Read NT LS 2005 – Инжил ЛС (2005 Jezekiel 9 Bible Online

Jezekiel 9 - NT LS 2005 – Инжил ЛС (2005 bible

Jezekiel 9

¹Al menin kulagıma ayabay katuu ün menen mınday dedi: «Şaardı jazalooçular jakın kelişsin, ar birinin kolunda kıyratuuçu kuralı bolsun».

²Oşondo men tündük jaktı karagan jogorku darbaza jaktan ar birinin kolunda kıyratuuçu kuralı bar altı kişi kele jatkanın kördüm. Alardın arasında zıgır kezdemeden kiyim kiygen, belinde katçının sıya çelegi bar biröö bar eken. Alar kelip, jezden jasalgan kurmandık çalınuuçu jaydın janına turuştu.

³Israyıl Kudayının daŋkı keruptardın üstünön Iydün bosogosuna tüşüp, zıgır kezdemeden kiyim kiygen, belinde katçının sıya çelegi bar adamdı çakırdı.

⁴Teŋir aga mınday dedi: «Şaardı aralap öt, İerusalim şaarın aralap öt, anın içinde bolup jatkan jiyirkeniçtüü işter üçün kaygırgan, üşkürgön adamdardın çekesine belgi koy».

⁵Tigilerge bolso menin kulagıma uguza mınday dep ayttı: «Anın artınan eerçip, şaardı aralap, kırgıla. Közüŋör ayabasın, booruŋar oorubasın.

⁶Karıyanı da, ulandı da, kızdı da, naristeni da, ayaldardı da öltürgülö. Birok belgisi barlardın birine da tiybegile. Menin ıyık jayımdan baştagıla». Oşondo alar Teŋir üyünün aldında turgan aksakaldardan baştaştı.

⁷Anan alarga mınday dedi: «Teŋir üyün bulgagıla, koroolordu ölüktörgö tolturgula, anan sırtka çıkkıla». Alar sırtka çıgıştı da, şaardagılardı öltürö baştaştı.

⁸Alardı öltürüp jatışkanda, men oşol jerde turdum. Oşondo men jüztömöndöp jıgılıp, bozdop ıylap: «Oo Kuday-Teŋir! İerusalimge kaarıŋdı tögüp, çın ele, Sen Israyıldın büt kaldıgın kırıp salasıŋbı?» – dedim.

⁹Oşondo Al maga mınday dedi: «Israyıl menen Jüyüt tukumunun künöösü çoŋ, abdan çoŋ. Bul jer kanga toldu, şaar jalgançılıkka toldu, antkeni alar: “Teŋir bul jerdi taştap koydu, Teŋir bul jerdi körböyt”, – dep jatışat.

¹⁰Oşon üçün Menin közüm da ayabayt, ırayım kılbaym. Alarga özdörünün joldoruna jaraşa tieşesin berem».

¹¹Oşondo zıgır kezdemeden kiyim kiygen, belinde katçının sıya çelegi bar kişi: «Sen maga kanday buyrusaŋ, men oşondoy kıldım», – dep joop berdi.