Read NT LS 2005 – Инжил ЛС (2005 Jezekiel 47 Bible Online

Jezekiel 47 - NT LS 2005 – Инжил ЛС (2005 bible

Jezekiel 47

¹Anan al meni kayradan iybadatkananın darbazasına alıp keldi. İybadatkananın bosogosunun astınan çıgıştı karay suu agıp turat eken. Antkeni iybadatkana çıgıştı karap turçu. Suu iybadatkananın oŋ jak kaptalının astınan çıgıp, kurmandık çalınuuçu jaydın tüştük jagına agat eken.

²Anan al meni tündük darbazası arkıluu çıgarıp, sırtkı jol menen, çıgıştı közdöy ketken jol menen alıp ötüp, sırtkı darbazalarga alıp keldi. Suu iybadatkananın oŋ tarabınan agıp çıgat eken.

³Al adam çıgıştı karay basıp, kolundagı jip menen miŋ çıkanak çenep, meni suu menen alıp jürdü. Suu kızıl aşıktan ele.

⁴Anan dagı miŋ çıkanak çenep, meni suu menen alıp jürdü. Suu tizeden ele. Anan dagı miŋ çıkanak çenep, meni alıp jürdü. Suu belden ele.

⁵Anan dagı miŋ çıkanak çenedi, al jerde men ötö albagan suu bar eken, suu uşunçalık tereŋ bolgonduktan, süzüügö tuura keldi, al suunu keçip ötüü mümkün emes bolçu.

⁶Al maga: «Adam uulu, kördüŋbü?» – dedi. Anan al meni kayra suunun jeegine çıgardı.

⁷Men kayra artka kelgenimde, suunun jeekterinde, suunun narkı öyüzündö da, berki öyüzündö da abdan köp darak bar eken.

⁸Anan al maga mınday dedi: «Bul suu jerdin çıgış tarabına agat, tüzdükkö tüşüp, deŋizge kuyulat. Oşondo deŋiz suusu taza bolup kalat.

⁹Eki agım kirgen jerde deŋizdegi ar kanday tirüü jandıktar, soylop jürüüçülör tirüü bolot. Balık ötö köp bolot, antkeni bul suu oşol jakka kuyulat, oşondo deŋizdin suusu taza bolup kalat. Bul suu kayda kuyulsa, al jerde baarı tirüü bolot.

¹⁰Anın jeeginde, Eyin-Gediden tartıp Eyin-Eglayımga çeyin balıkçılar torlorun salışat. Al jerde çoŋ deŋizdegidey ar kanday balıktar bolot, balıktar al jerde abdan köp bolot.

¹¹Anın sazdarı menen çööttörü tazalanbayt, alar tuz üçün kaltırılat.

¹²Suunun janında, narkı jana berki jeegin boyloto jemiş berüüçü ar türlüü daraktar ösöt. Alardın jalbıraktarı kuurabayt, alardın jemişteri tügönböyt. Ay sayın jaŋı jemiş bışıp turat, antkeni suu alar üçün ıyık jaydan agıp kelet. Alardın jemişteri tamak-aşka, al emi jalbıraktarı darılıkka paydalanılat».

¹³Kuday-Teŋir mınday deyt: «Siler jerdi Israyıldın on eki uruusuna mına bul çek aralar boyunça muras kılıp bölüp alasıŋar: Jusupka eki ülüş.

¹⁴Ar biriŋer anın bir tuuganı katarı jerdi muraska algıla, antkeni Men Özümdün kolumdu kötörüp, bul jerdi silerdin ata-babalarıŋarga berem dep ubada kılgam, oşonduktan bul jer silerdin murasıŋar bolot.

¹⁵Bul jerdin çek araları mınday: tündük çek ara Uluu deŋizden baştap, Hetlon arkıluu Sedatka karay ketken jolgo çeyin;

¹⁶Damask jana Hamat çek aralarının ortosundagı Hamat, Beyrot, Sibrayım, Habran çek arasının janındagı Hatseyir-Atikon.

¹⁷Deŋizden tartıp, Damask çek arasının janındagı Hatsar-Eynanga çeyin, tündüktö tündüktü karay ketken Hamat çek arası. Bul – tündük çek ara.

¹⁸Al emi çıgış çek arasın Habran menen Damasktın, Gilat menen Israyıl jerinin ortosunan, İordan boyu menen, tündük çek aradan Çıgış deŋizine çeyin belgilegile. Bul – çıgış çek ara.

¹⁹Tüştük çek ara tüştük jaktagı Tamaradan Kadeş suularına çeyin, agın suunu boylop, Uluu deŋizge çeyin ketet. Bul – tüştük çek ara.

²⁰Batış çek ara bolso – Uluu deŋiz, tüştük çek aradan Hamatka alıp baruuçu joldun karşısındagı jerge çeyin. Bul – batış çek ara.

²¹Mına uşul jerdi öz ara, Israyıl uruuları arasında bölüp algıla.

²²Al jerdi ökçömö taş boyunça özüŋörgö jana araŋarda jaşap jatkan, silerdin jeriŋerde balaluu bolgon çet jerlikterge muras kılıp bölüp bergile. Alar Israyıl uuldarının arasında jergiliktüü turgundar katarı eseptelişsin: Israyıl uruularının arasında siler menen birge muras bölüp alışsın.

²³Çet jerlik adam kaysı uruuda jaşasa, aga murastı oşol uruudan bergile», – deyt Kuday-Teŋir.