Read NT LS 2005 – Инжил ЛС (2005 Jezekiel 37 Bible Online

Jezekiel 37 - NT LS 2005 – Инжил ЛС (2005 bible

Jezekiel 37

¹Teŋirdin kolu menin üstümdö ele, Teŋir meni ruhu menen alıp çıgıp, talaanın ortosuna koydu, al talaa söökkö tolgon ele.

²Al meni alardın üstünön, alardın janınan tegerete alıp öttü. Talaanın betinde söök ötö köp eken, alar abdan kurgak eken.

³Anan Al maga: «Adam uulu! Bul sööktör tirilebi?» – dedi. Men Aga: «Kuday-Teŋir! Anı Sen bilesiŋ», – dedim.

⁴Al maga: «Bul sööktörgö mınday dep paygambarçılık kıl: “Kurgak sööktör! Teŋirdin sözün ukkula!”

⁵Bul sööktörgö Kuday-Teŋir mınday deyt: “Men silerge ruh kirgizem, oşondo siler tirilesiŋer.

⁶Silerge taramış berem, silerdin üstüŋörgö et östüröm, silerdi teri menen kaptaym, silerdin içiŋerge ruh kirgizem, oşondo tirilesiŋer jana Menin Teŋir ekenimdi bilesiŋer”».

⁷Maga kanday buyrulsa, men oşondoy paygambarçılık kıldım. Men paygambarçılık kılıp jatkanda, bir dabış çıktı, sööktör kıymılga kelip, biri-birine jakınday baştadı, sööktör özünün söögünö jakınday baştadı.

⁸Men alardın üstündögü taramıştardı kördüm, alarga et büttü, alardın üstün teri kaptadı, birok alardın içinde ruh jok ele.

⁹Oşondo Al maga: «Adam uulu, ruhka paygambarçılık kıl, aga mınday dep paygambarçılık kıl: Kuday-Teŋir mınday deyt: “Ruh, tört taraptan kel, öltürülgön uşul adamdardın üstünö üylö, oşondo alar tirilişet”», – dedi.

¹⁰Al maga kanday buyrusa, men oşondoy paygambarçılık kıldım, oşondo alardın içine ruh kirdi, alar tirilip, buttarına turuştu, alar ötö çoŋ, san jetkis askerler ele.

¹¹Teŋir maga mınday dedi: «Adam uulu! Bul sööktör – büt Israyıl. Alar: “Bizdin söögübüz kuurap kaldı, ümütübüz jok boldu, biz tüp-tamırıbız menen julunduk”, – dep jatışat.

¹²Oşonduktan paygambarçılık kılıp, alarga ayt: Kuday-Teŋir mınday deyt: “Mına, Men silerdin mürzölörüŋördü açıp, mürzölörüŋördön alıp çıgam, Menin elim. Anan silerdi Israyıl jerine alıp kelem.

¹³Mürzölörüŋördü açıp, silerdi mürzölörüŋördön alıp çıkkanda, Menin elim, Menin Teŋir ekenimdi bilesiŋer.

¹⁴Silerdin içiŋerge Özümdün ruhumdu salam, oşondo siler tirilesiŋer, anan silerdi öz jeriŋerge jaygaştıram, oşondo Menin Teŋir ekenimdi bilesiŋer, aytkanımdı kılam», – deyt Kuday-Teŋir.

¹⁵Anan maga Teŋirden söz boldu:

¹⁶«Adam uulu, sen özüŋö bir tayak alıp, aga: “Jüyüt jana aga birikken Israyıl uuldarı”, – dep jaz. Dagı bir tayak alıp, aga: “Jusup”, – dep jaz. Bul – Eprayımdın jana aga birikken büt Israyıldın tayagı.

¹⁷Anan al eki tayaktı biri-birine biriktir, alar senin koluŋda bir tayak bolsun.

¹⁸Eliŋdin uuldarı senden: “Koluŋdagı emne ekenin bizge tüşündürüp beresiŋbi?” – dep suraşsa,

¹⁹alarga ayt: Kuday-Teŋir mınday deyt: “Men Jusuptun tayagın – Eprayımdın kolundagı jana aga koşulgan Israyıl uruularının kolundagı tayaktı alıp, anı Jüyüttün tayagına koşom, alardı bir tayak kılam, alar Menin kolumda bir tayak bolot”.

²⁰Sen jazgan eki tayak teŋ alardın köz aldında senin koluŋda bolot.

²¹Alarga mınday de: Kuday-Teŋir mınday deyt: “Men Israyıl uuldarın, alar kaysı elderdin arasında jaşap jatışsa, oşol elderdin arasınan alıp çıgam, alardı ar taraptan jıynap, öz jerine alıp kelem.

²²Uşul jerde, Israyıl toolorunun üstündö Men alardı bir el kılam, alardın baarının üstünön bir Padışa padışaçılık kılat, alar mından arı eki el bolboyt, mından arı eki padışaçılıkka bölünböyt.

²³Mından arı alar özdörün jasalma kudayları menen, jiyirkeniçteri menen, kılmıştarı menen bulgaşpayt, alardı kaysı jerlerde künöö kılıp jaşaşsa, oşol jerlerden alıp çıgam. Alardı tazalaym, oşondo alar Menin elim boluşat, Men alardın Kudayı bolom.

²⁴Menin kulum Dööt bolso alardın üstünön Padışa bolot, alardın baarına kaytaruuçu bolot, oşondo alar Menin mıyzamdarım menen jürüşöt, Menin buyruktarımdı saktaşat jana atkarışat.

²⁵Alar Öz kulum Jakıpka bergen jerde, özdörünün ata-babaları jaşagan jerde jaşaşat. Alar özdörü, alardın baldarı jana alardın baldarının baldarı oşol jerde tübölükkö jaşaşat. Menin kulum Dööt tübölükkö alardın törösü bolot.

²⁶Men alar menen tınçtık kelişimin tüzöm, al tübölük kelişim bolot. Alardı jaygaştıram, alardı köböytöm, Özümdün tübölük ıyık jayımdı alardın ortosuna turguzam.

²⁷Menin turak jayım alardın üstündö bolot, Men alardın Kudayı bolom, alar bolso Menin elim boluşat.

²⁸Menin ıyık jayım tübölükkö alardın ortosunda turganda, elder Israyıldı ıyık kılgan Teŋir Men ekenimdi bilişet”».