Read NT LS 2005 – Инжил ЛС (2005 Jezekiel 4 Bible Online

Jezekiel 4 - NT LS 2005 – Инжил ЛС (2005 bible

Jezekiel 4

¹«Sen, adam uulu, kış al, anı özüŋdün aldıŋa koy, anan aga İerusalim şaarının sürötün tart.

²Anı kurçoogo al, aga karşı çep kur, anın tegeregine jal üy, koşuun jaygaştır, tegerete dubal buzguçtardı koy.

³Temir taba alıp, anı özüŋ menen şaardın ortosuna temir dubal katarı koy, anan şaarga jüzüŋdü bur. Al kurçoodo kalat, sen anı kurçoogo al. Bul Israyılga belgi bolot.

⁴Sol kaptalıŋ menen jat, anan anın üstünö Israyıldın mıyzamsızdıgın koy. Sol kaptalıŋ menen jatkan kündördün sanına jaraşa sen alardın mıyzamsızdıgın kötörösüŋ.

⁵Men saga alardın mıyzamsızdık kılgan jıldarının sanın kündördün sanı menen belgilep berdim: Israyıldın mıyzamsızdıgın sen üç jüz tokson kün kötörösüŋ.

⁶Munu atkargandan kiyin, kiyinki jolu oŋ kaptalıŋ menen jat, Jüyüttün mıyzamsızdıgın kırk kün kötör, bir kün bir jılga barabar, Men saga bir kündü bir jılga belgilep berdim.

⁷Jüzüŋdü jana jılaŋaç oŋ koluŋdu İerusalim kurçoosuna bur, anan aga karşı paygambarçılık kıl.

⁸Men saga kişen saldım, senin kurçoodo turgan kündörüŋ bütmöyünçö, bir kaptalıŋdan ekinçi kaptalıŋa oodarılbaysıŋ.

⁹Özüŋö buuday, arpa, buurçak, jasmık, taruu jana kara buuday alıp, alardı bir idişke salıp, alardan kaptalıŋ menen jatkan kündördün sanı boyunça nan jasa. Alardı sen üç jüz tokson kün jeysiŋ.

¹⁰Jey turgan tamagıŋdı tarazaga tartıp, kününö jıyırma şekelden je, anı erteden keçke çeyin öz maalı menen je.

¹¹Suunu da ölçömü menen iç, gindin altıdan bir bölügün iç. Erteden keçke çeyin öz ubagı menen uşintip iç.

¹²Alardı eldin köz aldında arpa nanday kılıp adamdın zaŋına bışırıp je».

¹³Anan Teŋir mınday dedi: «Israyıl uuldarı Men alardı kaysı elderdin arasına kuup jibersem, oşol elderdin arasında uşintip taza emes nan jeşet».

¹⁴Oşondo men: «Oo Kuday-Teŋirim! Menin janım eç kaçan bulgangan emes, jaş çagımdan uşul küngö çeyin tarptı da, jırtkıç tıtıp ketkendi da jegen emesmin. Eç kanday taza emes et oozuma algan emesmin», – dedim.

¹⁵Oşondo Al maga: «Men saga adamdın zaŋının orduna uydun tezegin uruksat kılam, nanıŋdı oşogo bışır», – dedi.

¹⁶Anan maga: «Adam uulu! Men İerusalimdegi nan bulagın kıyratam. Oşondo alar nandı ölçöp, kaygırıp jeşet, suunu da ölçöp, köŋüldörü çögüp içişet.

¹⁷Sebebi alarda suu menen nan jetişsiz bolot. Alar biri-birine korkunuç menen karaşat, öz mıyzamsızdıgı üçün soolup jok boluşat, – dedi.