Read NT LS 2005 – Инжил ЛС (2005 Jezekiel 36 Bible Online

Jezekiel 36 - NT LS 2005 – Инжил ЛС (2005 bible

Jezekiel 36

¹Sen, adam uulu, Israyıl tooloruna paygambarçılık kıl: Israyıl tooloru! Teŋirdin sözün ukkula.

²Kuday-Teŋir mınday deyt: “Duşman siler jönündö: «İ-i! İ-i! Tübölük toolor bizdin ençibizge tiydi», – dep jatışat”.

³Oşon üçün paygambarçılık kılıp ayt: Kuday-Teŋir mınday deyt: “Siler başka elderdin ençisi bolup kalışıŋar üçün, adamdarga jamanattı, uşak boluşuŋar üçün, duşmandar silerdi kıyratıp, tuş-tuştan jep-jutuştu.

⁴Mına oşon üçün, oşon üçün gana, Israyıl tooloru, Kuday-Teŋirdin sözünö kulak salgıla”. Tegerek-çettegi başka elderdin şıldıŋına kalıp, oljosuna aylangan toolorgo, adırlarga, darıyalarga, örööndörgö, kıyratılgan, talanıp-tonolgon, een kalgan şaarlarga Kuday-Teŋir mınday deyt:

⁵Oşon üçün Kuday-Teŋir mınday deyt: “Menin jerimdi özünö kubanıp ençi kılıp algan, anı içinen jek körüp, özünö oljo kılıp algan başka elderge karşı, büt Edomgo karşı Men Özümdün kızganıçımdın otu menen süylödüm”.

⁶Oşonduktan Israyıl jeri jönündö paygambarçılık kıl, toolorgo jana adırlarga, darıyalarga jana örööndörgö mınday de: Kuday-Teŋir mınday deyt: “Men bul sözdü kızganıçım menen, Özümdün kaarım menen ayttım, antkeni siler elderdin şıldıŋın kötörüp jatasıŋar”.

⁷Oşonduktan Kuday-Teŋir mınday deyt: “Men Öz kolumdu kötörüp, tegeregiŋerdegi elderdin şıldıŋı özdörünün başına kelet dep ant berdim.

⁸Siler bolso, Israyıl tooloru, butagıŋardı jayasıŋar, Menin elim Israyılga mömö beresiŋer, antkeni alar jakında kelişet.

⁹Antkeni mına, Men silerge kayrılam, siler iştetilesiŋer, silerge ürön sebilet.

¹⁰Silerdin üstüŋörgö köp sandagan eldi, büt Israyıl elin, jaygaştıram, şaarlarga el oturuktaşat, urandılar turguzulat.

¹¹Silerdin üstüŋördö adamdardı jana maldı köböytöm, alar tukumdap köböyüşöt, silerge murunku ubaktagıday jaygaştıram, silerge murunku ubaktagıga karaganda köbüröök ırayım körsötöm, oşondo Menin Teŋir ekenimdi bilesiŋer.

¹²Silerdin üstüŋörgö adamdardı, Özümdün elim Israyıldı alıp kelem, alar seni eeleşet! Sen alardın murası bolosuŋ, mından arı alardı baldarınan ajıratpaysıŋ”.

¹³Kuday-Teŋir mınday deyt: “Saga: «Sen adamdardı jegen, öz eliŋdi balasız kaltırgan jersiŋ», – dep aytışkanı üçün,

¹⁴sen mından arı adamdardı jebeysiŋ, mından arı öz eliŋdi baldarınan ajıratpaysıŋ, – deyt Kuday-Teŋir.

¹⁵Mından arı elderden şıldıŋ ukpaysıŋ, mından arı uruulardan korduk körböysüŋ, mından arı öz eliŋdi müdürültpöysüŋ”», – deyt Kuday-Teŋir.

¹⁶Anan maga Teŋirden söz boldu:

¹⁷«Adam uulu! Israyıl öz jerinde jaşap turganda, al jerdi al özünün jürüş-turuşu menen, özünün işteri menen bulgadı. Alardın jolu Menin aldımda ayaldın tazalanıp jatkan ubagındagı taza emestigindey ele.

¹⁸Men alarga Öz kaarımdı töktüm, antkeni alar bul jerge kan tögüştü, bul jerdi özdörünün jasalma kudayları menen bulgaştı.

¹⁹Men alardı elderdin arasına çaçıp jiberdim, Men alardı jer-jerlerge sapırdım. Men alardı özdörünün joldoruna jana işterine jaraşa jazaladım.

²⁰Alar elderdin arasına barganda, Menin ıyık ısımımdı bulgaştı, antkeni alar jönündö: “Bular – Teŋirdin eli, Anın jerinen çıgıştı”, – dep aytıp jatışat.

²¹Oşondo Men Israyıl bargan jerlerdegi elderdin arasında bulgangan Özümdün ıyık ısımımdı ayadım.

²²Oşonduktan Israyılga ayt: Kuday-Teŋir mınday deyt: “Israyıl, Men munu siler üçün emes, siler elderdin arasına barganda bulgagan Özümdün ıyık ısımım üçün kılam.

²³Siler elderdin arasında bulgagan, elderdin arasında daŋktabagan Özümdün uluu ısımımdı ıyık kılam, elderdin köz aldında silerge Özümdün ıyıktıgımdı körsötöm, oşondo alar Menin Teŋir ekenimdi bilişet, – deyt Kuday-Teŋir.

²⁴Silerdi elderdin arasınan alıp çıgam, bardık ölkölördön jıynaym, silerdi öz jeriŋerge alıp kelem.

²⁵Istüŋörgö taza suu çaçam, oşondo siler taza bolosuŋar, silerdi bardık taza emes nerseleriŋerden jana bardık jasalma kudaylarıŋardan tazalaym.

²⁶Silerge jaŋı jürök berem, içiŋerge jaŋı ruh salam. Silerdin deneŋerden taş jüröktü alıp salıp, et jürök berem.

²⁷Silerdin içiŋerge Öz ruhumdu salam, silerdi Menin mıyzamdarım menen jürgüdöy, Menin buyruktarımdı saktagıday jana atkargıday kılam.

²⁸Oşondo Men silerdin ata-babalarıŋarga bergen jerde jaşaysıŋar, Menin elim bolosuŋar, Men silerdin Kudayıŋar bolom.

²⁹Silerdi bardık taza emes nerseleriŋerden boşotom, dan ösümdüktörün östüröm, alardı mol kılam, silerde açkaçılık bolboyt.

³⁰Bak-daraktardın mömölörün, dan ösümdüktörün mol kılam, mından arı açkaçılıktın ayınan elderge şıldıŋ bolboysuŋar.

³¹Oşondo özüŋördün jaman joldoruŋardı, kıyanat işteriŋerdi esiŋerge tüşürösüŋör, siler özüŋördün mıyzamsızdıgıŋar üçün, ıpılas işteriŋer üçün özüŋördön jiyirkenesiŋer.

³²Bilip koygula, munu Men siler üçün jasabaym, – deyt Kuday-Teŋir. – Israyıl eli, özüŋördün joldoruŋardan uyalgıla, kızargıla”.

³³Kuday-Teŋir mınday deyt: “Men silerdi bardık mıyzamsızdıgıŋardan tazalagan künü şaarlarıŋarga el oturuktaştıram, urandılar kayra turguzulat.

³⁴Narı-beri ötkön adamdın közünö çöl bolup körüngön, een kalgan jerler iştetilet.

³⁵Oşondo: «Bul een kalgan jer Eyden bagınday bolup kaldı, bul kıyratılgan, een kalgan, talanıp-tonolgon şaarlar bekemdeldi, aga el oturuktaştı», – dep aytışat.

³⁶Oşondo silerdin tegeregiŋerde kalgan elder Menin uratılgandı kayra turguzgan, een kalgan jerdi eldüü kılgan Teŋir ekenimdi bilişet. Men Teŋirmin, Men aytkanımdı kılam”.

³⁷Kuday-Teŋir mınday deyt: “Men Israyılga dagı mınday ırayım kılam: anın adamdarın koroo-koroo koylordoy köp kılam.

³⁸Mayram ubagında İerusalimde kurmandıkka çalınuuçu koylor kanday köp bolso, een kalgan şaarlarda da el oşondoy köp bolot, oşondo Menin Teŋir ekenimdi bilişet”».