Read NT LS 2005 – Инжил ЛС (2005 Jezekiel 35 Bible Online

Jezekiel 35 - NT LS 2005 – Инжил ЛС (2005 bible

Jezekiel 35

¹Anan maga Teŋirden söz boldu:

²«Adam uulu! Jüzüŋdü Seir toosuna burup, aga karşı paygambarçılık kıl.

³Aga ayt: Kuday-Teŋir mınday deyt: “Men saga karşımın, Seir toosu! Men Öz kolumdu saga karşı sunup, seni eç kim jaşabagan een jerge aylandıram.

⁴Şaarlarıŋdı urandıga aylandıram, sen özüŋ da een talaaga aylanasıŋ, oşondo Menin Teŋir ekenimdi bilesiŋ.

⁵Sende tübölük kastık bolgonduktan, başına müşkül tüşkön ubakta, akırkı kıyroo ubagında Israyıl uuldarın kılıçtın koluna berip turduŋ.

⁶Oşon üçün, – deyt Kuday-Teŋir, – Men tirüümün, seni kanga aylantam, kan senin artıŋan tüşöt. Sen kandı jek körbögönüŋ üçün kan senin artıŋan tüşöt.

⁷Seir toosun el jaşabagan een jerge aylandıram, al jakka bargandardı jana al jaktan kaytkandardı jok kılam.

⁸Anın toolorun özünün ölüktörünö tolturam. Senin adırlarıŋda, örööndörüŋdö jana darıyalarıŋdın nuktarında kılıçtan ölgöndör kulaşat.

⁹Seni tübölük çölgö aylantam, senin şaarlarıŋda eç kim jaşabayt, oşondo Menin Teŋir ekenimdi bilesiŋer.

¹⁰Antkeni sen Teŋir oşol jerde ekenine karabastan, «Bul eki el da, bul eki jer da meniki bolot, biz alardı eelep alabız», – dep ayttıŋ.

¹¹Oşon üçün Men saga alardı jek körgönüŋö jaraşa, alardı jek körgöndüktön, alarga körsötkön körö albastıgıŋa jaraşa kılam, seni jazalagandan kiyin, alarga Özüm kelem, Men tirüümün! – deyt Kuday-Teŋir.

¹²Oşondo Menin Teŋir ekenimdi bilesiŋer, Men silerdin Israyıl toolorun: «Alar kıyratıldı! Bizge jegenge berildi!» – dep tabalaganıŋardın baarın uktum.

¹³Siler özüŋördü Menin aldımda tiliŋer menen jogoru kötördüŋör, Maga karşı sözüŋördü köböyttüŋör. Munu Men uktum”.

¹⁴Kuday-Teŋir mınday deyt: “Büt jer jüzü kubanıp jatkanda, Men seni çölgö aylantam.

¹⁵Israyıl üyünün ençisi kıyratılganına kubanganıŋ üçün, Men da saga oşondoy kılam: Seir toosu, kıyratılasıŋ, büt Edom jeri da kıyratılat, oşondo Menin Teŋir ekenimdi bilişet”.