Read NT LS 2005 – Инжил ЛС (2005 Jezekiel 6 Bible Online

Jezekiel 6 - NT LS 2005 – Инжил ЛС (2005 bible

Jezekiel 6

¹Teŋirden maga söz boldu:

²«Adam uulu! Israyıl tooloruna jüzüŋdü bur, alarga karşı paygambarçılık kıl,

³alarga ayt: “Israyıl tooloru! Kuday-Teŋirdin sözün ukkula. Kuday-Teŋir toolorgo jana adırlarga, örööndörgö jana koktu-kolottorgo mınday deyt: «Men silerge karşı kılıç jiberem, biyik jerlerdegi butkanalarıŋardı kıyratam.

⁴Kurmandık çalınuuçu jaylarıŋar kıyratılat, küngö arnap turguzgan mamılarıŋar talkalanat, öltürülgön adamdarıŋardı jasalma kudaylarıŋardın aldına ırgıtam.

⁵Israyıl uuldarının ölüktörün özdörünün jasalma kudaylarının aldına koёm, sööktörüŋördü kurmandık çalınuuçu jaylarıŋardın tegeregine çaçam.

⁶Kurmandık çalınuuçu jaylarıŋar kıyratılıp talkalanışı üçün, jasalma kudaylarıŋar talkalanıp jok boluşu üçün, küngö arnalgan mamılarıŋar talkalanışı üçün, işteriŋer tüp-tamırı menen jok kılınışı üçün, siler jaşagan bardık şaarlar kıyratılat, biyik jerlerdegi butkanalarıŋar talkalanat.

⁷Adamdarıŋardı öltürüşöt, oşondo Menin Teŋir ekenimdi bilesiŋer.

⁸Birok Men kaldık kaltıram: siler kaysı ölkölördö çaçılıp jürsöŋör, oşol ölkölördögü elderdin arasında kılıçtan aman kalgan eliŋer bolot.

⁹Aman kalıp, elderdin arasına tutkundalıp ketken eliŋer Men alardın Menden baş tartkan, buzulgan jürögün, burkandardın artınan eerçigen buzulgan közdörün kıyratkanda, Men jönündö esteşet jana özdörünön, özdörü kılgan kıyanat işterinen, ıpılastıktarınan jiyirkenişet.

¹⁰Oşentip, alar Menin Teŋir ekenimdi bilişet. Alarga uşunday alaamat kaptatam dep beker aytpaganımdı bilişet»”.

¹¹Kuday-Teŋir mınday deyt: “Kol çap, butuŋ menen jer tep, anan ayt: «Israyıl üyünün bardık jiyirkeniçtüü kıyanat işteri üçün kaygı! Alar kılıçtan, açarçılıktan jana juguştuu oorudan ölüşöt.

¹²Kim alısta bolso, al juguştuu oorudan ölöt. Kim jakın jerde bolso, al kılıçtan ölöt. Al emi kurçoodo kalgan açkaçılıktan ölöt»”. Özümdün alarga bolgon kaarımdı uşintip büt tögöm.

¹³Öltürülgöndör özdörünün kurmandık çalınuuçu jaylarının tegeregindegi jasalma kudaylarının arasında jatkanda, ar kanday biyik döbölördö, ar kaysı toonun çokusunda, ar kanday jaşıl daraktardın tübündö, ar kanday butaktuu emendin tübündö, özdörünün jasalma kudaylarına jıpar jıttuu zat tütötkön jerlerde jatkanda, siler Menin Teŋir ekenimdi bilesiŋer.

¹⁴Oşentip, Men alarga karşı kolumdu sunup, bul jerdi, çöldön Diblaga çeyin, alar jaşagan bardık jerlerdi, çölgö jana een talaaga aylandıram, oşondo alar Menin Teŋir ekenimdi bilişet».