Read NT LS 2005 – Инжил ЛС (2005 Jezekiel 7 Bible Online

Jezekiel 7 - NT LS 2005 – Инжил ЛС (2005 bible

Jezekiel 7

¹Teŋirden maga söz boldu:

²«Sen, adam uulu, ayt: Kuday-Teŋir mınday deyt: “Israyıl jerinin akırı keldi, ölkönün tört tarabının akırı keldi.

³Emi senin künüŋ büttü. Saga karşı Özümdün kaarımdı jiberem, seni joldoruŋa jaraşa jazalaym, jiyirkeniçtüü işteriŋdin baarın özüŋö jüktöym.

⁴Menin közüm seni ayabayt, saga ırayım kılbaym, joldoruŋa jaraşa tieşeŋdi berem, jiyirkeniçtüü işteriŋ özüŋ menen bolot, oşondo Menin Teŋir ekenimdi bilesiŋer”».

⁵Kuday-Teŋir mınday deyt: «Kırsık, mına, bir kırsık kele jatat.

⁶Akırı keldi, akırı keldi, al saga karşı kötörüldü, mına, jetti.

⁷Kırsık saga jetti, ölkönün turgunu! Ubakıt keldi, al kün jakın, toolordogu kubanıçtuu kıykırıktın künü emes, dürbölöŋdüü kün kelerine jakın kaldı.

⁸Mına, Men jakında senin üstüŋö Özümdün kaarımdı tögöm, Özümdün saga karşı açuumdu büt tögöm, seni joldoruŋa jaraşa jazalaym, jiyirkeniçtüü işteriŋdin baarın özüŋö jüktöym.

⁹Menin közüm seni ayabayt, saga ırayım kılbaym, joldoruŋa jaraşa tieşeŋdi berem, jiyirkeniçtüü işteriŋ özüŋ menen bolot, oşondo Menin jazalooçu Teŋir ekenimdi bilesiŋer.

¹⁰Mına, al kün, mına, keldi! Senin ubagıŋ keldi! Tayak güldödü, tekeberdik örçüp ketti.

¹¹Kıyanattık mıyzamsızdıktın tayagına aylandı. Alardan, alardın tukumunan eç kim kalbayt, alardın baylıgınan eç nerse kalbayt, alardı joktop ıylaşpayt.

¹²Ubakıt keldi, kün jakındadı. Satıp algan adam kubanbasın, satkan adam ıylabasın, antkeni kaar alardın köp sandagan elinin üstündö.

¹³Antkeni satkan adam özü tirüü kalsa da, satılgan nersesine kayrılıp kelbeyt. Antkeni alardın köp sandagan eli jönündögü paygambarçılık körünüş jokko çıkpayt, mıyzamsızdıgı menen eç kim öz ömürün çıŋday albayt.

¹⁴Surnay tartıştı, bardıgı dayar boldu, birok soguşka bargan eç kim jok. Antkeni Menin kaarım alardın köp sandagan elinin üstündö.

¹⁵Iydün sırtında – kılıç, al emi üydün içinde – juguştuu ooru jana açarçılık. Kim talaada bolso, al kılıçtan ölöt, al emi kim şaarda bolso, anı juguştuu ooru menen açkaçılık jeyt.

¹⁶Alardın arasınan aman kalgandar kaçıp ketişet, alardın baarı toolordo boluşat. Ar biri öz mıyzamsızdıgı üçün örööndün kögüçköndöründöy bolup ontoyt.

¹⁷Baarının koldoru şaldayat, baarının tizeleri suuga okşop titireyt.

¹⁸Oşondo alar zumbal kurçanışat, alardı kaltırak basat. Alardın baarının jüzdöründö uyaluu bolot, baştarındagı çaçtarı tüşöt.

¹⁹Alar özdörünün kümüştörün köçögö ırgıtışat, altındarı alar üçün taza emes nerse sıyaktuu bolup kalat. Teŋirdin kaarı tögülgön künü alardı özdörünün altını menen kümüşü kutkara albayt. Alar anı menen jandarın toyguza alışpayt, kursaktarın da toltura alışpayt, antkeni alardın mıyzamsızdık kıluusuna oşolor türtkü bolgon.

²⁰Alardan jasalgan sonun jasalgalardı alar özdörünün daŋkı üçün koldonuştu, alardan özdörünün jiyirkeniçtüü burkandarının aykelderin jasaştı. Oşonduktan alardı alar üçün taza emes nersege aylandıram.

²¹Anı başkalardın koluna oljogo berem, jer jüzünün mıyzamsız adamdarına talatam, alar anı bulgaşat.

²²Men alardan Öz jüzümdü buram, oşondo alar Menin ıyık saktagan jayımdı bulgaşat, aga talap-tonooçular kirip, anı bulgaşat.

²³Çınjır jasa, antkeni bul jer kanduu kılmıştarga tolgon, şaar zorduk-zombulukka tolgon.

²⁴Men elderdin arasınan ötö kaarduu adamdardı alıp kelem, alar alardın üylörün eelep alışat. Küçtüülördün tekeberdigin ayagına çıgaram, alardın ıyık jayları bulganat.

²⁵Kırgın kele jatat. Tınçtıktı izdeşet, birok tabışpayt.

²⁶Kırsıktın artınan kırsık, kabardın artınan kabar kelet, paygambardan körünüş suraşat, ıyık kızmat kıluuçular mıyzamdı okuta albay, karılar akıl-nasaat ayta albay kalışat.

²⁷Padışa aza kütöt, törönü korkunuç basat, bul jerdegi eldin koldoru kaltırayt. Alarga özdörünün joldoruna jaraşa kılam, alardı özdörünün sottoruna jaraşa sottoym. Oşondo Menin Teŋir ekenimdi bilişet».