Read NT LS 2005 – Инжил ЛС (2005 Jezekiel 46 Bible Online

Jezekiel 46 - NT LS 2005 – Инжил ЛС (2005 bible

Jezekiel 46

¹Kuday-Teŋir mınday deyt: “İçki koroonun çıgıştı karagan darbazası altı iş künü boyu bek turuşu kerek, al emi işembi künü jana ay jaŋırgan künü açık boluşu kerek.

²Törö sırttagı darbazanın kire beriş bölmösü arkıluu kirip, oşol darbazanın kaşekterinin janında turat. Iyık kızmat kıluuçular anın bütündöy örttölüüçü kurmandıgı menen tınçtık kurmandıgın çalışat. Al darbazanın bosogosunun aldında Teŋirge taazim kılat, anan sırtka çıgat, darbazalar bolso keçke çeyin açık turat.

³Al jerdin eli işembi kündörü jana ay jaŋırganda, uşul darbazanın kire beriş jerinde Teŋirge taazim kılışat.

⁴Törönün işembi künü Teŋirge arnap çala turgan bütündöy örttölüüçü kurmandıgı kemçiliksiz altı kozu jana kemçiliksiz bir koçkor boluş kerek.

⁵Bir koçkorgo bir eypa nan kurmandıgın, al emi kozularga kolunan kança kelse, oşonço, bir eypa nan kurmandıgına bir gin zaytun mayın koşup alıp kelsin.

⁶Ay jaŋırgan künü al kemçiligi jok bir bukaçar, oşondoy ele kemçiligi jok altı kozu jana bir koçkor çalsın.

⁷Al bir bukaçarga bir eypa, bir koçkorgo bir eypa nan kurmandıgın, al emi kozularga kolunan kança kelse, oşonço, bir eypa nan kurmandıgına bir gin zaytun mayın koşup alıp kelsin.

⁸Törö kelgende, darbazanın kire beriş bölmösü arkıluu kirip, oşol ele jol menen çıksın.

⁹Al jerdin eli mayram kündörü Teŋirdin aldına kelgende, tabınuu üçün tündük darbazası arkıluu kirgender tüştük darbazası arkıluu çıgışsın, al emi tüştük darbazası arkıluu kirgender tündük darbazası arkıluu çıgışsın. Kirgen darbazası arkıluu çıkpay, karşısındagı darbaza arkıluu çıgışsın.

¹⁰Törö da alardın arasında boluşu kerek. Alar kirgende, al da kirsin, alar çıkkanda, al da çıksın.

¹¹Mayramdarda jana saltanattuu kündördö al bir bukaçar üçün bir eypa, bir koçkor üçün bir eypa nan kurmandıgın, al emi kozular üçün kolunan kança kelse, oşonço, bir eypa nan kurmandıgı üçün bir gin zaytun mayın tartuulasın.

¹²Egerde törö öz kaaloosu menen Teŋirge arnap bütündöy örttölüüçü kurmandıktı je tınçtık kurmandıgın çalgısı kelse, anda aga çıgıştı karagan darbazanı açıp berişsin. Al özünün bütündöy örttölüüçü kurmandıgı menen tınçtık kurmandıgın işembi künü kanday çalsa, oşondoy çalat, andan kiyin al sırtka çıgat, al sırtka çıkkandan kiyin darbaza jabılat.

¹³Teŋirge arnalıp çalınuuçu bütündöy örttölüüçü kurmandıkka kün sayın kemçiligi jok bir jıldık kozu alıp kel. Anı kün sayın erteŋ menen alıp kel.

¹⁴Al kozu menen birge kün sayın erteŋ menen eypanın altıdan bir bölügünçölük nan kurmandıgın, mayda undu nımdaş üçün gindin üçtön bir bölügünçölük zaytun mayın alıp kel. Teŋirge arnalıp tartuulanuuçu nan kurmandıgı jönündögü özgörülbös, tübölük mıyzam uşunday.

¹⁵Bütündöy örttölüüçü kurmandıkka kozu, nan kurmandıgın, zaytun mayın kün sayın erteŋ menen üzböy çalıp turuşsun”.

¹⁶Kuday-Teŋir mınday deyt: “Egerde törö öz uuldarının içinen biröönö belek bere turgan bolso, anda al anın uuldarının da murası bolsun. Bul alardın murası bolsun.

¹⁷Egerde al özünün murasınan kuldarının içinen biröönö belek bere turgan bolso, anda al belek aga erkindikke çıkkan jılına çeyin gana taandık, andan kiyin al törögö kayra kaytat. Anın murası öz uuldarına gana ötüşü kerek.

¹⁸Birok törö eldi muraska algan jerinen sürüp çıgarıp, anın murasınan albaşı kerek. Menin elimdin içinen eç kim öz murasınan kuulup çıkpaş üçün, al özünün uuldarına özünün murasınan gana bere alat”».

¹⁹Anan al meni darbazanın kaptalındagı jol menen ıyık kızmat kıluuçulardın tündüktü karagan ıyık bölmölörünö eerçitip keldi. Oşol jerde, alardın art jagında, batış tarabında bir jer bar eken.

²⁰Anan al maga: «Iyık kızmat kıluuçular ayıp üçün çalınuuçu kurmandıktı, künöö üçün çalınuuçu kurmandıktı jana nan kurmandıgın bışıra turgan jer uşul. El ıyıktalıp kalbaş üçün, alar bul kurmandıktardı sırtka alıp çıgışpasın», – dedi.

²¹Anan al meni sırtkı koroogo alıp çıgıp, koroonun tört burçu menen alıp öttü, koroonun ar bir burçunda dagı birden koroo bar eken.

²²Koroonun tört burçunda uzundugu kırk çıkanak, tuurası otuz çıkanak bolgon jabık koroolor bar eken. Koroonun tört burçundagı koroolordun çenemi birdey eken.

²³Al tört koroonu tegerete kurçagan dubal bar eken, al emi dubaldardın tübündö kolomtolor bar eken.

²⁴Anan al maga: «Bul – kurmandık bışıruuçu jer, bul jerde iybadatkananın kızmatçıları eldin kurmandıktarın bışırışat», – dedi.