Read NT LS 2005 – Инжил ЛС (2005 Jezekiel 34 Bible Online

Jezekiel 34 - NT LS 2005 – Инжил ЛС (2005 bible

Jezekiel 34

¹Anan maga Teŋirden söz boldu:

²«Adam uulu! Israyıldın kaytaruuçularına paygambarçılık kıl, paygambarçılık kılıp, alarga, kaytaruuçularga, ayt: Kuday-Teŋir mınday deyt: “Özdörün özdörü kaytargan Israyıldın kaytaruuçularına kaygı! Kaytaruuçular koylordu kaytarışı kerek emespi?

³Siler may jeysiŋer, jündön kiyim kiesiŋer, semiz koylordu soёsuŋar, birok koylordu kaytarbay jatasıŋar.

⁴Alsızdarga küç bergen joksuŋar, ooruluunu darılagan joksuŋar, jaraluunu taŋgan joksuŋar, adaşkandı kayrıp kelgen joksuŋar, jogolgondu izdegen joksuŋar, alardı zorduk menen, kataaldık menen başkardıŋar.

⁵Alar kaytaruuçusu jok bolgonduktan, tuş-tuşka çaçırap ketişti, bardık talaa jırtkıçtarına jem boluştu.

⁶Menin koylorum ar kaysı toolordo, ar kaysı biyik adırlarda adaşıp jüröt, Menin koylorum büt jer jüzündö jüröt, alardı suraştırgan eç kim jok, alardı izdegen eç kim jok.

⁷Oşonduktan, kaytaruuçular, Teŋirdin sözün ukkula.

⁸Men tirüümün! – deyt Kuday-Teŋir. – Kaytaruuçusu jok bolgonduktan, Menin koylorumdu talap-tonop ketişti, Menin koylorum ar kanday talaa jırtkıçtarına jem boldu. Kaytaruuçular Menin koylorumdu izdeşken jok, kaytaruuçular özdörün özdörü kaytarıştı, al emi Menin koylorumdu kaytarışkan jok.

⁹Oşon üçün, kaytaruuçular, Teŋirdin sözün ukkula”.

¹⁰Kuday-Teŋir mınday deyt: “Men kaytaruuçularga karşımın, Özümdün koylorumdu alardın koldorunan tölötüp alam, mından kiyin alarga koylordu kaytartpaym, mından kiyin kaytaruuçular özdörün özdörü kaytarışpayt, Özümdün koylorumdu alardın oozunan kutkarıp alam, oşondon kiyin alar kaytaruuçularga jem boluşpayt”.

¹¹Antkeni Kuday-Teŋir mınday deyt: “Men Özümdün koylorumdu Özüm izdep tabam, alardı karap çıgam.

¹²Çaçırap ketken koylorunun arasında bolgon künü kaytaruuçu koylorun kanday tekşerse, Men da Öz koylorumdu oşondoy karap çıgam, bulut jana tuman kaptagan künü kaysı jerlerge çaçılıp ketişse, oşol jerlerden alardı kutkarıp alam.

¹³Alardı elderdin arasınan alıp çıgam, alardı ar kaysı ölkölördön çogultam, alardı öz jerine alıp kelem, alardı Israyıl toolorunda, agın suulardın jeeginde jana uşul jerdin el jaşagan bardık jerlerinde kaytaram.

¹⁴Alardı jakşı jayıtka jayam, alardın kaşaası Israyıldın biyik toolorunda bolot. Alar oşol jerde, jakşı kaşaada es alışat, Israyıl toolorundagı ottuu jayıttarda ottoşot.

¹⁵Öz koylorumdu Men Özüm kaytaram, alardı Özüm juuşatam, – deyt Kuday-Teŋir.

¹⁶Jogolgondu izdep tabam, adaşkandı kayrıp kelem, jaradarın taŋam, ooruluusuna küç berem, al emi semirip ketkenin jana baş berbegenin jok kılam, alardı adilettik menen kaytaram.

¹⁷Kuday-Teŋir mınday deyt: Menin koylorum, silerdi Men sottoym. Koy menen koydun ortosunda, koçkor menen tekenin ortosunda sot Men bolom.

¹⁸Jakşı jayıtta ottop jürgönüŋör azdık kılgansıp, jayıttardan kalgandı butuŋar menen tepseysiŋer, tunuk suu içesiŋer, kalganın butuŋar menen ılaylatasıŋar.

¹⁹Menin koylorum bolso siler butuŋar menen tepsegen jerden ottop, butuŋar menen ılaylatkan suudan içişi kerekpi?”

²⁰Oşonduktan Kuday-Teŋir alarga mınday deyt: “Semiz koy menen arık koydun ortosunda Men Özüm sot bolom.

²¹Siler alsızdardın baarın kaptalıŋar jana iyiniŋer menen türtüp jatasıŋar, alardı müyüzüŋör menen sırtka sürüp çıgarganga çeyin süzgülöp jatasıŋar.

²²Oşonduktan Men Öz koylorumdu kutkaram, oşondon kiyin alardı talap-tonoşpoyt, koy menen koydun ortosunda sot jürgüzöm.

²³Alardın üstünö bir Kaytaruuçu koёm, alardı kaytarganga Öz kulum Dööttü koёm. Alardı Oşol kaytarat, alardın kaytaruuçusu Oşol bolot.

²⁴Men, Teŋir, alardın Kudayı bolom, Menin kulum Dööt alardın arasında törö bolot. Munu Men, Teŋir, ayttım.

²⁵Alar menen tınçtık kelişimin tüzöm, al jerden kataal jırtkıçtardı jok kılam, oşondo Menin koylorum talaada koopsuz jaşaşat, tokoylordo uktaşat.

²⁶Men alarga jana Özümdün adırımdın tegeregindegi jerlerge batamdı berem, jamgırdı öz ubagında jaadıram, al batanın jamgırı bolot.

²⁷Talaa daragı öz mömösün beret, jer öz tüşümün beret. Alar öz jerinde koopsuz boluşat. Men alardın moyunturugunun dogolorun sındırganda, alardı kulga aylandıruuçulardın kolunan boşotkondo, Menin Teŋir ekenimdi bilişet.

²⁸Oşondon kiyin alar başka elderge oljo boluşpayt, alardı talaa jırtkıçtarı jebeyt. Alar koopsuzdukta jaşaşat, alardı eç kim korkutpayt.

²⁹Alardın jerinde sonun bak-daraktardı östüröm, oşondon kiyin alar jerde açarçılıktan ölüşpöyt, başka elderge şıldıŋ boluşpayt.

³⁰Oşondo Men alardın Kuday-Teŋiri ekenimdi, Men alar menen ekenimdi, Israyıl eli Menin elim ekenin bilişet, – deyt Kuday-Teŋir.

³¹Siler Menin koylorumsuŋar, Menin jayıtımdın koylorusuŋar. Siler adamdarsıŋar, Men bolso silerdin Kudayıŋarmın”», – deyt Kuday-Teŋir.