangan jerlerde jaşagan adamdar: “Ibrayım jalgız bolçu, al uşul jerdi eelikke algan. Biz bolso köppüz, oşonduktan bizge uşul jer eelikke berildi”, – dep jatışat.

²⁵Oşonduktan alarga ayt: Kuday-Teŋir mınday deyt: “Siler etti kanı menen koşo jep jatasıŋar, közüŋördü özüŋördün jasalma kudaylarıŋarga kötörüp jatasıŋar jana kan tögüp jatasıŋar, anan jerdi eelegiŋer barbı?

²⁶Siler özüŋördün kılıçıŋarga tayanıp jatasıŋar, jiyirkeniçtüü işterdi jasap jatasıŋar, biri-biriŋerdin ayaldarıŋardı bulgap jatasıŋar, anan jerdi eelegiŋer barbı?”

²⁷Alarga mınday dep ayt: Kuday-Teŋir mınday deyt: “Men tirüümün! Urandıga aylangan jerlerde jaşagandar kılıçtan kırılışat. Açık talaada jaşagandardı jırtkıçtarga jem kılam. Al emi çepterde jana üŋkürlördö jaşagandar juguştuu oorudan ölüşöt”.

²⁸Jerdi urandıga jana çölgö aylantam, anın küçünün tekeberdigi jok bolot, Israyıl tooloru een kalat, al jerden eç kim ötpöy kalat.

²⁹Alardın bardık jiyirkeniçteri üçün jerdi urandıga jana çölgö aylandırganımda, Menin Teŋir ekenimdi bilişet.

³⁰Adam uulu, sen jönündö öz eliŋdin uuldarı dubaldardın janında, eşikterinin aldında süylöşüp jatışat, biri-birine, ar biri öz bir tuuganına: “Jürgülö, Teŋirden kanday söz çıkkanın ugalı”, – dep jatışat.

³¹Alar saga eldik jıyınga kelgensip kelip jatışat; Menin elim senin bet aldıŋda oturup alıp, senin sözdörüŋdü ugup jatat, birok alardı atkarbayt, antkeni alar oozdoru menen jalgan ubada berişet, jüröktörü bolso özdörünün kert başının kızıkçılıgın oyloyt.

³²Sen alar üçün ünü mukam küü aspapta jakşı oynogon, süyüü ırların ırdagan ırçıdaysıŋ. Alar senin sözdörüŋdü ugup jatışat, birok alardı atkarışkan jok.

³³Birok al jüzögö aşkanda, mına, al azır ele jüzögö aşıp jatat, alar özdörünün arasında paygambar bolgonun bilişet».