Read NT LS 2005 – Инжил ЛС (2005 Jezekiel 44 Bible Online

Jezekiel 44 - NT LS 2005 – Инжил ЛС (2005 bible

Jezekiel 44

¹Anan al meni kayradan ıyık jaydın çıgıştı karagan sırtkı darbazasına alıp keldi, alar bekitilüü bolçu.

²Oşondo Teŋir maga mınday dedi: «Bul darbaza bekitilet, açılbayt, al arkıluu eç bir adam kirbeyt, antkeni al arkıluu Israyıldın Kuday-Teŋiri kirgen, oşon üçün al bek bolot.

³Törö bolso padışa katarı anın içinde Teŋirdin aldında nan jeş üçün oturat. Al uşul darbazanın janındagı kire beriş bölmö arkıluu kiret da, oşol ele jol menen kayra çıgat».

⁴Andan kiyin al meni tündük darbazası arkıluu iybadatkananın bet maŋdayına alıp keldi. Oşondo men iybadatkana Teŋirdin daŋkına tolup turganın körüp, jüztömöndöp jıgıldım.

⁵Anan maga Teŋir mınday dedi: «Adam uulu! Men saga aytıp jatkan iybadatkananın bardık mıyzamdarı menen körsötmölörün jürögüŋö tüy, öz közüŋ menen kör, öz kulagıŋ menen uk. İybadatkanaga kire turgan eşikti jana ıyık jaydan çıga turgan eşikterdin baarın köŋül koyup kara.

⁶Anan kozgoloŋçul Israyıl eline ayt: Kuday-Teŋir mınday deyt: “Israyıl eli, jiyirkeniçtüü işterdi kılganıŋar jetişet!

⁷Siler jürögü sünnötkö oturguzulbagan, denesi da sünnötkö oturguzulbagan jat eldin uuldarın Menin ıyık jayıma alıp kirdiŋer. Alar Menin nanımdı, maydı jana kandı tartuulaşıp, Menin iybadatkanamdı bulgaştı. Oşentip, siler özüŋördün ar kanday jiyirkeniçtüü işteriŋer menen Menin kelişimimdi buzduŋar.

⁸Siler Menin ıyık nerselerimdin aldında küzöt kızmatın atkargan joksuŋar, alardı özüŋördün orduŋarga Menin ıyık jayımdı küzötüü üçün koyduŋar”.

⁹Kuday-Teŋir mınday deyt: “Jürögü sünnötkö oturguzulbagan jana denesi sünnötkö oturguzulbagan jat eldin uuldarının eç biri Menin ıyık jayıma kirbeşi kerek, al tursun, Israyıl uuldarının arasında jaşap jatkan bötön uruunun uulu da kirbesin.

¹⁰Israyıl Menden baş tartkan ubakta Menden alıstap, özdörünün jasalma kudaylarının artınan ketken lebiler da öz künöösünün jazasın alışat.

¹¹Alar Menin ıyık jayımda iybadatkananın darbaza küzötçülörü katarı, iybadatkananın kızmatçıları katarı kızmat kılışat. Alar el üçün bütündöy örttölüüçü kurmandıktı jana başka kurmandıktardı soyuşat, eldin aldında turup, el üçün kızmat kılışat.

¹²Alardın jasalma kudaylarının aldında alarga kızmat kılışkanı üçün, Israyıldın mıyzamsızdık kıluusuna türtkü boluşkanı üçün Men Özümdün kolumdu alarga karşı kötördüm, – deyt Kuday-Teŋir, – oşonduktan alar özdörünün künöösünün jazasın alışat.

¹³Alar Maga jakındaşpayt, Menin aldımda ıyık kızmat kılışpayt, Menin bardık ıyık nerselerime, ıyıktın ıyıgına jakın kelişpeyt, teskerisinçe, özdörünün abiyirsizdiginin, kılgan jiyirkeniçtüü işterinin jazasın öz moyundarı menen tartışat.

¹⁴Alardı iybadatkanaga küzötçülükkö, anın içindegi bardık jumuştardı atkaruuga koёm.

¹⁵Al emi Israyıl uuldarı Menden baş tartıp ketken ubakta Lebi uruusunan çıkkan ıyık kızmat kıluuçular, Sadoktun uuldarı, Menin ıyık jayımda ar dayım küzöttö turuşkan. Maga oşolor jakındaşat, Maga oşolor kızmat kılışat, Menin aldımda turup, Maga may menen kan tartuulaşat, – deyt Kuday-Teŋir.

¹⁶Alar Maga kızmat kılış üçün, Menin küzöt işterimdi atkarış üçün, Menin ıyık jayıma kirişet, Menin dastorkonuma jakındaşat.

¹⁷Alar içki koroonun darbazasının aldına kelişkende, zıgır bulasınan tokulgan kiyim kiyişet. İybadatkananın içinde jana içki koroonun darbazalarının aldında kızmat ötöö uçurunda alardın üstündö jündön tokulgan kiyim bolbosun.

¹⁸Alardın baştarındagı seldeler da zıgır kezdemeden bolsun, alardın belindegi içki kiyimder da zıgır kezdemeden bolsun. Alar terdete turgan kur kurçanışpasın.

¹⁹Al emi sırtkı koroogo, sırtkı koroodo turgan elge çıguu kerek bolgondo, kızmat kılganda kiygen kiyimderin çeçip, ıyık bölmölörgö kaltırışsın, ıyık kiyimderin elge tiygizbeş üçün, başka kiyimderdi kiyişsin.

²⁰Alar çaçtarın kırışpasın jana östürüşpösün, birok çaçtarın üzgültüksüz kırkıp turuşsun.

²¹İçki koroogo bara jatkanda, bir da ıyık kızmat kıluuçu şarap içpeşi kerek.

²²Alar özdörünö ayaldıkka jesirdi da, küyöösü menen ajıraşkandı da albaşı kerek, alarga bir gana Israyıl uruularının kızdarın je ıyık kızmat kıluuçunun jesir kalgan ayalın alganga bolot.

²³Alar Menin elime ıyıktı ıyık emesten ajıratuunu üyrötüşsün, emne taza, emne taza emes ekenin tüşündürüşsün.

²⁴Alar talaş-tartış işter bolgondo sot jürgüzüşsün, alardı Menin mıyzamdarım boyunça sottoşsun, Menin mıyzamdarımdı, Menin mayramdarım jönündögü buyruktarımdı atkarışsın, Menin işembi kündörümdü ıyık tutuşsun.

²⁵Taza emes bolup kalbaş üçün, alardın eç kimisi ölgön kişige jakındabaşı kerek. Atası je enesi, uulu je kızı, erkek bir tuuganı je küyöögö tie elek kız bir tuuganı ölgöndö gana özdörün taza emes kılsa bolot.

²⁶Andan tazalangandan kiyin, aga dagı jeti kün sanap bölüp koyuu kerek.

²⁷Iyık jayda kızmat kılış üçün, içki koroodogu ıyık jayga kelgen künü al künöö üçün çalınuuçu kurmandık çalışı kerek, – deyt Kuday-Teŋir.

²⁸Alardın ençisi jönündö ayta turgan bolsom, alardın ençisi Menmin. Israyıl jerinde alardın ülüşünö jer berbegile, alardın ülüşü Menmin.

²⁹Alar nan kurmandıktarınan, künöö üçün çalınuuçu kurmandıktardan jana ayıp üçün çalınuuçu kurmandıktardan jeşet. Israyılda Teŋirge arnalgan nersenin baarı alarga taandık.

³⁰Bardık jemişteriŋerdin birinçi tüşümü jana ar kanday tartuularıŋar, al tartuularıŋar emneden gana turbasın, ıyık kızmat kıluuçularga taandık. Iyüŋördön Kudaydın batası ketpeş üçün, egin bastırganıŋarda birinçi tüşümdü ıyık kızmat kıluuçuga bergile.

³¹Eç kanday tarptı, kanattuu bolobu, mal bolobu, jırtkıç tıtıp ketkendi ıyık kızmat kıluuçular jebeşi kerek.